അടുത്ത സുഹൃത്തായ രേവതിയുണ്ട്!! എന്നാൽ രോഹിണിയില്ല, ഡബ്ല്യൂസിസിയിൽ അംഗമാകാത്തതിനെ കുറിച്ച് നടി...

ബോൾഡ് താരം

മലയാളത്തിലും മറ്റ് ഭാഷചിത്രങ്ങളിലും നിറഞ്ഞ് നിൽക്കുന്ന താരമാണ് രോഹിണി. തെലുങ്ക് സിനിമയിൽ നിന്നാണ് രോഹിണി മലയാളത്തിലെത്തിയത്. പിന്നീട് ബിഗ് സ്ക്രീനിൽ കരുത്തുറ്റ സ്ത്രീകഥാപാത്രങ്ങൾക്ക് താരം ജീവൻ നൽകി . സ്ത്രീപക്ഷ ചിത്രങ്ങളിൽ സജീവമായ താരത്തിന്റെ പല തീരുമാനങ്ങളും അഭിപ്രായങ്ങളും അത്തരത്തിലുളളത്. കഴിവുറ്റ നടി എന്നതിലുപരി ശക്തയായ സ്ത്രീയാണിവർ.

വനിത സംഘടനയിൽ ഇല്ല

2017 ൽ രൂപം കൊണ്ട മലയാളത്തിലെ വനിത സംഘടനയാണ് ഡബ്ല്യൂസസി അഥവ വുമൻ ഇൻ സിനിമ കളക്ടീവ്. മലയാള സിനിമയിലെ സകല മേഖലയിൽ പ്രവർത്തിക്കുന്ന സത്രീകൾ ഈ സംഘടനയിൽ പ്രവർത്തിക്കുന്നുണ്ട് . ഓൺസ്ക്രീനിൽ പ്രവർത്തിക്കുന്നവരു മുതൽ സിനിമയുടെ പിന്നണിയിൽ പ്രവർത്തിക്കുന്നവർ വരെ ഈ ഡബ്ല്യൂസിസിയിലുണ്ട്. രേവതി, മഞ്ജുവാര്യർ, പത്മപ്രിയ, പാർവതി, റിമ തുടങ്ങിയവർ മുൻ കൈ എടുത്തായിരുന്നു സംഘടന ആരംഭിച്ചത്. എന്നൽ ഇതിൽ രോഹിണി അംഗമല്ല. നടി രേവതിയും രോഹിണിയും അടുത്ത സുഹൃത്തുക്കളാണ്. എന്നിട്ടും താരം ഡബ്ല്യൂസസിയിൽ എന്ത് കൊണ്ട് അംഗമാകുന്നില്ല. ഇതിനെ കുറിച്ച് രോഹിണി തന്നെ വെളിപ്പെടുത്തുകയാണ്

എന്റെ കർമ്മ മണ്ഡലം ഇവിടെയല്ല

നടിയ്ക്ക് സംഭവിച്ചത് ഒരു തെറ്റായ കാര്യമാണ്. എന്നാൽ വസ്തവത്തിൽ എന്താണ് സംഭവിച്ചതെന്ന് തനിയ്ക്ക് അറിയണം. ഒരു സ്ത്രീയ്ക്ക് നേരെയുണ്ടാകുന്ന അധിക്ഷേപം ഒരു തെറ്റായ സംഭവമാണ്. വാക്ക് കൊണ്ടായാലും പ്രവർത്തി കൊണ്ടായലും ഇത് അംഗീകരിക്കാൻ കഴിയുന്നതല്ല. റിമയും പാർവതിയുൾപ്പെടെയുളള മുൻനിര യുവനടിമാർ ഇതിനെതിരെ മുന്നോട്ട് വന്നത് നല്ല കാര്യമാണ്. ഇത് കണ്ടപ്പോൾ വിചാരിച്ചു. ഇവിടെ അവർ ജോലി ചെയ്യട്ടെ, താൻ അങ്ങോട്ട് പോകേണ്ടതില്ല. ഞാൻ എവിടെയാണോ എവിടെ എന്റെ പ്രവർത്തികളുമായി മുന്നോട്ട് പോകാം-രോഹിണി പറഞ്ഞു.

താൽപര്യമില്ല‍

അതേ സമയം യുവനടി ഐശ്വര്യയും ഡബ്ല്യൂസിസിയിൽ അംഗമാകാത്തതിന്റെ കാരണം വെളിപ്പെടുത്തി. താൽപപര്യമില്ലാത്തുകൊണ്ടാണ് വനിത കൂട്ടായ്മയിൽ അംഗമാകാത്തതെന്ന് താരം പറഞ്ഞു. തിരുവനന്തപുരം പ്രസ്ക്ലബ്ബിൽ സംഘടിപ്പിച്ച മുഖാമുഖം പരിപാടിക്കിടെയാണ് താരം ഇക്കാര്യം പറഞ്ഞത്.