Don't Miss!
- News ശൈലജക്കെതിരായ ദുഷ്പ്രചരണം; പിന്നില് ഈ മൂവര്സംഘമെന്ന് വികെ സനോജ്
- Lifestyle അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക്
- Sports IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര്
- Automobiles ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ്
- Finance എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി
- Technology 2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും
- Travel ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
തൊട്ടാൽ പൊള്ളുന്ന ബിരിയാണി! സാമൂഹ്യ/മതവിമർശനം, സ്ത്രീപക്ഷ ലൈംഗികത, 22 സെൻസർ കട്ടുകൾ — ശൈലന്റെ റിവ്യൂ
ശൈലൻ
ലോകമെങ്ങുമുള്ള രാജ്യാന്തര ഫിലിം ഫെസ്റ്റിവലുകളിൽ കുറച്ച് നാളായി മലയാളം സിനിമകൾക്ക് നല്ല സ്വീകാര്യത കിട്ടുന്നുണ്ട്. ജല്ലിക്കെട്ട്, മൂത്തോൻ, ചോല വെയില്മരങ്ങൾ പോലുള്ള സിനിമകളുടെയൊക്കെ പ്രീമിയർ ലോകോത്തര ഫെസ്റ്റിവലുകളിൽ ആയിരുന്നു. ഇവയിൽ നിന്നെല്ലാം സജിൻ ബാബുവിന്റെ ബിരിയാണി വേറിട്ടു നിന്നത് റോമിൽ നടന്ന രാജ്യാന്തര ഫെസ്റ്റിവലിൽ പ്രീമിയർ നടത്തുകയും ഒപ്പം അവിടെ നിന്നുള്ള ഏഷ്യാറ്റിക്ക നെറ്റ്പാക്ക് അവാർഡ് നേടുകയും ചെയ്തു എന്നതിനാലാണ്.
റോമിൽ അവാർഡ് നേടുകയും ഇന്ത്യയിലെ ഐഎഫ്എഫ്ഐ, ഐഎഫ്എഫ്കെ ഫെസ്റ്റിവലുകളിൽ സെലക്ഷൻ നിഷേധിക്കപ്പെടുകയും ചെയ്ത ബിരിയാണിയുടെ ഇവിടത്തെ പ്രീമിയർ ഇന്ന് ഫിലിം ഫെസ്റ്റിവലിന് സമാന്തരമായി തിരുവനന്തപുരത്ത് നടന്നു.
പ്രേക്ഷകരുടെ ഉള്ള് പൊള്ളിക്കുന്ന പ്രമേയവും അവതരണവുമാണ് ബിരിയാണിയുടേത്. ഒരു സാധാരണ പിന്നാക്ക മുസ്ലിം സ്ത്രീയുടെ ജീവിതത്തെ ഫോക്കസിൽ നിർത്തി മതം എങ്ങനെയാണ് ഒരു സ്ത്രീയുടെ ഗാർഹിക ജീവിതത്തെയും സാമൂഹിക ജീവിതത്തെയും ലൈംഗിക ജീവിതത്തെയും 'കോർണറടിച്ചു കളയുന്നത്' എന്ന് ബിരിയാണി കാണിച്ചു തരുന്നു. ഒപ്പം പൗരോഹിത്യം, മുത്തലാഖ്, ഭീകരവാദം എന്നിങ്ങനെ ഇസ്ലാമുമായി ബന്ധപ്പെട്ട നിരവധി ആരോപണങ്ങളെയും സിനിമ സധൈര്യം അഭിമുഖീകരിക്കുന്നുണ്ട്; ഏകപക്ഷീയമായല്ല, ബഹുതല രാഷ്ട്രീയവായനാ സാധ്യതയോടെ തന്നെ.
ഫോക്കസിൽ മുസ്ലീം സ്ത്രീ ആണെങ്കിലും ഇസ്ലാം വിമർശനവും നവീകരണവും മാത്രമല്ല ബിരിയാണി ലക്ഷ്യം വെക്കുന്നത്. മലയാളസിനിമ ഒരിക്കലും കാണിക്കാത്ത ധീരതയോടെയാണ് സജിൻ ബാബു ഇതിനായി ഇറങ്ങിത്തിരിച്ചിരിക്കുന്നത്.
സിനിമയിലെ നായികയായ കദീജയെ ഭർത്താവ് ഒരു പുലർകാലത്ത് മിഷണറി പോസിൽ ഭോഗിക്കുന്ന സീനോടെയാണ് ബിരിയാണി ആരംഭിക്കുന്നത്. മരംപോലെ നിശ്ചേതനമായി മലർന്ന് കിടക്കുന്ന അവൾ അയാളുടെ വൺസൈഡഡ് കലാപരിപാടിക്ക് ശേഷം ആസ്വദിച്ചുകൊണ്ട് സ്വയംഭോഗം ചെയ്യുകയാണ്.
പശ്ചാത്തലത്തിൽ സുബഹി ബാങ്ക് ഉയർന്നു കേൾക്കുക കൂടി ചെയ്യുന്നതോടെ അസഹിഷ്ണുതയുടെ പാരമ്യത്തിൽ ഭർത്താവ് പറയുന്നു, "നിന്നെ സുന്നത്ത് ചെയ്ത ഒസ്സാച്ചി ക*** നേരാം വണ്ണം മുറിച്ചു കളയത്തോണ്ടാണ് നിനക്ക് ഈ കഴപ്പ്". ഒസ്സാച്ചിയെ വിളിച്ചു കൊണ്ട് വാ ബാക്കി കൂടി മുറിച്ചു കളയാമെന്നാണ് അവളുടെ കൂളായ പ്രതികരണം.
മലയാള സിനിമ ഒരുപക്ഷെ ഇന്നുവരെ അഭിമുഖീകരിച്ചിട്ടില്ലാത്ത സന്ദർഭവും സംഭാഷണവും ആണെന്നതിനാൽ യാഥാസ്ഥിതിക പ്രേക്ഷകന്റെ ഇരിപ്പിടത്തിൽ ആദ്യത്തെ പത്ത് മിനിറ്റ് കൊണ്ടുതന്നെ കനൽ കൂമ്പാരം എരിയാൻ തുടങ്ങും. പടത്തിൽ ഉടനീളം അത് നിലനിൽക്കുകയും ചെയ്യുന്നുണ്ട്.
94 മിനിട്ടുള്ള ബിരിയാണി അവസാനിക്കുന്നത് സംഭവബഹുലമായ തന്റെ ജീവിതത്തിനൊടുവിൽ, അതേ ഭർത്താവിന്റെ മേലെ കയറിയിരുന്നു നഗ്നയായി ഉപരിസുരതം നടത്തുന്ന കദീജയുടെ ആനന്ദനിർവൃതിയോടെയാണ്. യഥാതഥമായ ഒരു സംഗതിയല്ലിത്. തീർത്തും വിഭ്രാമകം.
അവളുടെ പ്രതിഷേധമാണിത്. പാട്രിയാർക്കിയൽ സൊസൈറ്റിയോടും പൗരോഹിത്യത്തിന്റെ ഇരട്ടവരയിലൂടെ നടക്കുന്ന മതസംവിധാനത്തോടും മറ്റെല്ലാ സാമൂഹ്യസംവിധാനങ്ങളോടും സ്വന്തം ജീവിതത്തോടുമുള്ള അവളുടെ പ്രതിഷേധം.
പങ്ക കറങ്ങുന്നതും പക്കി പറക്കുന്നതുമല്ലാതെ നഗ്നതയെയും വയലന്സിനെയും മലയാളസിനിമ കാണാത്ത സ്വാഭാവികതയോടെയാണ് സജിൻ ബാബു ചിത്രീകരിച്ചിരിക്കുന്നത്. ഇക്കാര്യത്തിൽ കനി എന്ന നടിയുടെ ധീരത സംവിധായകന് ശക്തമായ പിന്തുണയാവുന്നു.
പക്ഷെ സെൻസർ ബോർഡിന് അത്രത്തോളം ധൈര്യമില്ലാത്തതിനാൽ 22 കട്ടുകൾ നിർദേശിച്ചെന്നാണ് അറിയാൻ കഴിഞ്ഞത്. കട്ടുകളില്ലാതെ ഇന്നുകണ്ട വേർഷനിൽ നിന്നും എത്രമാത്രം 'blurred' ആവും തിയേറ്ററിൽ റിലീസ് ചെയ്യുകയെന്ന് കണ്ടറിയാം.
എന്നിരുന്നാലും തിയേറ്റർ കാഴ്ച്ചയിൽ മിസ്സ് ചെയ്യാനാവാത്തതാണ് ഈ പൊള്ളുന്ന ബിരിയാണി എന്ന് ഞാൻ അടിവരയിടും
-
അമ്മ എന്നെ വിളിച്ചു; കരച്ചിൽ വരുന്നെന്ന് പറഞ്ഞു; അതുവരെയും അങ്ങനെ സംസാരിച്ചിട്ടില്ല; നയൻസിന്റെ വാക്കുകൾ
-
'താരപത്നിക്ക് എന്തുകൊണ്ടാണ് പെട്ടന്ന് ഒരു മനംമാറ്റം'; വിജയ് ഇല്ലാതെ ശങ്കറിന്റെ മകളുടെ വിവാഹത്തിനെത്തി സംഗീത!
-
നോറയ്ക്ക് കൃത്യമായ ടാര്ജറ്റുകളുണ്ട്, ഇവരാണവര്; നോറ സ്ട്രോങ് ആകാന് കാരണം ഇതാണ്!