ഞാനും മാറ്റമാഗ്രഹിക്കുന്നുണ്ട്: ഇന്ദ്രജിത്ത്

ചലച്ചിത്രലോകത്തെ മാറ്റങ്ങളുടെ ഭാഗമാകാന്‍ താനും കൊതിയ്ക്കുകയാണെന്ന് നടന്‍ ഇന്ദ്രജിത്ത്. യുവസംവിധായകരും നടന്മാരും ചേര്‍ന്നുണ്ടാകുന്ന പുതു തലമുറസിനിമകള്‍ തന്നെ ആകര്‍ഷിക്കുന്നുണ്ടെന്നാണ് മുപ്പത്തിയൊന്നുകാരനായ ഇന്ദ്രജിത്ത് പറയുന്നത്.

പുതുതലമുറ സംവിധായകരുടെയും എഴുത്തുകാരുടെയും ചിത്രങ്ങളില്‍ ഭാഗമാവുകയാണ് ഇനിയെന്റെ ലക്ഷ്യം. ക്രിയേറ്റീവായ ചിത്രങ്ങള്‍ കൂടുതല്‍ ചെയ്യണമെന്നാണ് ആഗ്രഹിക്കുന്നത്. ഇതിനായി പുതുനിര സംവിധായകര്‍ക്കൊപ്പം ജോലിചെയ്യാന്‍ എനിയ്ക്ക് താല്‍പര്യമാണ്- ഊമപ്പെണ്ണിന് ഉരിയാടാപ്പയ്യന്‍ എന്ന ചിത്രത്തിലെ വില്ലന്‍ വേഷത്തിലൂടെ ചലച്ചിത്രലോകത്ത് അരങ്ങേറ്റം കുറിച്ച ഇന്ദ്രജിത്ത് പറയുന്നു.

ഇതിനെല്ലാം കൂടെ കഠിനാധ്വാനവും കഴിവും ആവശ്യമാണ്. മലയാളസിനിമയിലെ പുതിയ ട്രെന്‍ഡ് തികച്ചും പൊസിറ്റീവാണ്. പുതുമുഖങ്ങള്‍ ഇവിടെ സ്വീകരിക്കപ്പെടുന്നുണ്ട്.

എന്നാല്‍ അതിനൊപ്പം തന്നെ അനിശ്ചിതത്വവുമുണ്ട്, ഒരുതരത്തില്‍ പറഞ്ഞാല്‍ ഈ അനിശ്ചിതത്വം തന്നെയാണ് സിനിമാലോകത്തിന്റെ സൗന്ദര്യം- ഇന്ദ്രന്‍ പറയുന്നു.

അടുത്ത പേജില്‍