രഹസ്യമായി പോലും ഞാന്‍ അപേക്ഷിച്ചിട്ടുണ്ട്; ജീവിതത്തിലെ ഏറ്റവും വലിയ കാര്യം നടന്ന സന്തോഷം പങ്കുവെച്ച് ആര്യ

'വനിത മാസികയുടെ കവര്‍ഗേള്‍ ആവുക എന്നത് എന്റെ ചെറുപ്പം മുതലേ ഉള്ളൊരു വലിയ സ്വപ്നമായിരുന്നു. ഈ ചെറുപുസ്തകം എനിക്ക് എന്നും ഒരു കൗതുകമായിരുന്നു. ഹൈസ്‌കൂള്‍ കാലഘട്ടം മുതല്‍ ഇതിന്റെ കോപ്പി മുടങ്ങാതെ ഞാന്‍ വാങ്ങിക്കുമായിരുന്നു. കഴിഞ്ഞ പതിനഞ്ച് വര്‍ഷമായി ഞാന്‍ ഈ ഇന്‍ഡസ്ട്രിയിലുണ്ട്. എന്നിട്ടും അവരുടെ കവര്‍ഗേള്‍ മത്സരത്തിന് ഞാന്‍ പല തവണ രഹസ്യമായി അപേക്ഷിച്ചിട്ടുണ്ട്. പക്ഷേ വിധി എനിക്ക് വേണ്ടിയും അങ്ങനൊരു അവസരം ഒരുക്കിയിട്ടുണ്ടെന്ന് അറിഞ്ഞിരുന്നില്ല.

എന്നെ അവരുടെ കവര്‍ പേജില്‍ അവതരിപ്പിക്കണമെന്നും കേക്കിന് ഐസിങ് എന്നത് പോലെ എന്റെ കൂടെ മകളും ഉണ്ടാവണമെന്ന് പറഞ്ഞ് വന്ന ഫോണ്‍ വിളി കേട്ടപ്പോള്‍ തന്നെ ഞാന്‍ ആശ്ചര്യപ്പെട്ടു പോയി. അതില്‍ കൂടുതല്‍ കാര്യങ്ങളൊന്നും എനിക്ക് ചോദിക്കാനില്ലായിരുന്നു. ഒരു മാസികയുടെ കവര്‍ പേജില്‍ വന്നെന്ന് പറയുന്നതാണോ ഇത്ര വലിയ കാര്യമെന്ന് നിങ്ങളില്‍ പലര്‍ക്കും നിസാരമായി ഇതിനെ കാണാം. പക്ഷേ എന്നെ സംബന്ധിച്ചിടത്തോളം ഇത് വളരെ വലുതാണ്. ഇതൊരു നാഴികക്കല്ലാണ്.

എന്റെ തൊപ്പിയിലെ പൊന്‍തൂവലായി കരുതുന്നു. ദക്ഷിണേന്ത്യയിലെ ഏറ്റവും ജനപ്രിയ ഫീച്ചര് മാഗസിനാണ് വനിത. ഇത്തവണത്തെ ദീപാവലി സ്‌പെഷ്യല്‍ എഡിഷനില്‍ തന്നെ കവര്‍ ഫോട്ടോയായി ഞാനും എന്റെ മകളും വന്നത് വലിയ സന്തോഷവും അഭിമാനവുമാണ് നേടി തന്നത്. നിങ്ങളുടെ സ്വപ്‌നങ്ങളെ ഒരിക്കലും കൈവിടരുത്. അത് പൂര്‍ണ ഹൃദയത്തോടെ സ്വീകരിക്കുകയും ആവേശത്തോടെ അതിനെ പിന്തുടരുകയും ചെയ്തുക. എന്നെങ്കിലും അത് നടക്കുന്നത് നിങ്ങള്‍ കാണുക തന്നെ ചെയ്യുമെന്നും ആര്യ പറയുന്നു. ഇത്തരമൊരു അവസരം ഒരുങ്ങി തന്നതിന് വനിതയുടെ ടീം അംഗങ്ങള്‍ക്കുള്ള നന്ദിയും തന്റെയൊരു സ്വപ്‌നമാണ് ഇവിടെ പൂവണിഞ്ഞതെന്നും ഇന്‍സ്റ്റാഗ്രാമിലൂടെ പങ്കുവെച്ച കുറിപ്പില്‍ നടി സൂചിപ്പിക്കുന്നു.

Recommended Video

Bigg boss Arya got cheated on her birthday | FilmiBeat Malayalam

കവര്‍ പേജില്‍ ഫോട്ടോ വന്നതിനൊപ്പം തന്റെ വ്യക്തി ജീവിതതത്തെ പറ്റിയും കുടുംബത്തെ കുറിച്ചുമൊക്കെയുള്ള കാര്യങ്ങളും ആര്യ പറഞ്ഞിരുന്നു. വനിതയ്ക്ക് നല്‍കിയ അഭിമുഖത്തിലാണ് അടുത്തിടെ പരാജയപ്പെട്ട പ്രണയത്തെ കുറിച്ചുള്ള നടിയുടെ വെളിപ്പെടുത്തല്‍. ബിഗ് ബോസില്‍ പങ്കെടുക്കുമ്പോള്‍ പ്രണയത്തിലാണെന്ന് പറഞ്ഞ ജാന്‍ തന്നെ ഒഴിവാക്കി പോയതിനെ കുറിച്ചുള്ള നടിയുടെ വാക്കുകള്‍ വൈറലാവുകയാണ്. ഇനി മകളുടെ ഇഷ്ടം കൂടി നോക്കി മാത്രമേ ജീവിത പങ്കാളിയെ തിരഞ്ഞെടുക്കുകയുള്ളു എന്നും ആര്യ പറയുന്നു.