ദക്ഷിണേന്ത്യൻ സിനിമയുടെയും സർ​ഗാത്മകതയുടെയും നാഴികക്കല്ലായി മാറാൻ ജിയോ ഹോട്ട്സ്റ്റാർ സൗത്ത് അൺബൗണ്ട്

സ്ട്രീമിംഗ് പ്ലാറ്റ്‌ഫോമായ ജിയോസ്റ്റാർ ജിയോ ഹോട്ട്സ്റ്റാർ സൗത്ത് അൺബൗണ്ട് എന്ന പേരിൽ ദക്ഷിണേന്ത്യൻ ഉള്ളടക്കത്തിലേക്ക് ഒരു വലിയ മുന്നേറ്റത്തിന് ഒരുങ്ങുന്നു. ജിയോ ഹോട്ട്സ്റ്റാർ സൗത്ത് അൺബൗണ്ട് എന്ന പുതിയ പദ്ധതിയിലൂടെ തമിഴ്, തെലുങ്ക്, മലയാളം, കന്നഡ ഭാഷകളിലായുള്ള ഒറിജിനൽ ഉള്ളടക്കവും പ്രോഗ്രാമിങ് വോള്യവും ​ഗണ്യമായി കൂട്ടി മേഖലയിൽ ഉള്ള ക്രിയേറ്റേഴ്സുമായി കൂടുതൽ ആഴത്തിലായുള്ള സഹകരണവും ഉറപ്പാക്കുമെന്ന് കമ്പനി പ്രഖ്യാപിച്ചു.

ഈ പദ്ധതിയുടെ പ്രധാന ഭാഗമാണ് നിർമ്മാണ വോള്യം ഗണ്യമായി വർധിപ്പിക്കുന്നത്. ദക്ഷിണേന്ത്യൻ ജെൻ സി പ്രേക്ഷകർക്കായുള്ള ഉള്ളടക്കം ഏഴ് മുതൽ മുതൽ മടങ്ങ് വരെ വർധിപ്പിക്കാനാണ് ലക്ഷ്യം.

ഇപ്പോൾ ഏകദേശം 500 മണിക്കൂറുള്ള പ്രാദേശിക ഉള്ളടക്കം 1100 മണിക്കൂറാക്കി ഉയർത്താനും അതിൽ 40 മുതൽ 50 വരെ പുതിയ ഒറിജിനലുകൾ ഉൾപ്പെടുത്താനുമാണ് പദ്ധതി. സൗത്ത് അൺബൗണ്ട് എന്ന ബാനർ ജിയോ സ്റ്റാറിന്റെ ദീർഘകാല ദക്ഷിണേന്ത്യൻ തന്ത്രത്തിന്റെ പ്രതീകം തന്നെയാണ്. ദക്ഷിണേന്ത്യൻ പ്രേക്ഷകർക്കായി 40 മുതൽ 50 വരെ ഒറിജിനലുകൾ നിർമിക്കാനുള്ള വാഗ്ദാനം കമ്പനി ഇതിനകം നൽകിയിട്ടുണ്ട്.

കൂടാതെ കമ്മീഷൻ ചെയ്യുന്ന ഉള്ളടക്കത്തിന്റെ ദൈർഘ്യവും വർധിപ്പിക്കുമെന്ന് അറിയിച്ചിട്ടുണ്ട്. വരാനിരിക്കുന്ന ലൈനപ്പിൽ വെബ് സീരീസുകളും ചിത്രങ്ങളും സ്പെഷലുകളും കൂടുതൽ പ്രധാനമാവും. ഈ സമീപനത്തെ ഹൈലൈറ്റാക്കാൻ ജിയോസ്റ്റാർ ഇക്കഴിഞ്ഞ ഡിസംബർ നാലിന് ഒരു ടീസർ പുറത്തിറക്കി.

ഒരു പുതിയ യുഗം വികസിച്ചുകൊണ്ടിരിക്കുന്നു... അതിരുകൾ ലംഘിക്കുന്ന കഥകൾ കൊണ്ടുവരുന്നു എന്ന ടാ​ഗും കമിങ് സൂൺ എന്ന സന്ദേശവുമാണ് പ്രോമോയിൽ ഉണ്ടായിരുന്നത്. ദൃശ്യങ്ങൾ ബഹുഭാഷാ ഉള്ളടക്കവും യുവ പ്രേക്ഷകരെ ലക്ഷ്യമാക്കിയുള്ള സമീപനവും സൂചിപ്പിക്കുന്നു. ജിയോ ഹോട്ട്സ്റ്റാർ സൗത്ത് അൺബൗണ്ട് ലോഞ്ച് ഇവന്റ് ഡിസംബർ ഒമ്പതിന് ചെന്നൈയിൽ നടക്കും.

തമിഴ്നാട് ഉപമുഖ്യമന്ത്രി ഉദയനിധി സ്റ്റാലിനും നടൻ കമൽഹാസനും ഈ ദക്ഷിണേന്ത്യൻ സിനിമയുടെയും സൃഷ്ടിപരതയുടെയും ചരിത്രപരമായ ആഘോഷം ഉദ്ഘാടനം ചെയ്യും. പരിപാടിക്ക് മുന്നോടിയായി സൗത്ത് ക്ലസ്റ്ററിലെ എന്റർടൈൻമെന്റ് ബിസിനസ് മേധാവി കൃഷ്ണൻ കുട്ടി നയിക്കുന്ന ജിയോസ്റ്റാറിന്റെ നേതൃത്വ സംഘം തമിഴ്‌നാട് മുഖ്യമന്ത്രി എംകെ സ്റ്റാലുമായി കൂടിക്കാഴ്ച നടത്തി.

ഈ സംരംഭത്തിന്റെ ദർശനം, അഭിലാഷം, സാംസ്കാരിക പ്രാധാന്യം എന്നിവയെക്കുറിച്ച് വിശദീകരിച്ചു. സംസ്ഥാന സർക്കാരുമായും പ്രാദേശിക വിനോദ വ്യവസായവുമായും ബന്ധം ശക്തിപ്പെടുത്തുന്നതിൽ ജിയോസ്റ്റാറിന്റെ തന്ത്രപരമായ ശ്രദ്ധ കേന്ദ്രീകരിക്കുന്നതിനെ യോഗം അടിവരയിട്ടു.

ദക്ഷിണേന്ത്യയിലുടനീളമുള്ള പ്രമുഖ ചലച്ചിത്ര നിർമ്മാതാക്കൾ, സ്രഷ്ടാക്കൾ, പ്രതിഭകൾ എന്നിവരെ ഈ പരിപാടി ഒരുമിച്ച് കൊണ്ടുവരും. ഒന്നിലധികം പ്രാദേശിക ഭാഷകളിലായി വ്യാപിച്ചുകിടക്കുന്ന പുതിയ ഉള്ളടക്ക പദ്ധതികൾ ജിയോസ്റ്റാർ പ്രഖ്യാപിക്കുമെന്ന് പ്രതീക്ഷിക്കുന്നു.