ജോമോന്റെ സുവിശേഷങ്ങള്‍ പ്രേക്ഷക പ്രതികരണവും മാര്‍ക്കും; ഡിക്യു പൊളിച്ചു, രസകരമായ കോമഡി

സാധാരണകഥ, പക്ഷെ..

ശരാശരിയ്ക്കും മുകളില്‍ നില്‍ക്കുന്ന ആദ്യ പകുതിയും ഡീസന്റായിട്ടുള്ളൊരു രണ്ടാം പകുതിയും. ദുല്‍ഖറിന്റെ അഭിനയം മികച്ചു നില്‍ക്കുന്നു. ടിപ്പിക്കല്‍ ഒരു സത്യന്‍ അന്തിക്കാട് ചിത്രമാണ് ജോമോന്റെ സുവിശേഷങ്ങള്‍. കഥയില്‍ പുതമയൊന്നുമില്ലെങ്കിലും സംവിധായകന്റെ മികവ് തന്നെയാണ് വിജയം- എന്ന് ട്വിറ്ററില്‍ എഴുതിയ ആരാധകന്‍ ചിത്രത്തില്‍ അഞ്ചില്‍ മൂന്ന് മാര്‍ക്ക് നല്‍കുന്നു

മുകേഷും ദുല്‍ഖറും

ആദ്യ പകുതി കഴിയുമ്പോള്‍ തന്നെ ദുല്‍ഖറിന്റെയും മുകേഷിന്റെയും കോമ്പിനേഷനെ പ്രശംസിച്ചു ചിലര്‍ ട്വിറ്ററിലെത്തി. അച്ഛന്‍ മകന്‍ ബന്ധത്തിന്റെ കഥയാണ് ജോമോന്റെ സുവിശേഷങ്ങള്‍. വളരെ എന്റര്‍ടൈന്‍മെന്റാണെന്നും, മുഴുനീള കോമഡിയാണെന്നും പ്രേക്ഷകര്‍ അഭിപ്രായപ്പെടുന്നു

രസമുള്ള കോമഡി

സാഹചര്യങ്ങളോട് ചേര്‍ന്നു നില്‍ക്കുന്ന രസകരമായ കോമഡിയാണ് ചിത്രത്തിലുടനീളം എന്നാണ് മറ്റൊരു കൂട്ടരുടെ അഭിപ്രായം. അശ്ലീലച്ചുവയോ, ധ്വയാര്‍ത്ഥമോ ഒന്നുമില്ലാത്ത നര്‍മരംഗങ്ങളാണ് പ്ലസ് പോയിന്റ്. അഞ്ചില്‍ നാലരയ്ക്ക് മുകളില്‍ മാര്‍ക്ക് നല്‍കിയവരുമുണ്ട്.

കുടുംബത്തോടൊപ്പം കാണാം

2017 ന്റെ തുടക്കം ഗംഭീരമായി എന്ന് പറയുന്നവരുമുണ്ട്. കുടുംബത്തോടൊപ്പം പോയിരുന്ന് കാണാന്‍ കഴിയുന്ന സിനിമയാണ് ജോമോന്റെ സുവിശേഷങ്ങള്‍. അതേ സമയം ദുല്‍ഖര്‍ ആരാധകരെയും യൂത്തന്മാരെയും ഒട്ടും നിരാശപ്പെടുത്തുന്നുമില്ല.