തെറ്റ് പറ്റാത്തവരായി ആരൂണ്ട് ഗോപൂ...; സിനിമ പരാജയപ്പെട്ടപ്പോള്‍ മാപ്പ് പറഞ്ഞ താരങ്ങള്‍

സല്‍മാന്‍ ഖാന്‍ നായകനായ ചിത്രമായിരുന്നു ട്യൂബ് ലൈറ്റ്. ചിത്രം സംവിധായകന്‍ കബീര്‍ ഖാന്‍ ആയിരുന്നു. ചിത്രത്തിന്റെ പരാജയത്തെ തുടര്‍ന്ന് കബീര്‍ ഖാന്‍ തന്നെ മാപ്പ് ചോദിക്കുകയായിരുന്നു.

ഷാരൂഖ് ഖാനും അനുഷ്‌ക ശര്‍മയും പ്രധാന വേഷത്തിലെത്തിയ ചിത്രമായിരുന്നു ജബ് ഹാരി മെറ്റ് സേജല്‍. ഇംത്യാസ് അലിയായിരുന്നു സംവിധായകന്‍. ചിത്രം പരാജയപ്പെട്ടപ്പോള്‍ ഷാരൂഖ് തന്നെ മാപ്പ് ചോദിച്ചെത്തുകയായിരുന്നു.

മുസ്തഫ ബര്‍മവാലയുടെ അരങ്ങേറ്റ ചിത്രമായിരുന്നു മെഷീന്‍. കിയാര അദ്വാനിയായിരുന്ന നായിക. ചിത്രം പരജായപ്പെട്ടപ്പോള്‍ മുസ്തഫ തന്നെ മാപ്പ് ചോദിക്കുകയായിരുന്നു.

രണ്‍ബീര്‍ കപൂറും കത്രീന കൈഫും പ്രധാന വേഷത്തിലെത്തിയ ചിത്രമായിരുന്നു ജഗ്ഗാ ജാസൂസ്. ചിത്രം പരാജയപ്പെട്ടതോടെ സംവിധായകന്‍ അനുരാഗ് ബസു പ്രേക്ഷകരോട് ക്ഷമ പറയുകയായിരുന്നു. എന്നാല്‍ സിനിമ പിന്നീട് കള്‍ട്ട് പദവി നേടിയെടുത്തു.

വലിയ പ്രതീക്ഷയോടെ വന്ന ചിത്രമായിരുന്നു തഗ്ഗ്‌സ് ഓഫ് ഹിന്ദുസ്ഥാന്‍. ചിത്രം പക്ഷെ വമ്പന്‍ പരാജയമായി മാറിയ. വലിയ താരനിരയുണ്ടായിട്ടും ജയിക്കാനായില്ല. ഇതോടെ ആമിര്‍ ഖാന്‍ തന്നെ മാപ്പ് ചോദിച്ചെത്തുകയായിരുന്നു.

ഈയ്യടുത്തിറങ്ങിയ രണ്‍ബീര്‍ കപൂര്‍ ചിത്രമാണ് ഷംഷേര. രണ്‍ബീര്‍ കപൂറാണ് നായകനായി എത്തിയത്. ചിത്രം പരാജയപ്പെട്ടതോടെ സംവിധായകന്‍ കരണ്‍ മത്‌ഹോത്ര മാപ്പ് ചോദിക്കുകയായിരുന്നു.