ഞാന്‍ പോലും അറിയാതെ അച്ഛനാണ് സംഗീതം എന്നിലേക്ക് എത്തിച്ചത്; തന്റെ ബ്രോ ഡാഡിയെ കുറിച്ച് അമൃത സുരേഷ്

'ഇന്ന് എന്നെ ഞാനാക്കി മാറ്റിയ സംഗീതം എന്ന അനുഗ്രഹം ഞാന്‍ പോലും അറിയാതെ എനിക്ക് സമ്മാനിച്ച എന്റെ ദൈവമാണ് എന്റെ അച്ഛന്‍. മൂന്നു വയസ് തുടങ്ങി അച്ഛന്റെ ഫ്‌ളൂട്ടിന്റെ ഒരറ്റം പിടിച്ച് പാട്ട് പാടാന്‍ തുടങ്ങിയപ്പോഴും, ജീവിതത്തില്‍ വെല്ലുവിളികള്‍ നേരിടേണ്ടി വന്നപ്പോഴും 'തളരണ്ടാ' പിന്നോട്ട് നോക്കണ്ടാ, അച്ഛനും അമ്മയും കൂടെയുണ്ട്... എന്ന് പറഞ്ഞ് അന്നും ഇന്നും എന്റെ കൂടെ നില്‍ക്കുന്ന എന്റെ അച്ഛന്‍. എല്ലാറ്റിനുമപരി ഒരു കൂട്ടുകാരനെ പോലെ എന്തും തുറന്ന് പറയാനുള്ള സ്വാതന്ത്രം തന്ന് എന്നെ സ്വതന്ത്രയായി വളര്‍ത്തി. ഇപ്പോള്‍ എന്റെ അച്ഛന്‍ അമൃതംഗമയയില്‍ ലീഡ് ഫ്‌ളുട്ടിസ്റ്റായും എന്റെ കൂട്ടുകാരുടെ മെന്ററും അതിലുപരി ഞങ്ങളുടെ എല്ലാം ബ്രോ ഡാഡിയും ആണ്. എനിക്ക് വേണ്ടിയും എന്റെ ബ്രോ ഡാഡിയായും നിലകൊള്ളുന്നതിന് എനിക്ക് എന്റെ അച്ഛനോട് ഒരു നന്ദി പറയണം.

ഞങ്ങള്‍ക്ക് നിങ്ങളെ ആവശ്യമുള്ളപ്പോഴെല്ലാം അവിടെ ഉണ്ടായിരുന്നതിന് ഞങ്ങളുടെ പ്രിയപ്പെട്ട ബ്രോ ഡാഡിക്ക് നന്ദി പറയുകയാണ്. നിങ്ങളുടെ ജീവിതത്തില്‍ എല്ലാവര്‍ക്കും ഇതുപോലെ ബ്രോ ഡാഡി മൊമന്റ് ഉണ്ടായിരിക്കുമെന്ന് എനിക്ക് ഉറപ്പുണ്ട്. അത് താഴെ കമന്റ് ചെയ്യുക. കഥകള്‍ കേള്‍ക്കാന്‍ ഇഷ്ടമാണ്. കൂടാതെ സിനിമ ഹോട്‌സ്റ്റാറിലുണ്ട്. അത് നഷ്ടപ്പെടുത്താതെ കാണണമെന്നും അമൃത പോസ്റ്റിന് താഴെ നല്‍കിയ ക്യാപ്ഷനില്‍ പറയുന്നു. മാത്രമല്ല അച്ഛന്റെയും സഹോദരി അഭിരാമിയുടെ കൂടെ നില്‍ക്കുന്ന ഫോട്ടോയും പങ്കുവെച്ചിരുന്നു.

ധനുഷിന് ഇത് ലേശം കടുപ്പമായി പോയി; വിവാഹമോചന ശേഷം താരങ്ങളുടെ അവസ്ഥ ഇങ്ങനെയാണെന്ന് സുഹൃത്തുക്കള്‍

Recommended Video

Amrita Suresh comes LIVE against popular online media

പൃഥ്വിരാജിന്റെ സംവിധാനത്തില്‍ പിറന്ന ഏറ്റവും പുതിയ സിനിമയാണ് ബ്രോ ഡാഡി. ഡിസ്‌നി പ്ലസ് ഹോട്ട്‌സ്റ്റാറിലൂടെ ഇന്നലെ മുതല്‍ റിലീസ് ചെയ്ത സിനിമയ്ക്ക് എല്ലായിടത്ത് നിന്നും സമ്മിശ്ര പ്രതികരണങ്ങളാണ് ലഭിച്ചത്. സിനിമ കണ്ടതിന് ശേഷം സ്വന്തമായിട്ടുള്ള ബ്രോ ഡാഡിയെ കുറിച്ച് പറഞ്ഞ് എത്തിയതായിരുന്നു അമൃത. എല്ലാവരുടെയും ജീവിതത്തില്‍ ഒരു ബ്രോ ഡാഡി ഉണ്ടാവുമെന്ന് ഗായിക ഉറപ്പിച്ച് പറയുകയാണ്.

ജീവിതം മറ്റൊരാളുമായി പങ്കുവെക്കണമെന്ന് തോന്നുമ്പോഴാണ് അയാളുടെ വിവാഹപ്രായം; നടി ഐശ്വര്യ ലക്ഷ്മി പറയുന്നു