Click it and Unblock the Notifications
മേജര് രവിയുടെ തിരിച്ചുവരവ് കാത്ത് മലയാള സിനിമ
പ്രിയദര്ശന്റെ കളരിയില് പയറ്റി തെളിഞ്ഞ രവിയെന്ന പട്ടാളക്കാരന്റെ പ്രതിഭയും ധൈര്യവും എടുത്തുകാണിച്ച ചിത്രമായിരുന്നു കീര്ത്തിചക്ര. ജീവിതത്തില് സാഹസികത ഇഷ്ടപ്പെടുന്ന ഈ പട്ടാളക്കാരന് പിന്നീടും സൂപ്പര്താരങ്ങളെ നായകന്മാരാക്കി ചിത്രങ്ങളെടുത്തു. പട്ടാളക്കഥ പ്രമേയമാക്കി ഒരുക്കിയ ഈ ചിത്രങ്ങള് ബോക്സ്ഓഫീസില് അമ്പേ പരാജയപ്പെട്ടപ്പോള് രവി രംഗത്ത് നിന്ന് അപ്രത്യക്ഷനായി.
എന്നാല് രവി കഴിവുള്ള സംവിധായനാണെന്ന് ഉറപ്പിക്കാന് കീര്ത്തിചക്ര എന്ന ഒറ്റച്ചിത്രം മതിയാവും. എന്നാല് സൂപ്പര്താരങ്ങള് മാത്രമുണ്ടായാല് സിനിമ വിജയിക്കില്ലെന്ന് രവിയ്ക്ക് മനസ്സിലായി കാണണം. കഴിവുള്ള സംവിധായകര്ക്കും കൈപ്പിഴ പറ്റാം. എന്നാല് അതു തിരുത്താന് രവിയെ പോലെയൊരു സംവിധായകന് കഴിയും.
അടുത്തിടെ സുരേഷ്ഗോപിയുമൊത്ത് രവി രക്ഷ എന്നൊരു ചിത്രം ഒരുക്കാന് പോവുന്നതായി വാര്ത്തകള് വന്നിരുന്നു. മലയാള സിനിമയില് ശക്തമായ തിരിച്ചു വരവിന് ഒരുങ്ങുന്ന രവിയ്ക്ക് 'രക്ഷ' രക്ഷയാവുമോ എന്ന് കാത്തിരുന്ന് കാണാം.
Continue with Google