ഐശ്വര്യ- ധനുഷ് വിവാഹമോചനം; നടൻ വിജയിയുടെ പിതാവ് പങ്കുവെച്ച വീഡിയോ ചർച്ചയാവുന്നു...

വിവാഹമോചനത്തെ കുറിച്ച് പറഞ്ഞത് ഇങ്ങനെ... ''സുഹൃത്തുക്കളായും ദമ്പതികളായും മാതാപിതാക്കളായും അഭ്യുദയകാംക്ഷികളായും 18 വര്‍ഷത്തെ ഒരുമിച്ചുള്ള ജീവിതം... വളര്‍ച്ചയുടെയും മനസിലാക്കലിന്‍റെയും പൊരുത്തപ്പെടലിന്‍റെയും ഒത്തുപോകലിന്‍റെയുമൊക്കെ യാത്രയായിരുന്നു അത്.. ഞങ്ങളുടെ വഴികള്‍ പിരിയുന്ന ഒരിടത്താണ് ഇന്ന് ഞങ്ങള്‍ നില്‍ക്കുന്നത്. പങ്കാളികള്‍ എന്ന നിലയില്‍ വേര്‍പിരിയാന്‍ തീരുമാനിച്ചു. വ്യക്തികള്‍ എന്ന നിലയില്‍ സ്വയം മനസിലാക്കുന്നതിന് സമയം കണ്ടെത്താനും ഞങ്ങള്‍ തീരുമാനിച്ചു. ഞങ്ങളുടെ തീരുമാനത്തെ ദയവായി മാനിക്കൂ. ഇത് കൈകാര്യം ചെയ്യാന്‍ അവശ്യമായ സ്വകാര്യത ഞങ്ങള്‍ക്ക് നല്‍കൂ''. ഐശ്വര്യയും ധനുഷും കുറിച്ചു.

അടിക്കുറിപ്പിന്‌റെ ആവശ്യമില്ല... നിങ്ങളുടെ സ്നേഹം മാത്രമാണ് വേണ്ടതെന്ന് ഇൻസ്റ്റഗ്രാമിൽ കുറിച്ച് കൊണ്ടാണ് വേർപിരിയുന്നതിനെ പറ്റി ഐശ്വര്യ പറഞ്ഞത്. എല്ലാവരോടും എപ്പോഴും ഒരുപാട് സ്നേഹം മാത്രം . ദൈവത്തിന്റെ തീരുമാനമാണിതെന്നും കുറിപ്പിൽ എടുത്ത് പറയുന്നുണ്ട്. ലിംഗ, യാത്ര എന്നിങ്ങനെ രണ്ട് ആൺ മക്കളാണ് ഇവർക്കുള്ളത്. വിവാഹമോചനത്തിന് ശേഷവും ധനുഷിന്റെ പേരും ചിത്രവും ഐശ്വര്യ സോഷ്യൽ മീഡിയയിൽ നിന്ന് മാറ്റിയിട്ടില്ല. ഐശ്വര്യ ആർ ധനുഷ് എന്നാണ് നടിയുടെ പേര്.

വേർപിരിയൽ ഒദ്യോഗികമായി പ്രഖ്യാപിച്ചതിന് പിന്നാലെ താരങ്ങൾക്ക് പിന്തുണയുമായി സിനിമ‌ ലോകം രംഗത്ത് എത്തിയിട്ടുണ്ട്. ഞെട്ടലോടെയാണ് ഏവരും ശ്രവിച്ചതെങ്കിലും ഇവരുടെ സ്വകാര്യതയെ മാനിക്കണമെന്നാണ് ആരാധകരോട് പറയുന്നത്.

ഇപ്പോഴിത സോഷ്യൽ മീഡിയയി വൈറൽ ആവുന്നത് നടൻ വിജയുടെ അച്ഛൻ പങ്കുവെച്ച ഒരു വീഡിയോയാണ്. വിവാഹമോചനങ്ങൾ ഏറെ സങ്കടപ്പെടുത്തുന്നു എന്നാണ് അദ്ദേഹം വീഡിയോയിൽ പറയുന്നത്. ഏറെ ആലോചിച്ച ശേഷമാണ് താൻ ഈ വീഡിയോ പുറത്തുവിട്ടതെന്നുള്ള ആമുഖത്തോടെയാണ് വീഡിയോ ആരംഭിക്കുന്നത്.

നടൻ ധനുഷും ഐശ്വര്യ രജനികാന്തും വേർപിരിയാനുള്ള തീരുമാനത്തിന് പിന്നാലെയാണ് ഈ വീഡിയോ പുറത്തു വന്നിരിക്കുന്നത്. അദ്ദേഹത്തിന്‌റെ വാക്കുകൾ ഇങ്ങനെ '' വിവാഹമെന്നത് ഒത്തൊരുമയോടെ ജീവിക്കാനുള്ളതാണെന്നും വേർപിരിയൽ വാർത്തകൾ കേൾക്കുന്നത് ഹൃദയഭേദകമാണെന്നും എസ് എ ചന്ദ്രശേഖർ വീഡിയോയിൽ പറയുന്നു. ജീവിതം എന്നത് ഉയർച്ച താഴ്ചകളുടെ സമ്മിശ്രമാണ്. ഭാര്യയും ഭർത്താവും ഇതുപോലെ വേർപിരിഞ്ഞത് കാണാൻ തനിക്ക് ബുദ്ധിമുട്ടാണെന്നും വിജയിയുടെ പിതാവ് വീഡിയോയിൽ പറയുന്നു. കൂടാതെ വീഡിയോയിൽ അദ്ദേഹം ഒരു ഉദാഹരണവും പറയുന്നുണ്ട്. ഒരു ഭർത്താവും ഭാര്യയും ഏഴു വർഷത്തിലേറെയായി വേർപിരിഞ്ഞു താമ‌സിക്കുകയായിരുന്നു എന്നാൽ പിന്നീട് പുനർവിവാഹം കഴിച്ചു വീണ്ടും ഒന്നിച്ചുവെന്നും ചന്ദ്രശേഖർ പറയുന്നു. എന്നാൽ ഈ ദമ്പതികളുടെ പേരോ മറ്റ് വിവരങ്ങളോ പറഞ്ഞിട്ടില്ലായിരുന്നു.