ബാബുരാജിന് ഒരു മോചനം

ബാബുരാജിനെ ആരും പ്രതീക്ഷിക്കാത്ത രൂപത്തില്‍ ഭാവത്തില്‍ അവതരിപ്പിച്ചിരിക്കുന്നത് കാണികളെ അക്ഷരാര്‍ത്ഥത്തില്‍ അമ്പരപ്പിയ്ക്കും. ബാബുവിന് ഇതൊക്കെ കഴിയുമോ എന്ന തോന്നലുണ്ടാക്കുന്ന തരത്തില്‍ ആ നടനെ ടൈപ്പ് കഥാപാത്രങ്ങളില്‍ നിന്നും മോചിപ്പിച്ചിരിക്കുകയാണ് ആഷിക് അബു.

നിത്യ ജീവിതത്തിലുണ്ടാകുന്ന അവിചാരിതമായ ചില നിസാര സംഭവങ്ങളാവും ചിലപ്പോള്‍ വലിയ ടേണിംഗ് പോയിന്റുകള്‍ സൃഷ്ടിക്കുന്നത്. ജീവിതത്തെ ലൈവായികൊണ്ടുപോകുന്നതും ഇത്തരം ആകസ്മികങ്ങള്‍ തന്നെ.

രുചികള്‍ തേടി അലയുന്ന എത്രയോ ആളുകള്‍ നമുക്കിടയിലുണ്ട്. പലതരം രുചികള്‍ തേടിഅലയുന്നവര്‍ക്കിടയില്‍ ഭക്ഷണത്തിന്റെ രുചിയ്ക്ക് അടിപ്പെട്ടുപോകുന്ന കാളിദാസന്‍മാരും മായമാരും നിരവധി.

ജീവിതത്തിന്റെ ഒറ്റപ്പെടലും അനാഥത്വവും അവരെ ഓര്‍മ്മകളില്‍ വീണുകിടക്കുന്ന നല്ല മുഹൂര്‍ത്തങ്ങളെ വീണ്ടുംവീണ്ടും പുനരാവിഷ്‌ക്കരിക്കാന്‍ പ്രേരിപ്പിക്കും. രുചിയുള്ള വൈവിദ്ധ്യപൂര്‍ണ്ണമായ ഭക്ഷണം അത്തരം ഓര്‍മ്മകളുടെ വസന്തമാണിവര്‍ക്ക് നല്‍കുന്നത്.

അടുത്ത പേജില്‍