Click it and Unblock the Notifications
മോഹിപ്പിക്കുന്ന സംഗീതവും ആഴമുള്ള വരികളും; സാഹസത്തിലെ ആദ്യ സിംഗിൾ ട്രാക്ക് റിലീസിന് ഒരുങ്ങുന്നു
അണിയറയിൽ ഒരുങ്ങുന്ന ഏറ്റവും പുതിയ സിനിമ സാഹസത്തിലെ ആദ്യ സിംഗിൾ ട്രാക്ക് ജൂലൈ നാലിന് വൈകിട്ട് അഞ്ച് മണിക്ക് ഔദ്യോഗികമായി പുറത്തിറക്കും. ചിത്രത്തിലെ ഗാനങ്ങൾ എല്ലാം തന്നെ ഹൃദയസ്പർശിയായ അനുഭവമായിരിക്കുമെന്ന കാര്യത്തിൽ സംശയമില്ല. ഇതിലെ ഗാനങ്ങൾ ആലപിച്ചിരിക്കുന്നത് ഫേജോ, ഹരിശങ്കർ, ചിൻമയി എന്നിവരാണ്. പ്രേക്ഷകർ ഏറെ പ്രതീക്ഷയോടെയാണ് സാഹസം എന്ന ഈ പുതിയ ചിത്രത്തേയും അതിലെ സംഗീതത്തെയും കൈകൊള്ളുന്നത്. പുതിയ ഗാനം മോഹിപ്പിക്കുന്ന സംഗീതവും ആഴമുള്ള വരികളുമായിരിക്കും എന്നാണ് സൂചനകൾ. സരിഗമയാണ് ഈ ചിത്രത്തിന്റെ മ്യൂസിക് റൈറ്റ്സ് സ്വന്തമാക്കിയിരിക്കുന്നത്.
ഫ്രണ്ട് റോ പ്രൊഡക്ഷൻസിൻ്റെ ബാനറില് റിനീഷ് കെ.എൻ നിർമ്മിച്ച് ബിബിൻ കൃഷ്ണയുടെ സംവിധാനത്തില് ഒരുക്കിയ പുതിയ ചിത്രമാണ് സാഹസം. ട്വന്റി വണ് ഗ്രാംസ് എന്ന ഹിറ്റ് ചിത്രത്തിനുശേഷം ബിബിൻ കൃഷ്ണ സംവിധാനം ചെയ്യുന്ന പുതിയ സിനിമ കൂടിയാണ് സാഹസം. ട്വന്റി വണ് ഗ്രാംസ്, ഫീനിക്സ് എന്നീ ഹിറ്റ് ചിത്രങ്ങള് നിർമ്മിച്ച റിനിഷ് കെ എൻ ആണ് ദി ഫ്രണ്ട് റോ പ്രൊഡക്ഷൻസിന്റെ ബാനറില് ഈ ചിത്രവും നിർമ്മിക്കുന്നത്. സംഗീതത്തിന് വലിയ പ്രാധാന്യം നല്കി ഒരുക്കുന്ന ഈ ചിത്രത്തിന് വേണ്ടി സംഗീതം ഒരുക്കുന്നത് ബിബിൻ അശോക് ആണ്.
ചിത്രത്തില് ബാബു ആൻ്റണി, ബൈജു സന്തോഷ്, നരേൻ, റംസാൻ, ഗൗരി കിഷൻ, ജീവ ജോസഫ്, ശബരീഷ്, മേജർ രവി, ടെസ്സ ജോസഫ്, ഹരി ശിവറാം, വർഷ രമേശ്, സജിൻ ചെറുകയില്, ബഗത് ഇമ്മാനുവല്, കാർത്തിക്, ആൻ സലിം, ജയശ്രീ ശിവദാസ് എന്നിവർ പ്രധാന വേഷങ്ങളില് അഭിനയിക്കുന്നു. തിരക്കഥ സംഭാഷണവും ബിബിൻ കൃഷ്ണയും യദു കൃഷ്ണ ദയാ കുമാറും ചേർന്നാണ് ഒരുക്കിയത്.
ഗാനങ്ങള്: വിനായക് ശശികുമാർ, വൈശാഖ് സുഗുണൻ, ഛായാഗ്രഹണം: ആല്ബി, നിശ്ചല ഛായാഗ്രഹണം: ഷൈൻ ചെറ്റികുളങ്ങര, രോഹിത്, ഡിസൈൻ: യെല്ലോ ടൂത്ത്, ചീഫ് അസോസിയേറ്റ് ഡയറക്ടർ: പാർത്ഥൻ, അസോസിയേറ്റ് ഡയറക്ടർ: നിധീഷ് നമ്ബ്യാർ, ഫൈനല് മിക്സ്: വിഷ്ണു പി. സി, കലാസംവിധാനം: സുനില് കുമാരൻ, മേക്ക്അപ്പ്: സുധി കട്ടപ്പന, കോസ്റ്റ്യൂം ഡിസൈൻ: അരുണ് മനോഹർ, ആക്ഷൻ: ഫീനിക്സ് പ്രഭു.
Continue with Google