തിരിച്ചു പറഞ്ഞില്ലെങ്കിൽ അവർക്ക് സ്വസ്ഥതയുണ്ടാകില്ലെന്ന് എംജി, ശാന്തത പാലിക്കുക,ശരിയാണെന്ന് ആരാധകർ

സോഷ്യൽ മീഡിയയിൽ സജീവ സാന്നിധ്യമാണ് എംജി ശ്രീകുമാർ. സന്തോഷങ്ങളും വിശേഷങ്ങളും പ്രിയഗായകൻ സോഷ്യൽ മീഡിയ പേജിലൂടെ പങ്കുവെയ്ക്കാറുണ്ട്. ഇത് പ്രേക്ഷകരുടെ ഇടയിൽ ചർച്ചായാവാറുമുണ്ട്. ഇപ്പോൾ സമൂഹമാധ്യമങ്ങളിൽ വൈറലാകുന്നത് താരത്തിന്റെ ഇൻസ്റ്റഗ്രാം പോസ്റ്റാണ്. മനസിന് ശക്തിയില്ലാത്തവർ എപ്പോഴും എല്ലാത്തിനോടും പ്രതികരിച്ചുകൊണ്ടിരിക്കും. കാണുന്നതിനോടും കേൾക്കുന്നതിനോടും എപ്പോഴും പ്രതികരിച്ചുകൊണ്ടിരുന്നാൽ നമ്മുടെയും മറ്റുള്ളവരുടെയും ജീവിതം ദുരിതപൂർണമാകുമെന്നാണ് എംജി ശ്രീകുമാർ പറയുന്നു.

എംജി ശ്രീകുമാറിന്റെ വാക്കുകൾ ഇങ്ങനെ... പ്രിയ സുഹൃത്തുക്കളെ... മനസിന് ശക്തിയില്ലാത്തവർ എപ്പോഴും എല്ലാത്തിനോടും പ്രതികരിച്ചുകൊണ്ടിരിക്കും. രണ്ട് വാക്ക് തിരിച്ചു പറഞ്ഞില്ലെങ്കിൽ അവർക്ക് സ്വസ്ഥതയില്ല. കാണുന്നതിനോടും കേൾക്കുന്നതിനോടും എപ്പോഴും പ്രതികരിച്ചുകൊണ്ടിരുന്നാൽ നമ്മുടെയും മറ്റുള്ളവരുടെയും ജീവിതം ദുരിതപൂർണമാകും.

പല കുടുംബങ്ങളും സമൂഹങ്ങളും നരകതുല്യമായിത്തീരുന്നത് ഇത്തരം സ്വഭാവമുള്ള വ്യക്തികൾ ഉള്ളതുകൊണ്ടാണ്. എത്ര നന്നാക്കിയാലും പിന്നെയും ആളുകളിൽ കുറവുണ്ടാകും. എത്ര ശരിയാക്കിയാലും പിന്നെയും സമൂഹത്തിൽ ശരികേടുകളുണ്ടാകും. അതിനാൽ ക്ഷമാപൂർവം പലതിനെയും സ്വീകരിക്കാൻ നാം പഠിക്കേണ്ടതുണ്ട്. എല്ലാം ശരിയാക്കാനും എല്ലാവരെയും മര്യാദ പഠിപ്പിക്കാനും പോകുമ്പോൾ നമ്മുടെ ജീവിതം തന്നെയാണ് നശിച്ചുപോകുന്നത്. ശാന്തത പാലിക്കുക, എല്ലാവരും സുരക്ഷിതമായി തുടരുക; താരം കുറിച്ചു. അദ്ദേഹം പാട്ട് പാടുന്ന ഒരു ചിത്രം പങ്കുവെച്ച് കൊണ്ട് കുറിച്ചും.

എംജിയുടെ പോസ്റ്റ് വൈറലായിട്ടുണ്ട്. അദ്ദേഹം പറയുന്നത് അംഗീകരിക്കുകയാണ് കൂടുതൽ പ്രേക്ഷകരും. അപ്പൊ തെറ്റ് കണ്ടാൽ പ്രതികരിക്കേണ്ട എന്നാണോ സാർ പറയുന്നത്?? എന്നും ഒരു ആരാധകൻ ചോദിക്കുന്നുണ്ട്. ദിവസങ്ങൾക്ക് മുൻപ് സഹോദരനുമായുള്ള ഓർമ പങ്കുവെച്ച് കൊണ്ട് പ്രിയഗായകൻ രംഗത്ത് എത്തിയിരുന്നു. എന്നാൽ ഇത് ചെറിയ വിമർശനം സൃഷ്ടിച്ചിരുന്നു. എന്നാൽ വിമർശകർക്ക് കൃത്യമായ മറുപടിയും എംജി നൽകിയിരുന്നു. അന്നും എംജി ശ്രീകുമാറിനെ പിന്തുണച്ച് നിരവധി പേർ രംഗത്ത് എത്തിയിരുന്നു.