അധികം സന്തോഷിച്ചാല്‍ പിന്നാലെ ഒരു വലിയ ദുഃഖമുണ്ടാവും; പത്മഭൂഷന്‍ ലഭിച്ചതിനെ കുറിച്ച് പറഞ്ഞ് കെഎസ് ചിത്ര

പുരസ്‌കാരം ലഭിച്ചതില്‍ സന്തോഷമുണ്ട്. പക്ഷെ വലിയ രീതിയിലുള്ള ആഹ്ളാദവും ആഘോഷവുമൊന്നുമില്ല. എന്റെ അച്ഛന്‍ പഠിപ്പിച്ചത് പോലെ അഹങ്കാരം ഇല്ലാതെ ഇരിക്കുക എന്നതാണ്. പിന്നെ ഒരിക്കലും ഞാന്‍ അമിതമായി ആഹ്ലാദിക്കാറില്ല. കാരണം സന്തോഷിച്ച് കഴിഞ്ഞാല്‍ എനിക്ക് ഉടനെ ഒരു ദുഖം പുറകെ വരും. അതുകൊണ്ട് എല്ലാത്തിനെയും ഒരുപോലെ കാണണം എന്ന് കരുതുന്ന ആളാണ്. ഞാന്‍ ഒന്നിലും ഒരുപാട് സന്തോഷിക്കാറില്ല. കാരണം ദൈവം അങ്ങനെയാണ് എന്റെ ജീവിതം കൊണ്ടു പോയിട്ടുള്ളത്.

അതുകൊണ്ട് അത് മനസിലാക്കി തന്നതിനെല്ലാം നന്ദി പറഞ്ഞു കൊണ്ട് ജീവിക്കുന്നു. എന്നുമാണ് ചിത്ര പറയുന്നത്. പതിനാറ് തവണ കേരള സംസ്ഥാന പുരസ്‌കാരങ്ങളും ആറ് തവണ ദേശീയ പുരസ്‌കാരവും നേടിയിട്ടുണ്ടെന്ന കാര്യം കൂടി ചിത്ര വ്യക്തമാക്കുന്നു. പുരസ്‌കാരം കിട്ടുന്നത് ഇനിയും നല്ല സംഭാവനകള്‍ നല്‍കാനുള്ള ഉത്തരവാദിത്വവും കടമയുമായി മാറിയിരിക്കുകയാണ്. ഒരു വ്യക്തി എന്ന നിലയിലും പൗരനെന്ന നിലയിലും നമ്മളില്‍ ഉള്ള വിശ്വാസം കാത്തുസൂക്ഷിക്കുക എന്നത് നമ്മുടെ ഉത്തരവാദിത്വമാണ്.

പണ്ട് ഉച്ചാരണശുദ്ധി വരാത്ത പ്രശ്‌നങ്ങളൊക്കെ എനിക്കുണ്ടായിട്ടുണ്ട്. മനുഷ്യനല്ലേ, പണ്ടൊക്കെ എനിക്ക് അങ്ങനെ ഒരുപാട് തെറ്റുകള്‍ ഉണ്ടായിട്ടുണ്ട്. ഒരുപാട് വിമര്‍ശനങ്ങള്‍ അതേ കുറിച്ച് കേട്ടിട്ടുണ്ട്. പക്ഷേ അതെല്ലാം ആരോഗ്യപരമായി എടുക്കാനാണ് എന്റെ അച്ഛന്‍ പഠിപ്പിച്ചിരിക്കുന്നത്. എന്നെ ഒരു പരിചയവുമില്ലാത്ത ആള്‍ അങ്ങനെയൊക്കെ എഴുതിയിട്ടുണ്ടെങ്കില്‍ അതിലെന്തെങ്കിലും സത്യമുണ്ടാണെന്ന് അര്‍ഥം. കൂടുതല്‍ ഞാന്‍ ശ്രദ്ധിക്കണമെന്നാണ് അവര്‍ പറഞ്ഞ് തന്നിരിക്കുന്നത്. അല്ലാതെ അവരോട് ശത്രുത കാണിക്കാന്‍ ഞാന്‍ പഠിച്ചിട്ടില്ല.

മോഹന്‍ലാലിന് ഫോണ്‍ നമ്പര്‍ വരെ മാറ്റേണ്ട അവസ്ഥ വന്നു | FilmiBeat Malayalam

ചിത്ര പറഞ്ഞത് പോലെ സന്തോഷമുണ്ട്. അമിത ആഹ്ലാദമൊന്നുമില്ലെന്നാണ് കൈതപ്രം ദാമോദരന്‍ നമ്പൂതിരി പറഞ്ഞത്. കൈതപ്രം വരികളൊരുക്കിയ ഒരുപാട് പാട്ടുകള്‍ പാടാന്‍ തനിക്ക് അവസരം കിട്ടിയിട്ടുണ്ടെന്ന് ചിത്ര പറയുന്നു. സിനിമയില്‍ മാത്രമല്ല ഭക്തി ഗാനങ്ങളും കിട്ടിയിട്ടുണ്ട്. രചന മാത്രമല്ല അദ്ദേഹം സംഗീതം പകര്‍ന്ന നിരവധി പാട്ടുകള്‍ പാടനുള്ള ഭാഗ്യവും എനിക്ക് ഉണ്ടായിട്ടുണ്ട്.