For Quick Alerts
    ALLOW NOTIFICATIONS  
    For Daily Alerts

    ബിഗ് ബോസ് താരം പ്രദീപ് ചന്ദ്രന്റെ ''ബോയ്‌ക്കോട്ട്'', ഹ്രസ്വചിത്രം ശ്രദ്ധേയമാകുന്നു

    |

    രാജസൂയം ഫിലിംസിന്റെ ബാനറില്‍ ഒ.ബി സുനില്‍കുമാര്‍ നിര്‍മ്മാണവും ബിജു. കെ. മാധവന്‍ സംവിധാനവും നിര്‍വ്വഹിക്കുന്ന ''ബോയ്‌ക്കോട്ട്'' എന്ന ഹ്രസ്വചിത്രം ശ്രദ്ധേയമാകുന്നു.ഇന്ത്യാ ചൈന അതിര്‍ത്തിയില്‍ ജോലിചെയ്യുന്ന ഒരു പട്ടാളക്കാരന്‍ ദീപാവലി അവധിക്ക് നാട്ടിലെത്തുന്നു. വര്‍ഷങ്ങള്‍ക്കുശേഷമുള്ള വരവാണത്. തന്റെ മകന്റെ ആഗ്രഹപ്രകാരം ദീപാവലി കെങ്കേമമായി ആഘോഷിക്കാന്‍ തീരുമാനിക്കുന്നു.

    short film

    നമ്മുടെ നാടന്‍പടക്കങ്ങളെക്കാള്‍, വലിയ ലാഭത്തിന് അളവില്‍ കൂടുതല്‍ കിട്ടുന്ന ചൈനീസ് പടക്കങ്ങളെക്കുറിച്ച് മകന്‍ സംസാരിക്കുന്നത് കേട്ട് അച്ഛന്റെ ഭാവം മാറുന്നു.

    അതിര്‍ത്തിയില്‍, ചൈനീസ് പട്ടാളത്തിന്റെ മൃഗീയവും അതിക്രൂരവുമായ മര്‍ദ്ദനം ഏറ്റുവാങ്ങേണ്ടിവന്ന അച്ഛന്റെ കഥ, മകനും ഒപ്പം മുത്തച്ഛനും അറിയാനിടയാകുന്നു. അതവരുടെ ഉള്ളിലുണ്ടാക്കുന്ന പകയും വിദ്വേഷവും വളരെ വലുതാണ്. അറിഞ്ഞോ അറിയാതെയോ നമ്മള്‍ വാങ്ങിക്കൂട്ടുന്ന ചൈനീസ് ഉല്പന്നങ്ങള്‍ പരോക്ഷമായെങ്കിലും അവരെ സഹായിക്കുകയാണെന്ന സത്യം കുട്ടിയെ ബോധ്യപ്പെടുത്തികൊടുക്കുന്നു.

    അവന്‍, അവന്റെ കഴിവിനനുസരിച്ച് പ്രതികാരം ചെയ്യാന്‍ മുതിരുന്നു. എല്ലായവസരത്തിലും സാധ്യമല്ലെങ്കിലും കുറഞ്ഞപക്ഷം ആഘോഷങ്ങളിലെങ്കിലും നമ്മുടെ നാടിനെ മറക്കാതിരിക്കാം. കൂടാതെ, സ്വന്തം കുടുംബത്തെ ദുരവസ്ഥയില്‍ നിന്നും കരകയറ്റാന്‍, സ്‌കൂള്‍ വിദ്യാര്‍ത്ഥിനി തൊഴിലെടുത്ത് ജീവിക്കുന്നതിലൂടെ, സുഖലോലുപതയില്‍, ഉത്തരവാദിത്ത്വങ്ങളില്‍ നിന്നുമകന്ന് ജീവിക്കുന്ന ഇന്നത്തെ തലമുറയ്ക്ക് അതില്‍ നിന്നും മാറേണ്ടതിന്റെ ആവശ്യകതയിലേക്കും ചിത്രം വെളിച്ചം പകരുന്നുണ്ട്. എല്ലാ അര്‍ത്ഥത്തിലും പുതുതലമുറയ്ക്ക് പുത്തന്‍ ഉള്‍ക്കാഴ്ച സമ്മാനിക്കുന്ന ഹ്രസ്വചിത്രമാണ് ബോയ്‌ക്കോട്ട്.

    പ്രദീപ് ചന്ദ്രന്‍, തിരുമല രാമചന്ദ്രന്‍, രാഹുല്‍, അനിഴാനായര്‍, അഭിനവ് കൃഷ്ണന്‍, അര്‍പ്പിത ആര്‍.എസ്. നായര്‍, നിരഞ്ജന രാഹുല്‍, സജി അമൃത എന്നിവരാണ് പ്രധാന കഥാപാത്രങ്ങളായി എത്തുന്നത്.രാജസൂയം ഫിലിംസിന്റെ ബാനറിൽ ഒ.ബി. സുനില്‍കുമാറാണ് ചിത്രം നിർമ്മിക്കുന്നത്. ഇദ്ദേഹം തന്നെയാണ് ബോയ്ക്കോട്ടിന്റെ കഥയും തിരക്കഥയും രചിച്ചിരിക്കുന്നത്. സംവിധാനം - ബിജു കെ. മാധവന്‍, ഛായാഗ്രഹണം - അനീഷ് മോട്ടീവ് പിക്‌സ്, എഡിറ്റിംഗ് & മിക്‌സിംഗ് - അനീഷ് സാരംഗ്, പ്രൊ: ഡിസൈനര്‍ - രാഹുല്‍, ചമയം - രാജേഷ് വെള്ളനാട്, തിരക്കഥാ സഹായി - കവിത സി. ഗംഗന്‍, പിആര്‍ഓ - അജയ്തുണ്ടത്തില്‍.

    വീഡിയോ കാണാം

    Read more about: biggboss short film
    English summary
    biggboss Season 2 Fame Pradeep Ramachandran's Shortfilm boycott,
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X