നിരൂപണം; രണ്ട് സൂപ്പര്‍സ്റ്റാറുകള്‍ക്ക് വേണ്ടി ജനത ഗാരേജ് കാണാം

സത്യം എന്ന കഥാപാത്രവുമായി മോഹന്‍ലാല്‍

നീതിയ്ക്ക് വേണ്ടി പോരാടുന്ന സത്യം എന്ന കഥാപാത്രമായിട്ടാണ് മോഹന്‍ലാല്‍ എത്തുന്നത്. ഗംഭീര ഡയലോഗുകള്‍ കൊണ്ടാണ് ലാല്‍ പ്രേക്ഷകരെ പിടിച്ചു നിര്‍ത്തുന്നത്

ആനന്ദയായി ജൂനിയര്‍ എന്‍ടിആര്‍

ആനന്ദ് എന്നാണ് ജൂനിയര്‍ എന്‍ടിആര്‍ അവതരിപ്പിച്ച കഥാപാത്രത്തിന്റെ പേര്. മോഹന്‍ലാലിനൊപ്പമുള്ള കോമ്പിനേഷന്‍ രംഗങ്ങളിലെല്ലാം ജൂനിയര്‍ എന്‍ ടി ആര്‍ ശരിയ്ക്കും ഷൈന്‍ ചെയ്തു. ആക്ഷന്‍ രംഗങ്ങളിലെ അഭിനയം പ്രത്യേക പരമാര്‍ശം അര്‍ഹിയ്ക്കുന്നു

നായികയായി സമാന്ത

ജൂനിയര്‍ എന്‍ ടി ആറിന്റെ കാമുകിയായിട്ടാണ് സമാന്ത എത്തുന്നത്. പ്രത്യേകിച്ചൊന്നും ചെയ്യാന്‍ ഇല്ലെങ്കിലും, ജൂനിയര്‍ എന്‍ടിആറിനൊപ്പമുള്ള സ്‌ക്രീന്‍ കെമിസ്ട്രിയിലൂടെ നടി ശ്രദ്ധിക്കപ്പെട്ടു.

പ്രധാന്യമുള്ള വേഷത്തില്‍ നിത്യ മേനോന്‍

വളരെ പ്രധാനപ്പെട്ട ഒരു കഥാപാത്രത്തെ അവതരിപ്പിച്ചുകൊണ്ടാണ് നിത്യ മേനോന്‍ ചിത്രത്തിലെത്തുന്നത്.

സത്യത്തിന്റെ ഭാര്യയും മകനും

ദേവയാനി മോഹന്‍ലാലിന്റെ ഭാര്യയായി എത്തുന്നു. അല്പം നെഗറ്റീവ് ഷേഡുള്ള കഥാപാത്രമാണ് ഉണ്ണി മുകുന്ദന്റേത്. അസൂയയും ദേഷ്യവുമുള്ള മകന്റെ വേഷം ഉണ്ണി വളരെ മികവുറ്റതാക്കി

തിരക്കഥ സംവിധാനം- കൊരട്ടാല ശിവ

കൊരട്ടാല ശിവ തന്നെയാണ് ജനതാഗ്യാരേജിന് വേണ്ടി തിരക്കഥ എഴുതിയതും. ചെറിയൊരു പ്രതികാര കഥയാണ് സിനിമയാണ് എന്നും പറയാം. പ്രേക്ഷകരെ മുഷിപ്പിക്കാതെയുള്ള അവതരണ രീതിയാണ് കൊരട്ടാല ശിവ എന്ന സംവിധായകന്റെ വിജയം.

ദേവി ശ്രീ പ്രസാദിന്റെ പാട്ടുകള്‍

ദേവി ശ്രീ പ്രസാദാണ് ചിത്രത്തിന്റെ പശ്ചാത്തല സംഗീതവും പാട്ടും ഒരുക്കിയിരിയ്ക്കുന്നത്. പതിവ് ഡിഎസ്പി സ്റ്റൈല്‍ എന്നതിനപ്പുറം ഒരു പുതുമയും ഈ ചിത്രത്തിലില്ല

തിരുവിന്റെ ഛായാഗ്രാഹണം

തിരുവാണ് ചിത്രത്തിന്റെ ഛായാഗ്രാഹണം നിര്‍വ്വഹിച്ചത്. ക്ലാസിക്കലായിട്ടുള്ള തിരുവിന്റെ ഛായാഗ്രാഹണ ഭംഗി സിനിമ പ്രേക്ഷകര്‍ക്കൊരു ദൃശ്യവിരുന്നാക്കി മാറ്റുന്നു. സിനിമയുടെ മൂഡ് മനസിലാക്കിയ ഫ്രെയിമുകളാണ് ഓരോന്നും

പതുമയൊന്നുമില്ല, എന്നിരുന്നാലും

വലിയ പുതുമയൊന്നും അവകാശപ്പെടാനില്ലാത്ത ചിത്രമാണ് ജനത ഗാരേജ്. അതേ സമയം ആക്ഷന് പ്രാധാന്യം നല്‍കിയൊരുക്കുന്ന എന്റര്‍ടൈന്‍മെന്റ് ചിത്രം ആഗ്രഹിക്കുന്നവരെ ജനത ഗാരേജ് സംതൃപ്തിപ്പെടുത്തു.