Click it and Unblock the Notifications
ചേരന് ചിത്രത്തില് വേഷമിടാന് ശ്രീനിയില്ല
ചേരന് ചിത്രത്തില് വേഷമിടാന് ശ്രീനിയില്ല
ഉദയനാണ് താരം എന്ന ചിത്രം കണ്ടതിനു ശേഷം തമിഴ് സംവിധായകനും നടനുമായ ചേരന് ശ്രീനിവാസന്റെ ഒരു ആരാധകനാണ്. ശ്രീനിവാസന് തിരക്കഥയെഴുതുകയും ഒരു പ്രധാന വേഷത്തില് അഭിനയിക്കുകയും ചെയ്ത ഈ ചിത്രം തമിഴില് റീമേക്ക് ചെയ്യുന്നതിനെ കുറിച്ച് ചേരന് ആലോചിച്ചിരുന്നതാണ്.
ശ്രീനിവാസന് അവതരിപ്പിച്ച കഥാപാത്രം ചെയ്യാന് അനുയോജ്യനായ നടനെ കണ്ടെത്താന് കഴിയാത്തതിനാല് ചേരന് ആ പദ്ധതി ഉപേക്ഷിക്കേണ്ടിവന്നു. സൂപ്പര്താരങ്ങളെ പരിഹസിക്കുന്ന തരത്തിലുള്ള അവതരണരീതി തമിഴ് പ്രേക്ഷകര് ഉള്ക്കൊള്ളുമോയെന്ന ആശങ്കയും അദ്ദേഹത്തിനുണ്ടായിരുന്നു.
ഉദയനാണ് താരം റീമേക്ക് ചെയ്യാനുള്ള പ്രൊജക്ട് ഉപേക്ഷിച്ചെങ്കിലും തന്റെ അടുത്ത ചിത്രമായ മായക്കണ്ണാടിയില് അഭിനയിക്കാന് ചേരന് ശ്രീനിവാസനെ ക്ഷണിച്ചു. എന്നാല് ഈ ക്ഷണം നിരസിക്കുകയാണ് ശ്രീനിവാസന് ചെയ്തത്.
മലയാളത്തിലെ തിരക്കുകള് കാരണം ഡേറ്റ് നല്കാന് കഴിയാത്തതിനാലാണത്രെ ചേരന് ചിത്രത്തില് അഭിനയിക്കാനുള്ള ക്ഷണം ശ്രീനി നിരസിച്ചത്.
Continue with Google