»   » ഭരത് എന്ന മഹേഷ് ബാബു.. അഥവാ ഇരട്ടച്ചങ്കനായ മുഖ്യമന്ത്രി!! ശൈലന്റെ റിവ്യൂ

ഭരത് എന്ന മഹേഷ് ബാബു.. അഥവാ ഇരട്ടച്ചങ്കനായ മുഖ്യമന്ത്രി!! ശൈലന്റെ റിവ്യൂ

Written By: Desk
Subscribe to Filmibeat Malayalam

ശൈലൻ

കവിതയെ സ്നേഹിക്കുന്നവർക്കും സോഷ്യൽ മീഡിയയിൽ സജീവമായവർക്കും മുന്നിൽ ശൈലനെ അവതരിപ്പിക്കാൻ ഒരു മുഖവുരയുടെ ആവശ്യമില്ല. പച്ചമനുഷ്യനായി സിനിമയെ സമീപിക്കുന്ന ശൈലന്റെ സിനിമ കാഴ്ചാനുഭവങ്ങൾ ഏറെ ശ്രദ്ധേയമാണ്.
For Quick Alerts
ALLOW NOTIFICATIONS
For Daily Alerts

    മഹേഷ് ബാബുവിനെ നായകനാക്കി കൊര്‍ട്ടാല ശിവ സംവിധാനം ചെയ്ത സിനിമയാണ് ഭാരത് ആനെ നേനു. തെലുങ്കില്‍ നിര്‍മ്മിച്ച പൊളിറ്റിക്കല്‍ ത്രില്ലറായ സിനിമയ്ക്ക് സംവിധായകന്‍ തന്നെയാണ് തിരക്കഥ എഴുതിയിരിക്കുന്നത്. മഹേഷിനൊപ്പം കീയാര അദ്വാനിയാണ് കേന്ദ്ര കഥാപാത്രത്തെ അവതരിപ്പിച്ചിരിക്കുന്നത്. മഹേഷ് ബാബു മുഖ്യമന്ത്രിയുടെ വേഷത്തിലെത്തിയ ചിത്രത്തില്‍ പ്രകാശ് രാജ്, ആര്‍ ശരത്കുമാര്‍, ആമാനി, സിത്താര തുടങ്ങി വന്‍താരനിരയാണുള്ളത്. സിനിമയെ കുറിച്ച് ശൈലന്‍ എഴുതിയ റിവ്യൂ വായിക്കാം...

    കൊർട്ടാല ശിവ എന്ന സംവിധായകന് ഒരു ക്ലാസ് ഉണ്ട്.. അദ്ദേഹത്തെ ഒരു വെറും തെലുങ്ക് കൊമേഴ്സ്യൽ സംവിധായകനായി കാണാൻ കഴിയില്ല.. മിർച്ചി, ശ്രീമന്തുഡു, ജനതാ ഗ്യാരേജ് എന്നീ മൂന്നു ചിത്രങ്ങളിലൂടെ ശിവ അത് തെളിയിച്ചു കഴിഞ്ഞതാണ്.. ജനതാഗ്യാരേജിൽ പത്തോ പതിനഞ്ചോ കൊല്ലം മുൻപുള്ള ലാലേട്ടനെ ഒരു മലയാളി സംവിധായകനും കഴിയാത്തവിധം അദ്ദേഹം തിരിച്ചുകൊണ്ടു വന്നത് കണ്ട് അക്ഷരാർത്ഥത്തിൽ തന്നെ ആനന്ദഭരിതനായിട്ടുണ്ട്..

    ജനതാ ഗ്യാരേജിന് ശേഷം ശിവ സംവിധാനം ചെയ്യുന്ന അദ്ദേഹത്തിന്റെ നാലാമത്തെ സംവിധാനസംരംഭമാണ് ' ഭരത് എന്ന ഞാൻ' (തെലുങ്കിൽ 'ഭരത് അന നേനു' ) തന്റെ രണ്ടാമത്തെ സിനിമയിലെ നായകനായ തെലുങ്ക് സൂപ്പർസ്റ്റാർ മഹേഷ് ബാബുവിനെ തന്നെയാണ് ശിവ വീണ്ടുമൊരിക്കൽ കൂടി നായകനായി അവതരിപ്പിച്ചിരിക്കുന്നതും ടൈറ്റിലിൽ കാണുന്ന ഭരത് ആക്കി മാറ്റിയിരിക്കുന്നതും..

    മഹേഷ് ബാബു എന്ന നടന്റെ രൂപങ്ങളും ചലനങ്ങളും ഒരു പക്കാ തെലുങ്ക് (ഓർ സൗത്തിന്ത്യൻ) കൊമേഴ്സ്യൽ നായകന് അനുരൂപമായ ഒന്നേ അല്ല. കൂതറയോ ഡപ്പാം കുത്തോ ആകാനും ആടാനും വളരെയധികം പരിമിതികളുള്ള വിധം അടിമുടി കുലീനമാണ് മഹേഷിന്റെ എടുപ്പും നടപ്പും.. ഒരുപക്ഷെ കൊർട്ടാല ശിവ എന്ന സംവിധായകന്റെ മേക്കിംഗ് സ്റ്റൈലുമായി ഏറ്റവുമധികം പൊരുത്തപ്പെട്ടു പോകാവുന്ന അഭിനയശൈലിയും മഹേഷിന്റേതാണെന്ന് തോന്നുന്നു..

    ശീർഷകത്തിൽ സൂചിപ്പിക്കുന്ന പോലെ "ഭരത് എന്ന ഞാൻ.." ഒരു സത്യപ്രതിജ്ഞാ വാചകത്തിന്റെ ആദ്യവാചകമാണ്.. ലണ്ടനിൽ ഐടി പ്രൊഫഷണൽ ആയിരുന്ന ഭരതിന് തീർത്തും യാദൃച്ഛികമായി ആന്ധ്രാപ്രദേശിന്റെ മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റെടുക്കേണ്ടി വരുന്നു. ഒരു പ്രായോഗിക രാഷ്ട്രീയക്കാരനിൽ നിന്നും തീർത്തും വിഭിന്നമായ വികസന കാഴ്ചപ്പാടുകളുള്ള തികഞ്ഞ എൻആർഐ ആയ സത്യപ്രതിജ്ഞ ഏറ്റുചൊല്ലുന്നതിനിടെ ചില തെലുങ്ക് വാക്കുകൾ നാക്കിനു വഴങ്ങാതെ ഉടക്കിപ്പോവുന്നു പോലുമുണ്ട്.. മീഡിയകൾ അത് ആഘോഷമാക്കി മാറ്റുന്നു..

    ആന്ധ്രാപ്രദേശ് മുഖ്യമന്ത്രിയായിരുന്ന സ്വന്തം പിതാവ് അപകടത്തിൽ മരിച്ചതിനെ തുടർന്നുള്ള പ്രതിസന്ധിയിൽ ആണ് ലണ്ടനിൽ നിന്നും ഭരതിനെ കൊണ്ടുവന്ന് പാർട്ടി ചീഫ് ആയ വരദരാജൻ ഇമേജ് മേക്കിംഗിന്റെ ഭാഗമായിപുതിയ മുഖ്യമന്ത്രിയായി പ്രതിഷ്ഠിക്കുന്നത്. കന്നഡ സിനിമയായ 'രാജകുമാരാ.."യിൽ പുനിത് രാജ്കുമാർ പിതാവിന്റെ മരണത്തെ തുടർന്ന് ആസ്ട്രേലിയയിൽ നിന്ന് വൈകാരിക വിക്ഷോഭങ്ങളോട് മടങ്ങി വരുന്ന സീനുകളോട് നല്ല സാമ്യമുണ്ട് ഈ പോർഷനുകൾക്ക്.. രണ്ട് സിനിമയിലും അച്ഛൻ റോളുകളിൽ നമ്മടെ പഴയ തമിഴ് സുപ്രീം സ്റ്റാർ ശരത്കുമാർ ആണെന്നതും എടുത്ത് പറയേണ്ടതാണ്. ഭരതിന്റെ ഡാഡി ചീഫ് മിനിസ്റ്റർ ആയിരുന്നെങ്കിൽ രാജകുമാരന്റെ ഫാദർ ബിസിനസ് മാഗ്നറ്റ് ആയിരുന്നുവെന്നതാണ് മാറ്റം..

    ഏതായാലും ഭരണസിംഹാസനത്തിലേറിയ ഭരത് തന്റെതായ എക്സിക്യൂട്ടീവ് സ്റ്റൈലിൽ വ്യക്തമായ കാഴ്ചപ്പാടുകളോടെ പുതിയ പരിഷ്കാരങ്ങൾ നടപ്പിൽ വരുത്തുന്നതും എതിർകക്ഷികളും ഭസ്മാസുരന് വരം കൊടുത്തപോലെ സ്വന്തം പാർട്ടിപോലും പ്രതിസന്ധിയിലാവുന്നതുമൊക്കെയാണ് സിനിമയുടെ ഡെവലപ്പ്മെന്റ്.. അതിനിടയിൽ അനാവശ്യമെന്ന് പറയാവുന്ന പ്രണയട്രാക്കും രാജിവെക്കലും തിരിച്ചുവരവും എല്ലാം ചേരും പടി ചേർത്തിട്ടുണ്ട്

    Ingredients എല്ലാം പതിവുമട്ടിൽ ചേർക്കുമ്പോഴും മെയ്ക്കിംഗിൽ ഉള്ള വ്യത്യസ്തത ആണ് കൊർട്ടാല ശിവയുടെ സിനിമകളുടെ പ്രത്യേകത. ഈ സിനിമയും അങ്ങനെ തന്നെ. കൂൾ.. മഹേഷ്ബാബുവിനായുള്ള ടെയിലർ മെയ്ഡ് ക്യാരക്റ്റർ ആണ് ഇംഗ്ലീഷ് മിക്സ് ചെയ്ത് തെലുങ്ക് സംസാരിക്കുന്ന സുകുമാര സുസ്മേര കുലീന വദനനായ ഭരത് എന്ന ചീഫ് മിനിസ്റ്റർ. ചുള്ളൻ അത് കരിയർ ബെസ്റ്റെന്ന് പറയാവുന്ന വിധം പൊളിച്ചടുക്കി കിടുക്കിത്തിമിർത്തു. തിയേറ്റർ വിട്ടുപോന്നാലും ആ ഡയലോഗുകൾ കൂടെ പോരും.‌ പാർട്ടി ചീഫ് പ്രകാശ് രാജിന്റെതാണ് മറ്റൊരു മാസ്മരികപ്രകടനം. നായിക കിയാര അദ്വാനിയും അവരുമായി ബന്ധപ്പെട്ട ഭാഗങ്ങളും ശുദ്ധ പാഴ്.

    കേരളത്തിൽ ഈയാഴ്ച ആണ് തിയേറ്ററിൽ എത്തിയതെങ്കിലും ആന്ധ്രാപ്രദേശത്ത് നിന്നും തെലുങ്ക് വേർഷൻ രണ്ടാഴ്ച മുൻപെ തന്നെ കണ്ടിരുന്നു.. ഫോർമുല പൊളിക്കുന്ന മട്ടിലുള്ള കൂൾ ആയിട്ടുള്ള മേക്കിംഗ് ആയിട്ടും ഇത്തരം പടങ്ങൾ തെലുങ്കർ ആമോദത്തോടെ സ്വീകരിക്കുന്നത് സന്തോഷകരമായ കാഴ്ചയാണ്. നാലാഴ്ച കൊണ്ട് 215 കോടിയിലധികം കളക്റ്റ് ചെയ്ത് മഹേഷിന്റെയും ശിവയുടെയും കരിയറുകളിലെ ജൈജാന്റിക് ബ്ലോക്ക് ബസ്റ്ററായും ഭരത് മാറുന്നു..

    English summary
    Mahesh Babu's Bharat Ane Nenu movie review

    വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more