ഇഷ്ടമല്ലാത്ത പാട്ടുകള്‍ ചെയ്യേണ്ടി വന്നിട്ടുണ്ട്, ഇഷ്ടം സ്വതന്ത്ര സംഗീതം, തുറന്ന് പറഞ്ഞ് ഗോവിന്ദ്

സംഗീത രചനയിലാണ് താൻ ഏറ്റവും കൂടുതൽ സന്തോഷം കണ്ടെത്തുന്നത്.അത് സിനിമയില്‍ ചെയ്യുന്നതിലും സ്വതന്ത്രമായി ചെയ്യാനാണിഷ്ട.സ്റ്റേജില്‍ നില്‍ക്കുന്നത് തന്നെ ഒരു പ്രത്യേക അനുഭൂതിയാണ്.സിനിമയില്‍ സംഗീതസംവിധാനം തരുന്ന അനുഭവം വ്യത്യസ്തമാണ് പക്ഷേ ഞാന്‍ തിരഞ്ഞെടുക്കുന്നത് എപ്പോഴും സ്വതന്ത്രമായിട്ട് ചെയ്യാന്നാണെന്ന് അദ്ദേഹം പറഞ്ഞു.

സ്വതന്ത്രമായി സംഗീതം ഇഷ്ടപ്പെടുന്നതിന്റെ കാരണവും അദ്ദേഹം വെളിപ്പെടുത്തിയിട്ടുണ്ട്. ഞാന്‍ അങ്ങനെ ശൈലി പിന്തുടര്‍ന്ന് ജീവിക്കുന്ന ഒരു ആളല്ല. രണ്ട് പ്രാവശ്യത്തില്‍ കൂടുതല്‍ എനിക്ക് എന്റെ അഭിപ്രായത്തില്‍ പിടിച്ചുനില്‍ക്കാന്‍ പറ്റാറില്ല. എന്നാൽ സിനിമയിൽ ഇടപെടലുകൾ ഉണ്ടാകുമ്പോൾ എന്തെങ്കിലും ചെയ്യട്ടെ എന്ന് വിചാരിച്ച് ഞാൻ ചെയ്തു കൊടുക്കും- ഗോവിന്ദ് വസന്ത പറഞ്ഞു

സിനിമയിൽ തനിയ്ക്ക് ഇഷ്ടമല്ലാത്ത ഒരുപാട് പാട്ടുകൾ ചെയ്യേണ്ടി വന്നിട്ടുണ്ടെന്നും അദ്ദേഹം അഭിമുഖത്തിൽ വെളിപ്പെടുത്തി. അതുകൊണ്ടാണ് സ്വതന്ത്ര സംഗീത മേഖലയോട് തനിയ്ക്ക് താൽപര്യമെന്നും അദ്ദേഹം പറഞ്ഞു. ഇടയ്ക്കിടയ്ക്ക് ഞാനുണ്ടാക്കുന്ന പാട്ടുകള്‍ സൗണ്ട് ക്ലൗഡിലായാലും ബാന്‍ഡിലേക്കായാലും ഉപയോഗിക്കുന്നതും അതുകൊണ്ടാണ്. കൂടാതെ സിനിമയിൽ കംഫർട്ടബിൾ ആയ ആളുകളോട് മാത്രമേ ഞാൻ വർക്ക് ചെയ്യാറുള്ളു. മുന്നോട്ടും അങ്ങനെ തുടരാനാണ് ഉദ്ദേശിക്കുന്നതെന്നും അദ്ദേഹം പറഞ്ഞു.

ഇടപെടലുകളില്ലാതെ ആസ്വദിച്ച് ചെയ്ത സിനിമകളെ കുറിച്ചും ഗോവിന്ദ് പറഞ്ഞു. 96, സീതാകാതി എന്നി ചിത്രങ്ങൾ എന്റെ അടുത്ത സുഹൃത്തുക്കൾ സംവിധാനം ചെയ്തതാണ്. അതുപോലെ ഉറിയടി 2 ലെ അണിയറയിലുള്ളതും സുഹൃത്ത് വലയത്തില്‍പ്പെട്ടവരാണ്.. 96-നെക്കാള്‍ എനിക്കിഷ്ടം സീതകാതിയിലെ പാട്ടുകളാണ്. ചിലപ്പോള്‍ അതൊരു സ്റ്റേജ് ആര്‍ട്ടിസ്റ്റിനെക്കുറിച്ചുള്ള പടമായതുകൊണ്ടായിരിക്കാം.

96 ലെ പാട്ടുകൾ വേറെ ഒരു സംഗീത സംവിധായകനാണെങ്കിലും സമ്മതിക്കുമോ എന്ന് അറിയില്ല. കാരണം ഓരോ പാട്ടിന്റെയും ദൈര്‍ഘ്യം തന്നെ അതില്‍ ഒരു പ്രശ്നമായിരുന്നു. ആറും ആറരയും മിനിറ്റാണ് ഓരോ പാട്ടിന്റെ ദൈർഘ്യം.അതൊക്കെ ഞാന്‍ വളരെ ആസ്വദിച്ചാണ് ചെയ്തത്. അങ്ങനെ അല്ലാത്ത പടങ്ങളുമുണ്ട്.