»   » രജനിയ്ക്ക് വീണ്ടും ശാരീരികാസ്വാസ്ഥ്യം

രജനിയ്ക്ക് വീണ്ടും ശാരീരികാസ്വാസ്ഥ്യം

Posted By:
Subscribe to Filmibeat Malayalam
ചെന്നൈ: നടന്‍ രജനീകാന്തിനെ ശ്വാസതടസ്സത്തെത്തുടര്‍ന്ന് വീണ്ടും ആശുപത്രിയില്‍ പ്രവേശിപ്പിച്ചു. ഇപ്പോള്‍ ഒരാഴ്ചയ്ക്കുള്ളില്‍ ഇത് രണ്ടാം തവണയാണ് രജനിയ്ക്ക് ശാരീരികാസ്വാസ്ഥ്യവും ശ്വാസതടസ്സവുമുണ്ടാകുന്നത്.

ചെന്നൈയിലെ സെന്റ് ഇസബെല്ല ആശുപത്രിയില്‍ പരിശോധനയ്ക്ക് ചെന്ന അദ്ദേഹത്തിന് ഡോക്ടര്‍മാര്‍ നാലു ദിവസത്തെ വിശ്രമം നിര്‍ദ്ദേശിച്ചിരിക്കുകയാണ്. വിശ്രമം ഉറപ്പുവരുത്താനായി രണ്ടു ദിവസം അദ്ദേഹം ആശുപത്രിയിലെ ഇന്റന്‍സീവ് കെയര്‍ യൂണിറ്റില്‍ തുടരുമെന്ന് കുടുംബാംഗങ്ങള്‍ അറിയിച്ചു.

രജനിയ്ക്ക് നെഞ്ചില്‍ അണുബാധയും ബ്രൊങ്കൈറ്റിസുമുണ്ടെന്നാണ് ഡോക്ടര്‍മാര്‍ പറഞ്ഞത്. എന്നാല്‍ ആശങ്കപ്പെടാനൊന്നുമില്ലെന്ന് ഡോക്ടര്‍മാര്‍ വ്യക്തമാക്കി. ബുധനാഴ്ച രാത്രിയാണ് ശ്വാസതടസ്സത്തെത്തുടര്‍ന്ന് രജനി ചികിത്സ തേടിയത്.

പുതിയ ചിത്രം റാണയുടെ ഷൂട്ടിങ് തുടങ്ങിയ ഏപ്രില്‍ 29നും ഇതേപോലെ ശാരീരികാസ്വാസ്ഥ്യവും നിര്‍ജ്ജലീകരണവും കാരണം രജനി വൈദ്യ പരിശോധനയ്ക്ക് എത്തിയിരുന്നു. അന്നും ഡോക്ടര്‍മാര്‍ വിശ്രമം നിര്‍ദ്ദേശിച്ചിരുന്നുവെങ്കിലും രജനി ജോലിത്തിരക്കിലായിരുന്നു.

English summary
Actor Rajinikanth has been taken to St Isabel Hospital in Chennai with severe chest congestion and uneasiness. Doctors said he was suffering from viral infection and bronchitis. He has been advised three days rest.
Please Wait while comments are loading...

Malayalam Photos

Go to : More Photos