Don't Miss!
- News 'കോൺഗ്രസിന്റെ യുവരാജാവ് വടക്കേ ഇന്ത്യ വിട്ട് തെക്കേ ഇന്ത്യയിലേക്ക് ഓടി'; രാഹുലിനെ വിമർശിച്ച് നരേന്ദ്ര മോദി
- Finance കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
- Automobiles മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
വെറുമൊരു ശീര്ഷകമല്ല കെയര് ഓഫ് സൈറാബാനു.. (സൈറാബാനുവിന്റെ കരുതലും ശ്രദ്ധയും വാല്സല്യവും സ്നേഹവും)
ശൈലൻ
കെയര് ഓഫ് സൈറാബാനു എന്ന സിനിമാപേര് കേവലം മെക്കാനിക്കലായി വായിച്ചുപോവേണ്ട ഒരു ശീര്ഷകം മാത്രമായിരുന്നില്ല എന്ന് ആ സിനിമ കണ്ടുകൊണ്ടിരിക്കുന്ന ഓരോ നിമിഷവും എനിക്ക് മനസിലായി.. അത് അക്ഷരാര്ത്ഥത്തില് കെയര് ഓഫ് സൈറാബാനു തന്നെയാണ്.. സൈറാബാനുവിന്റെ കരുതലും സ്നേഹവും ശ്രദ്ധയും വാല്സല്യവും എല്ലാം എല്ലാം അതിലുണ്ട്..
Read Also: 'അലമാര' ഒരു ഭീകരജീവിയാണ്... പൊളിച്ചടുക്കി ശൈലന്റെ നിരൂപണം
Read Also: ഒരു മെക്സിക്കന് ഊച്ചാളീയത... ടോട്ടലി ഫെഡ് അപ്പ്... ശൈലന്റെ ഒരു മെക്സിക്കന് അപാരത റിവ്യൂ!
സൈറാബാനുവിന്റെ കഥ
ചരിത്രത്തില് പല തവണ ഇടം നേടിയ സൈറാബാനുവിനെയൊന്നുമല്ല . പിഡിസി വിദ്യാഭ്യാസവും മിഡില്ക്ലാസ് ജീവിതവുമുള്ള, കൊച്ചിയില് പോസ്റ്റ് വുമണായി ജോലിചെയ്യുന്ന ഒരു സാധാരണ സൈറാബാനുവിന്റെ കഥയാണ് ആന്റണി സോണി എന്ന പുതുമുഖസംവിധായകന് ഇവിടെ പറയുന്നത്...
സിനിമ ശ്രദ്ധേയമാകുന്നു
ലോജിക്കലായി ഒട്ടേറെ പ്രശ്നങ്ങള് ഉള്ള സ്ക്രിപ്റ്റ് ആയിട്ട് പോലും സൈറാബാനു എന്ന ക്യാരക്റ്ററിന്റെ തെളിച്ചവും അവരും മകന് ജോഷ്വാ പീറ്ററുമായുള്ള കെമിസ്ട്രി നന്നായി വര്ക്കൗട്ട് ചെയ്യുന്നതുകൊണ്ടും പോലീസിലും നിയമത്തിലും കുരുങ്ങിപ്പോയ മകനെ രക്ഷിക്കാന് അവര് പരിമിതികള്ക്കുള്ളില് നടത്തുന്ന പരിശ്രമങ്ങളില് പ്രേക്ഷകരെ കൂടി കൂടെക്കൂട്ടാന് സംവിധായകനു കഴിഞ്ഞതുകൊണ്ടുമാണ് സിനിമ ശ്രദ്ധേയമായി മാറുന്നത്..
മഞ്ജു വാര്യരുടെ തിരിച്ചുവരവ്
1996 മുതല് 99 വരെയുള്ള കാലഘട്ടത്തില് കത്തുന്ന പ്രകടനം നടത്തി മലയാള സിനിമയില് നിന്നുവിരമിച്ച മഞ്ജു വാര്യരുടെ നടിയെന്ന നിലയിലുള്ള ഉജ്ജ്വലമായ തിരിച്ചു വരവാണ് സൈറാ ബാനു എന്ന സിനിമയിലൂടെ കാണിക്കുന്നത്. 2014ല് രണ്ടാം വരവ് നടത്തിയ ശേഷം ചെയ്ത് വെറുപ്പിച്ച ഏഴോളം പ്ലാസ്റ്റിക്ക് കഥാപാത്രങ്ങളെ സൈറ ഒറ്റയടിക്ക് ക്യാന്സലാക്കുന്നു..
കൂവിയവര് കയ്യടിക്കട്ടെ
അതുകൊണ്ടുതന്നെ പാവാടയില് ഒറ്റസീനില് തന്നെക്കണ്ട് മുക്തകണ്ഠം കൂവിയവരെക്കൊണ്ടുപോലും ചില സീനുകളില് കയ്യടിപ്പിക്കാനും അവര്ക്കാകുന്നു..
ഷെയിന് നിഗം പൊളിച്ചടുക്കി
പുതിയ നടന്മാരില് ഏറ്റവും നാച്ചുറലായി ക്യാമറക്ക് മുന്നില് ബിഹേവ് ചെയ്യുന്ന ഷെയിന് നിഗമാണ് സൈറയുടെ മകനായ ജോഷ്വാ പീറ്ററായി വരുന്നത്. കിസ്മത്തിലേതിന് നേരെ ഓപ്പോസിറ്റ് സ്വഭാവമുള്ള ക്യാരക്റ്ററാണ് ജോഷ്വ എന്നിട്ടും ചുള്ളന് പൊളിച്ചടുക്കി.. ഒന്നാം പാതി ലൈവായി നിര്ത്തിയതിന്റെ ക്രെഡിറ്റ് മുഴുവന് അവനാണ്..
പീറ്റര് ജോര്ജ് ഒരു സംഭവം
റിയല് ലൈഫ് ഹീറോ വിക്റ്റര് ജോര്ജിന്റെ ഓറ വഹിക്കുന്ന കഥാപാത്രമാണ് ജോഷ്വയുടെ അച്ഛന് പീറ്റര് ജോര്ജ്. മോഹന്ലാലിന്റെ ശബ്ദസാന്നിധ്യം കൂടി ആയപ്പോള് സ്ക്രീനിലില്ലാഞ്ഞിട്ടും പീറ്റര് ഒരു ഗംഭീര സംഭവമായി..
അമലയുടെ തിരിച്ചുവരവ്
സൂര്യപുത്രിയിലൂടെയും ഉള്ളടക്കത്തിലൂടെയും 1991 ല് ഓളം തീര്ത്ത അമലയുടെ 25 വര്ഷത്തിനുശേഷമുള്ള തിരിച്ചുവരവാണ് മറ്റൊരു പ്രത്യേകത. പണ്ടത്തെപ്പോലെ ഇപ്പോഴും അവര് ആവറേജ് തന്നെ ആണെങ്കിലും സൈറയുടെ ഓപ്പോസിറ്റ് വരുന്ന ആനിജോണ് തറവാടി എന്ന ഹെവി ക്യാരക്റ്ററിന് ഒരു പഞ്ച് നല്കാന് ആ തിരിച്ചുവരവ് വളരെ സഹായകമാവുന്നു..
ഉപ്പും മുളകും ബിജുവും കലക്കി
മിനിസ്ക്രീനിലെ റിയലിസ്റ്റിക് ഹീറോ 'ഉപ്പും മുളകും' ബിജുവിന്റെ സിനിമാപ്രവേശമാണ് എടുത്തുപറയേണ്ട മറ്റൊരു കാര്യം. ജഗദീഷ് ആദ്യപാതിയില് ചെയ്ത വക്കീലുമായിട്ടുമൊക്കെ തട്ടിച്ചു നോക്കുമ്പോഴാണ് ബിജുവിന്റെ മൂല്യം അറിയുക..
അവഗണിക്കാനാവില്ല
ആന്റണി സോണി എന്ന സംവിധായകനാമം പോലെ തന്നെ ആര്ജെ ഷാന് (സ്ക്രിപ്റ്റ്) അബ്ദുറഹ്മാന് (സിനിമാറ്റോഗ്രഫി) സാഗര് ദാസ് (എഡിറ്റിംഗ്) എന്നീ പേരുകളൊക്കെ പുതിയതായിട്ടുപോലും സൈറാബാനുവിന് എവിടെയും അതൊരു ബാധ്യതയൊന്നുമാവുന്നില്ല. മഹത്തായ സൃഷ്ടിയൊന്നുമല്ലെങ്കിലും തിരശീലയില് കരുതലോടെ വരച്ചിടുന്ന ചിത്രങ്ങളായതുകൊണ്ട് സൈറാബാനുവിനെ അവഗണിക്കാനാവില്ല മലയാളികള്ക്ക്..
ചുരുക്കം: സാധാരണക്കാരായ പ്രേക്ഷകരെ സ്വാധീനിക്കാന് പറ്റുന്നൊരു സിനിമയാണിത്. നല്ലൊരു സന്ദേശമാണ് സിനിമ പങ്കുവെക്കുന്നത്.
-
'അന്ന് പ്രതിഫലം ഒരു രൂപ... ഇപ്പോൾ വാങ്ങുന്നത് മൂന്ന് കോടി വരെ'; ചാക്കോച്ചനൊപ്പമെത്തി പ്രണവിന്റെയും പ്രതിഫലം?
-
'കാലിലെ നഖം വരെ വെട്ടികൊടുത്തിരുന്നത് ആശയാണ്, ആ വിടവ് വിഷമിപ്പിക്കും'; മനോജിന്റെ ഭാര്യയെ കുറിച്ച് സോഷ്യൽമീഡിയ
-
ബിഗ് ബോസിലെ വിന്നറാവാന് സാധ്യത ഇവര്ക്കോ? ടോപ്പ് ഫൈവിലേക്ക് എത്താന് ചാന്സുള്ളവരെ പറ്റി ആരാധകര്