സ്ത്രീയുടെ ശബ്ദത്തിന് വേണ്ടിയാണ് ദിലീപ് ബുദ്ധിമുട്ടിയത്; മായമോഹിനിയിലെ വെല്ലുവിളിയെ കുറിച്ച് താരം

'കേശുവിന് വേണ്ടി ഡബ്ബ് ചെയ്യുന്നത് പൊങ്ങി നില്‍ക്കുന്ന പല്ലൊക്കെ വെച്ചിട്ടാണ്. കേശുവിന്റെ മാനറിസങ്ങളും മറ്റുമൊക്കെ മുന്‍നിര്‍ത്തിയാണ് ശബ്ദം നല്‍കിയത്. ചാന്ത്‌പൊട്ട് ചെയ്തപ്പോള്‍ വേറെ ടൈപ്പ് ആയിരുന്നു. കുഞ്ഞിക്കൂനന്‍ ചെയ്തപ്പോഴും വേറെ ശബ്ദമായിരുന്നു. മായമാഹിനിയിലെ പെണ്ണ് വേഷം വന്നപ്പോഴും വേറെ വോയിസ് ആയിരുന്നു. ശബ്ദം കിട്ടാന്‍ വേണ്ടി ഏറ്റവും കൂടുതല്‍ ഡബ്ബിങ് തിയറ്ററില്‍ കയറാതെ ഇരുന്നതും എങ്ങനെ ഡബ്ബ് ചെയ്യും എന്ന് വിഷമിച്ചിരുന്ന സിനിമ മായമോഹിനി ആയിരുന്നു എന്നാണ് ദിലീപ് പറയുന്നത്.

അവസാനമാണ് ആ ഫീമെയില്‍ വോയിസിന്റെ ട്യൂണ്‍ കിട്ടിയത്. അഭിനയിക്കുന്ന സമയത്ത് ആണ്‍ ശബ്ദത്തില്‍ തന്നെയായിരുന്നില്ല സംസാരിച്ചത്. എക്‌സ്പ്രഷനും ലിപും മാത്രമാണ് അന്നേരം ശ്രദ്ധിച്ചിട്ടുള്ളത്. വോയിസിന് പ്രധാന്യം കൊടുത്തിരുന്നില്ല. ഇതിന് മാച്ച് ആവുന്ന ശബ്ദം പിന്നീട് ഡബ്ബിംഗിന് വരുമ്പോഴാണ് നോക്കിയത്. സാധാരണ ഒരു പെണ്‍കുട്ടിയെ കൊണ്ട് വേണമെങ്കില്‍ ഡബ്ബ് ചെയ്യിപ്പിക്കാമായിരുന്നു. പക്ഷേ അതല്ല, ഇയാള് തന്നെയാണല്ലോ ആ ബാക്കി സിനിമയിലെ കഥാപാത്രവും ചെയ്യുന്നത്. അതുകൊണ്ടാണ് ശബ്ദം മാറ്റാത്തത് എന്നാണ് ദിലീപ് പറയുന്നത്.

Recommended Video

Nadirshah talks about Keshu Ee Veedinte Nathan

വേറിട്ട കഥാപാത്രങ്ങളിലൂടെ പ്രേക്ഷക പ്രീതി പിടിച്ച് പറ്റാന്‍ ദിലീപിന് സാധിച്ചിരുന്നു. മായമോഹിനി എന്ന ചിത്രത്തില്‍ ഒന്നിലധികം ഗെറ്റപ്പുകളിലാണ് താരം അഭിനയിച്ചത്. അതില്‍ പ്രധാനം മോഹിനി എന്ന സ്ത്രീ വേഷമായിരുന്നു. ശരിക്കും പെണ്ണുങ്ങളെ പോലെയാവാന്‍ ശരീരത്തിലെ രോമങ്ങള്‍ വടിച്ച് കളയുകയും നഖം നീട്ടുകയും തുടങ്ങി ഒത്തിരി കഠിനാധ്വാനം ദിലീപിന് നടത്തേണ്ടതായി വന്നിരുന്നു. അതിനെക്കാളേറെ വെല്ലുവിളി ശബ്ദം നല്‍കുന്നതാണെന്നാണ് പുതിയൊരു അഭിമുഖത്തില്‍ ജനപ്രിയനായകന്‍ വ്യക്തമാക്കുന്നത്.