Oraayiram Kinakkalal: ഒരായിരം കിനാക്കളുമായി ശ്രീറാമും കൂട്ടരുമെത്തി!ചിത്രത്തിന്റെ ഓഡിയന്‍സ് റിവ്യൂ

ബോറടിപ്പിക്കില്ല

പ്രേക്ഷകരെ ബോറടിപ്പിക്കാതെ എങ്ങനെ ചിത്രം മികച്ചതാക്കാമെന്നായിരുന്നു തിരക്കഥ തയ്യാറാക്കും മുതൽ സിനിമയുടെ ഓരോ ഘട്ടത്തിലു വരെ സംവിധായകന്റെ മനസിൽ ഉണ്ടായത്. അത് സിനിമയിൽ പ്രതിഫലിക്കുന്നുമുണ്ട്. ബിജു മേനോൻ എന്ന നടൻ ചിത്രത്തിലെ ശ്രീരാം എന്ന കഥാപാത്രത്തെ വളരെ മികച്ച രീതിയിൽ തന്നെ അവതരിപ്പിച്ചിട്ടുണ്ട്. നമ്മൾ പ്രേക്ഷകർ പ്രതിക്ഷിച്ചത് താരം നൽകിയിട്ടുമുണ്ട്. ചിത്രത്തിലെ മറ്റു കഥാപാത്രങ്ങളെല്ലാം തന്നെ അവരുടെ ഭാഗങ്ങൾ വളരെ കൃത്യമായി തന്നെ മനോഹരമാക്കിയിട്ടുണ്ട്

ഫാമിലി ചിത്രം

ഒരു ഫാമലി കോമഡി ഡ്രാമ ചിത്രമാണ് ഒരായിരം കിനാക്കൾ. ഇന്ന് ഒരു കുടുംബത്തിൽ സംഭവിക്കുന്ന കാര്യങ്ങൾ തന്നെയാണ് ചിത്രത്തിന്റെ പ്രമേയം. യുകെയിൽ വർഷങ്ങളായി സ്ഥിരതാമസക്കാരയ ഒരു ഫാമിലി കൊച്ചിലേയ്ക്ക് താമസം മാറ്റുകയും പിന്നീട് അവരുടെ ജീവിതത്തിലുണ്ടാകുന്ന സംഭവവികാസങ്ങളാണ് ചിത്രത്തിൽ പറയുന്നത്. ശ്രീറാം എന്ന കഥാപാത്രത്തെയാണ് ബിജുമേനോൻ അവതരിപ്പിക്കുന്നത്. ഭാര്യയായി തമിഴ് താരം സാക്ഷി അഗർവാളാണ് എത്തുന്നത്. കേരളത്തിൽ ജീവിക്കാൻ വേണ്ടിയിട്ടുള്ള ശ്രീറാമിന്റെ നെട്ടോട്ടമാണ് സിനിമ. പ്രേക്ഷകരെ ബോറടിപ്പിക്കാതെയാണ് സിനിമ തയ്യാറാക്കിയിരിക്കുന്നത്

ഒരായിരം കിനാക്കളാൽ

ചിത്രത്തിൽ ഒരു സാധാരണ പ്രേക്ഷകരെ ആകർഷിക്കുന്നത് സിനിമയുടെ പേര് തന്നെയാണ്. ഒരായിരം കിനാക്കളാൽ എന്ന പേര് പൂർണ്ണമായും ഈ സിനിമയ്ക്ക് യോജിക്കുന്നത് തന്നെയാണ്. കാരണം ഒരു വ്യക്തിയുടെ ജീവിത സ്വപ്നങ്ങളാണ് സിനിമയുടെ പ്രമേയം. സിനിമയോട് നൂറു ശതമാനം നീതി പുലർത്തുന്ന പേര് തന്നെയാണിത്.