ഇന്റർനാഷണൽ ഫിലിം ഫെസ്റ്റിവൽ ഓഫ് തൃശ്ശൂർ: മികച്ച നവാഗത സംവിധായകർക്കുള്ള പുരസ്കാരങ്ങൾ പ്രഖ്യാപിച്ചു

ഇരുപതാമത് ഇന്റർനാഷണൽ ഫിലിം ഫെസ്റ്റിവൽ ഓഫ് തൃശ്ശൂർ (IFFT) 2025-ലെ മികച്ച നവാഗത സംവിധായകർക്കുള്ള പുരസ്കാരങ്ങൾ പ്രഖ്യാപിച്ചു. മലയാളത്തിലെ മികച്ച സിനിമകൾക്കുള്ള പുരസ്‌കാരം രണ്ട് ചിത്രങ്ങൾ പങ്കിട്ടു. മനോജ് കുമാർ സംവിധാനം ചെയ്ത 'പ്രളയശേഷം ഒരു ജലകന്യക', ഫാസിൽ മുഹമ്മദ് സംവിധാനം ചെയ്ത 'ഫെമിനിച്ചി ഫാത്തിമ' എന്നീ ചിത്രങ്ങളാണ് പുരസ്കാരത്തിന് അർഹമായത്.

​ശോഭന പടിഞ്ഞാറ്റിലിന്റെ 'ഗേൾ ഫ്രണ്ട്‌സ്' എന്ന ചിത്രത്തിന് ജൂറിയുടെ പ്രത്യേക പരാമർശം ലഭിച്ചു.പ്രശസ്ത നിർമ്മാതാവ് കെ. രവീന്ദ്രനാഥൻ നായരുടെ പേരിലുള്ള ഈ പുരസ്‌കാരം ഒരു ലക്ഷം രൂപയും പ്രശസ്തിപത്രവും അടങ്ങുന്നതാണ്. ടി. കൃഷ്ണനുണ്ണി ചെയർമാനും ചലച്ചിത്ര നിരൂപകരായ എം.സി. രാജനാരായണൻ, ഡോ. എം.ആർ.

രാജേഷ് എന്നിവർ അംഗങ്ങളുമായ ജൂറിയാണ് വിജയികളെ തിരഞ്ഞെടുത്തത്.
​ഒക്ടോബർ 31-ന് ശ്രീ തീയേറ്ററിൽ നടക്കുന്ന IFFT-യുടെ സമാപന ചടങ്ങിൽ വെച്ച് പ്രശസ്ത സംവിധായകൻ ശ്രീ. അടൂർ ഗോപാലകൃഷ്ണൻ വിജയികൾക്ക് പുരസ്കാരങ്ങൾ നൽകും.