അസുഖമാണോ? തനിക്ക് കേൾക്കേണ്ടി വന്ന ചോദ്യത്തെ കുറിച്ച് ഗായിക രശ്മി സതീഷ്

തന്റ പുതിയ രൂപമാറ്റത്തെ ചിലർ മേക്കോവറായി സമീപിച്ചു. എന്നാൽ മറ്റ് ചിലർക്ക് അറിയേണ്ടത് എന്തെങ്കിലും രോഗമാണോ എന്നായിരുന്നു. തനിയ്ക്ക് എന്ത് പറ്റി എന്നായിരുന്നു ഇവരുടെ ആശങ്ക.എന്നോടുള്ള കരുതൽ കൊണ്ടായിരിക്കാം അവർ അങ്ങനെ ചോദിക്കുന്നത്. ലോക്ഡൗൺ കാലത്ത് ഏകദേശം പത്തുകിലോയിൽ അധികം ഭാരം കുറഞ്ഞു എന്നാണ് എന്റെ വിശ്വാസം. അത് ഡയറ്റ് ചെയ്തോ വ്യായാമം ചെയ്തതോ അല്ല. ഭക്ഷണക്രമത്തിലും മറ്റും മാറ്റം വന്നപ്പോൾ അത് ശരീരത്ത് പ്രതിഫലിച്ചതാണ്.

ചിത്രം പോസ്റ്റ് ചെയ്തതിന് പിന്നാലെ കുറെപ്പേർ ഡറ്റിനെ കുറിച്ചും വർക്കൗട്ടിനെ കുറിച്ചും ചോദിച്ച് എത്തിയിരുന്നു. എന്ത് ഡയറ്റാണ് ഫോളോ ചെയ്തത് വർക്കൗട്ട് എങ്ങനെയായിരുന്നു ഇതൊക്കെയായിരുന്നു അറിയേണ്ടിയിരുന്നത്. എന്നാൽ ടിപ്പ് ചോദിക്കുന്നവരോട് തനിക്ക് അതിനൊന്നും നൽകാൻ മറുപടിയില്ല.

ഡിസംബറിൽ ഒരു ചെറിയ ടൂ വീലർ അപകടം സംഭവിച്ചു. അതിനെ അതിജീവിച്ച് വരുമ്പോഴാണ് ലോകത്ത് കോവിഡ് പ്രശ്നങ്ങൾ ആരംഭിക്കുന്നത്. അങ്ങനെ കുറേ ഒഴിവു കാലം കിട്ടി. പ്രത്യേകിച്ചു തിരക്കുകൾ ഒന്നും ഇല്ലാതിരുന്നപ്പോൾ ജീവിതത്തിൽ വലിയ മാറ്റങ്ങൾ ഉണ്ടായി.ഹോട്ടലിൽ നിന്നും ആഹാരം വാങ്ങാതായപ്പോൾ ഭക്ഷണക്രമത്തിലും മാറ്റം വന്നു. സസ്യാഹാരം മാത്രമാണ് കൂടുതലായും കഴിച്ചു. അങ്ങനെ ഇക്കാര്യങ്ങളെല്ലാം ചേർന്നപ്പോൾ ഞാനറിയാതെ ശരീരത്തിൽ മാറ്റങ്ങൾ വന്നു. അല്ലാതെ മന:പൂർവം വണ്ണം കുറയ്ക്കാൻ ശ്രമിച്ചിട്ടില്ലെന്നും രശ്മി പറയുന്നു.

പാട്ടിനെ സംബന്ധിച്ച് താൻ ഏറ്റവം കുറവ് പാട്ട് പ്രാക്ടീസ് ചെയ്തത് ഈ സമയത്താണ്. സമയ കുറവല്ല അത് മാനസികാവസ്ഥയുടെ ഭാഗമാണ്. ഈ ലോക്ക് ഡൗൺ കാലത്ത പോസിറ്റീവായി കാണുന്ന ഒരാൾ കൂടിയാണ് ഞാൻ. കുറച്ച് പേരുടെ ജീവിതവും ചിന്തയും പോസിറ്റീവായി എന്ന് കരുതുന്നു. അതൊന്നിൽ സൃഷ്ടിക്കുന്ന സന്തോഷവും സമാധാനവും വളരെവലുതാണെന്നും രശ്മി വനിതയ്ക്ക് നൽകി അഭിമുഖത്തിൽ പറഞ്ഞു