മേനെ പ്യാർ കിയ ആ​ഗസ്റ്റ് 29 ന് തിയറ്ററുകളിൽ

സ്പെയർ പ്രൊഡക്ഷൻസിന്റെ ബാനറിൽ സഞ്ജു ഉണ്ണിത്താൻ നിർമിച്ച് നവാ​ഗതനായ ഫെെസൻ രചനയും സംവിധാനവും നിർവഹിച്ച മേനെ പ്യാർ കിയ ആ​ഗസ്റ്റ് 29 ന് തിയറ്ററുകളിലെത്തും. ഹൃദു ഹരൂൺ, പ്രീതി മുകുന്ദൻ, അസ്കർ അലി, മിദൂട്ടി, അർജുൻ, ജിയോ ബേബി, ശ്രീകാന്ത് വെട്ടിയാർ, ജ​ഗദീഷ്, ജനാർദനൻ തുടങ്ങി വലിയ താരനിര അണിനിരക്കുന്നു.

മന്ദാകിനി എന്ന സൂപ്പർഹിറ്റ് ചിത്രത്തിന് ശേഷം സെപയർ പ്രൊഡക്ഷൻസ് നിർമ്മിക്കുന്ന സിനിമയാണ് മേനെ പ്യാർ കിയ. റൊമാന്റിക് ത്രില്ലർ ചിത്രം ഓണം റിലീസായാണ് പ്രേക്ഷകരിലേക്ക് എത്തുന്നത്. ചിത്രം കാണാൻ കാത്തിരിക്കുകയാണ് പ്രേക്ഷകർ.