ചലച്ചിത്ര താരം കൃഷ്ണ കുമാരി അന്തരിച്ചു

പ്രശസ്ത തെന്നിന്ത്യൻ താരം കൃഷ്ണ കുമാരി അന്തരിച്ചു. തെലുങ്കിനെ കൂടാതെ മലയാളം, തമിഴ് , കന്നട എന്നീ ഭാഷയിലും ഇവർ നിറ സിന്നിധ്യമായിരുന്നു.ചെറിയ കഥാപാത്രങ്ങളിലൂടെ ചലച്ചിത്ര രംഗത്തെത്തിയ ഇവർ പിന്നീട് തെന്നിന്ത്യൻ സിനിമ ലോകത്തിലെ ഒരു പ്രധാന ഭാഗമാകുകയായിരുന്നു. തെലുങ്കിൽ 125 ഒളം സിനിമകളിൽ അഭിനയിച്ചിട്ടുണ്ട്.

1951 ൽ ചെറിയ കഥാപാത്രത്തിലൂടെയാണ് കൃഷ്ണ കുമാരി സിനിമ ലോകത്തിലേയ്ക്ക് പ്രവേശിക്കുന്നത്. പിന്നീട് താരത്തിന് കൈ നിറയെ ചിത്രങ്ങളായിരുന്നു. മലയാളം, തമിഴ് , കന്നട എന്നീ ഭാഷയിൽ 50 ഓളം ചിത്രങ്ങളിലും ഇവർ വേഷമിട്ടിരുന്നു. 'ഉമ്മ' ആണ് ഇവരുടെ ആദ്യ മലയാള ചിത്രം. കന്നട, തെലുങ്കു, തമിഴ് ഭാഷയിലെ പ്രമുഖ നായകന്മാരോടൊപ്പം കൃഷ്ണ കുമാരി അഭിനയിച്ചിട്ടുണ്ട്.

ദേശീയ അവാർഡ്, സംസ്ഥാന സർക്കാരിന്റെ അവാർഡിനു ഇവർ അർഹയായിട്ടുണ്ട്.