ഏറ്റവും നെഗറ്റീവായി കണ്ടത് ഉയരക്കൂടുതൽ, പക്ഷേ അതുതന്നെ ജീവിതം മാറ്റി; ബിഗ് ബോസ് താരം ഋതുമന്ത്ര പറയുന്നു

കേരളത്തിൽ നിന്നും മിസ്സ്‌ ഇന്ത്യയിൽ മത്സരിച്ച ആളാണ് ഋതു മന്ത്ര. മോഡലിംഗിന് പുറമെ അഭിനത്രി, ഗായിക എന്നി മേഖലകളിൽ തിളങ്ങി നിന്നിട്ടുണ്ട് താരം. കണ്ണൂരുകാരിയായ താരത്തെ കേരളത്തിൽ മുഴുവൻ അറിയപ്പെടുന്ന തരത്തിൽ എത്തിച്ചത് ബിഗ്ഗ് ബോസ്സ് ആണ്.

അനവധി വെല്ലുവിളികൾ  നേരിട്ടുട്ടുണ്ട് ജീവിതത്തിൽ എന്നാണ് ഋതു പറയുന്നത്. എന്തിനെയും ഫൈറ്റ് ചെയ്തു തോൽപ്പിച്ചാണ് താരം ഇപ്പോഴുള്ള നിലയിലേക്ക് എത്തുന്നത്.അതുകൊണ്ട് തന്നെയാണ് താരത്തെ ബിഗ്ഗ് ബോസ്സ് പോലുള്ള ഒരു ഷോയിൽ കൊണ്ടുവന്നത്.

പഠന കാലം തൊട്ട് മോഡലിംഗ് ചെയ്യുന്ന ആളാണ് ഋതു. പോക്കറ്റ് മണിക്ക് വേണ്ടിയാണു മോഡലിംഗ് തുടങ്ങിയത്. പിന്നീട് തന്റെ ചിത്രങ്ങൾ മാഗസിനിൽ വരാൻ തുടങ്ങിയപ്പോൾ കോൺഫിഡൻസ് കൂടുകയും മോഡലിംഗിൽ തുടരാൻ തീരുമാനിച്ചെന്നും താരം പറയുന്നു.

2018ൽ മിസ്സ്‌ ഇന്ത്യ മത്സരത്തിൽ പങ്കെടുത്തു താരം. കേരളത്തെ പ്രതിനിധീകരിച്ച താരം മിസ്സ്‌ ടാലൻഡ് സൗത്ത് ആയി. മത്സരത്തിൽ പങ്കെടുത്തപ്പോൾ അനവധി പേരെ കണ്ടുമുട്ടിയെന്നും മോഡലിംഗിൽ കോൺഫിഡൻസ് എങ്ങനെയാണു പിടിച്ചുനിൽക്കാൻ പ്രേരിപ്പിക്കുന്നതെന്നും മനസ്സിലായി. അവിടെ നിലനിൽക്കുക എന്നത് വലിയ ബുദ്ധിമുട്ടാണെന്നും താരം പറയുകയുണ്ടായി.

ചെറുപ്പം മുതലേ നീളകൂടുതൽ കാരണം ഒരുപാട് വിമര്ശനങ്ങൾ നേരിട്ടിട്ടുണ്ട് താരം. ഉയരകൂടുതൽ കൊണ്ട് ക്ലാസ്സിൽ പുറകിൽ ഇരിക്കാൻ ടീച്ചർ പറഞ്ഞതും നടി ഓർക്കുന്നു. നീളം കൂടുതൽ ഉണ്ടല്ലോ മോഡലിംഗ് നോക്കിക്കൂടെ എന്നു ഡിസൈനർ പറഞ്ഞത് താരത്തെ മോഡലിംഗിൽ എത്തിച്ചു.

അച്ഛൻ മരിച്ചതിനു ശേഷം സിംഗിൾ പാരന്റിലാണ് ഋതു വളർന്നത്. തന്റെ ജീവിതത്തിൽ കണ്ട ഏറ്റവും വലിയ സ്ട്രോങ്ങ്‌ വുമൺ അമ്മ ആണെന്ന് താരം പലപ്പോഴും പറഞ്ഞിട്ടുണ്ട്. ആരുടേയും സഹായമില്ലാതെ ഒറ്റയ്ക്കാണ് തന്നെ വളർത്തിയതെന്നും ഋതു പറയുന്നു.

ജീവിതത്തിൽ അമ്മയ്ക്ക് വലിയ പ്രാധാന്യമുണ്ട്. അവസരങ്ങൾ വന്നപ്പോൾ അമ്മ കൂടെത്തന്നെ നിന്നു. അമ്മയെ കണ്ടു വളർന്നത് കൊണ്ട് എന്തിനെയും നേരിടാനുള്ള ശക്തി നേരത്തെ ഉണ്ടെന്നും താരം പറഞ്ഞു. മികച്ച ഗായികയാണ് ഋതു മന്ത്ര.

ഇപ്പോൾ വിവാഹത്തിന് റെഡി അല്ല എന്നാണ് താരം പറയുന്നത്. സിനിമയിലും മോഡലിംഗിലും തിരക്കുകളിലാണ് ഋതു. വിവാഹത്തിന് ഇനിയും സമയമുണ്ട്. സോഷ്യൽ മീഡിയയിൽ സജീവമായ താരം ആരാധകർക്കായി വിശേഷങ്ങൾ പങ്കുവയ്ക്കാറുണ്ട്.