കെജിഎഫ് നായകന്റെ പ്രതിഫലം 27 കോടി; വില്ലനും കോടികള്‍, മറ്റ് താരങ്ങളുടെ പ്രതിഫല തുകയെ കുറിച്ചുള്ള റിപ്പോര്‍ട്ട്

ആദ്യ ഭാഗം റിലീസിനെത്തിയപ്പോള്‍ തന്നെ നായകനടക്കം ഇന്ത്യന്‍ സിനിമാലോകത്ത് വലിയ ജനപ്രീതി നേടിയിരുന്നു. രണ്ടാം ഭാഗത്തില്‍ ബോളിവുഡില്‍ നിന്നും നടന്‍ സഞ്ജയ് ദത്ത് അടക്കമുള്ളവര്‍ അഭിനയിക്കുന്നു എന്ന പ്രത്യേകത കൂടിയുണ്ട്. ബിഗ് ബജറ്റില്‍ ഒരുക്കുന്ന സിനിമയ്ക്ക് നൂറ് കോടിയോളം മുതല്‍ മുടക്ക് ആവശ്യമുണ്ടെന്നാണ് കണക്ക് വിവരങ്ങള്‍. കെജിഎഫിലെ ഏറ്റവും ശ്രദ്ധേയ കേന്ദ്രമാണ് കന്നട നടന്‍ യഷ് അവതരിപ്പിക്കുന്ന റോക്കി ഭായ് എന്ന കഥാപാത്രം. റൊമാന്റിക് ഹീറോ ആയിരുന്ന യഷിന്റെ കരിയര്‍ ബ്രേക്ക് ചെയ്ത സിനിമയാണിത്.

ഇന്ത്യയിലെ സൂപ്പര്‍താര പദവിയിലേക്ക് ഉയര്‍ന്ന യഷ് കെജിഎഫിന്റെ രണ്ടാം ഭാഗത്തിന് വേണ്ടി വലിയൊരു പ്രതിഫലം തന്നെ വാങ്ങിക്കുന്നുണ്ടെന്നാണ് റിപ്പോര്‍ട്ടുകള്‍. ഇരുപത്തിയഞ്ച് മുതല്‍ ഇരുപത്തിയേഴ് കോടി വരെ ആയിരിക്കും യഷിന്റെ പ്രതിഫലമെന്നാണ് അറിയുന്നത്. ചിത്രത്തില്‍ വില്ലന്‍ വേഷത്തിലാവും സഞ്ജയ് ദത്ത് അഭിനയിക്കുന്നതെന്നാണ് റിപ്പോര്‍ട്ടുകള്‍. മുന്‍പ് താരത്തിന്റെ ക്യാരക്ടര്‍ പോസ്റ്റര്‍ പുറത്ത് വന്നപ്പോള്‍ തന്നെ വലിയ തരംഗമായി മാറിയിരുന്നു. കെജിഎഫിലേക്ക് എത്തുമ്പോള്‍ 9 മുതല്‍ 10 കോടി വരെയായിരിക്കും സഞ്ജയ് ദത്തിന് ലഭിക്കുക എന്നാണ് അറിയുന്നത്.

കെജിഎഫിലെ നായികമാരില്‍ തരംഗമുണ്ടാക്കാനുള്ള ശ്രമത്തിലാണ് രവീണ ടണ്ടന്‍. ചിത്രത്തില്‍ രാമിക സെന്‍ എന്ന കഥാപാത്രത്തിലാണ് നടി അഭിനയിക്കുന്നത്. ഇന്ത്യയുടെ പ്രധാനമന്ത്രിയുടെ റോള്‍ ആയിരിക്കുമിത്. ഇതിന് വേണ്ടി ഒന്ന് മുതല്‍ രണ്ട് കോടിയ്ക്ക് ഉള്ളിലായിരിക്കും നടിയ്ക്ക് പ്രതിഫലമായി ലഭിക്കുന്നത്. റീന ദേശായി എന്ന പ്രധാനപ്പെട്ട കഥാപാത്രം ചെയ്യുന്നത് നടി ശ്രീനിഥിയാണ്. മൂന്ന് കോടിയ്ക്കും നാല് കോടിയ്ക്കും ഇടയിലുള്ള തുക ഈ നടിയ്ക്കും ലഭിക്കുമെന്നാണ് റിപ്പോര്‍ട്ട്.

Recommended Video

Aamir Khan Repeatedly Apologized To ‘KGF’ Actor Yash, find out what's the reason? | Filmibeat

അതേ സമയം കെജിഎഫ് സംവിധായകനും എഴുത്തുകാരനുമായ പ്രശാന്ത് നീലിനും വലിയൊരു തുക തന്നെയാണ്. പതിനഞ്ചിനും ഇരുപതിനും ഉള്ളിലായിരിക്കും സംവിധായകന്റെ പ്രതിഫലം. പ്രകാശ് രാജ്, മാളവിക അവിനാഷ്, ആനന്ദ് നാഗ് എന്നവരാണ് സിനിമയിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഇവര്‍ക്ക് ഒരു കോടിയ്ക്കും അമ്പത് ലക്ഷത്തിനും ഇടയിലുള്ള തുകയായിരിക്കും ലഭിക്കുക.