അശ്വിന്‍റെ സച്ചു, വിവാഹത്തെക്കുറിച്ച് പറഞ്ഞ് അശ്വിന്‍, ഈ ശബ്ദമൊക്കെ എവിടുന്ന് വരുന്നെന്ന് ചോദിച്ചു

അശ്വിന്റെ സച്ചു

വിവാഹത്തിന്റെ സമയമായപ്പോള്‍ തിരുപ്പൂരില്‍ നിന്നും എന്റെ പെണ്ണ് എത്തിയെന്നായിരുന്നു അശ്വിന്‍ പറഞ്ഞത്. കോയമ്പത്തൂരില്‍ സ്ഥിരതാമസക്കാരിയായ സരസ്വതിയെയാണ് അശ്വിന്‍ വിവാഹം ചെയ്യുന്നത്. സരസ്വതിയുടെ അച്ഛന്റെ നാട് തിരുവനന്തപുരത്തും അമ്മയുടെ നാട് പാലക്കാടുമാണ്. മാതാപിതാക്കളുടെ ജോലി സംബന്ധമായാണ് അവർ തിരുപ്പൂരിലേക്ക് താമസം മാറിയത്. എട്ടാം ക്ലാസ് വരെ സരസ്വതി പഠിച്ചത് തിരുവനന്തപുരത്താണ്. സരസ്വതിക്ക് ഒരു സഹോദരിയുണ്ട്. ഭരണിയെന്നാണ് പേര്.

പാട്ടുമുണ്ട്

അപ്രതീക്ഷിതമായാണ് സരസ്വതിയുടെ വിവാഹ ആലോചന തന്നിലേക്ക് വന്നതെന്നും അശ്വിന്‍ പറയുന്നു. അമ്മാവന്‍റെ മകന് വിവാഹം ആലോചിക്കുന്ന സമയത്ത് വന്ന ആലോചനകളില്‍ ചിലത് അമ്മായി അമ്മയ്ക്ക് കൈമാറിയിരുന്നു. അങ്ങനെയാണ് ഈ പ്രൊപ്പോസല്‍ വന്നത്. നര്‍ത്തകിയായ സരസ്വതി ചെറുതായി പാടുകയും ചെയ്യും. ഗ്ലോബല്‍ കമ്യൂണിക്കേഷനിലാണ് ഡിഗ്രി ചെയ്തതെന്നും അശ്വിന്‍ പറയുന്നു.

പാട്ടിനെക്കുറിച്ച് ചോദിച്ചത്

വീട്ടുകാര്‍ സംസാരിച്ചതോടെയാണ് എല്ലാം തീരുമാനമായത്. നേരില്‍ കണ്ടതിന് ശേഷമായി വിവാഹം ഉറപ്പിക്കുകയായിരുന്നു. ആലോചന വന്ന സമയത്ത് എന്‍റെ പാട്ടിനെക്കുറിച്ചൊന്നും സരസ്വതിക്ക് അറിയുമായിരുന്നില്ല. സരസ്വതിയുടെ അച്ഛന് അറിയുമായിരുന്നു. അദ്ദേഹം സരിഗമപ കണ്ടിട്ടുണ്ടായിരുന്നു. വിവാഹം ഉറപ്പിച്ചതിന് ശേഷമായാണ് സരസ്വതി പാട്ട് കേട്ടത്.

എവിടുന്ന് വരുന്നു

സരിഗമപയിലെ വിധികര്‍ത്താക്കളും പ്രേക്ഷകരും ഒരുപോലെ ചോദിച്ച ചോദ്യമായിരുന്നു പാട്ട് കേട്ടതിന് ശേഷം അശ്വിനോട് സരസ്വതിയും ചോദിച്ചത്. കൊള്ളാലോ താൻ, ഇത്രയും നല്ല ഒച്ചയൊക്കെ എവിടുന്നു വരുന്നൂന്നായിരുന്നു ചോദിച്ചത്. വിവാഹം ഏപ്രിലിലാണ് നടത്തുന്നത്. ലളിതമായാണ് വിവാഹനിശ്ചയം നടത്തിയത്.

Pooja Jayaram Interview | FilmiBeat Malayalam

പാട്ടും ജോലിയും

രാഗരത്നം യുവയിലായിരുന്നു അശ്വിന്‍ ആദ്യമായി പങ്കെടുത്തത്. സ്റ്റാര്‍ സിംഗര്‍ 5ാം സീസണിലും അശ്വിന്‍ മാറ്റുരച്ചിരുന്നു. എന്നാല്‍ സരിഗമപയില്‍ എത്തിയതോടെയാണ് അശ്വിനെ ആളുകള്‍ അറിഞ്ഞത്. പാട്ടു പോലെ തന്നെ പ്രിയപ്പെട്ടതാണ് സോഫ്റ്റ് വെയർ എൻജിനീയറിങ്. പാട്ടും ജോലിയും ഒന്നിച്ച് കൊണ്ടു പോകാനാണ് താൽപര്യമെന്നും അശ്വിന്‍ പറയുന്നു.