ഐറ്റം നമ്പറുകള്‍ ജനത്തിന് മടുത്തുവോ?

ഇന്ന് കച്ചവട സിനിമയുടെ ഒഴിച്ചു കൂടാനാകാത്ത ഭാഗമാണ് ഐറ്റം ഡാന്‍സുകള്‍. ഹിന്ദിയില്‍ മുന്നി, ഷീല എന്നിവ ഹിറ്റായത് ഐറ്റം നമ്പറുകളുടെ ഡിമാന്റ് വര്‍ദ്ധിപ്പിച്ചു.എന്നാല്‍ തമിഴ് സിനിമയില്‍ ഐറ്റം നമ്പറുകള്‍ ശ്രദ്ധിക്കപ്പെടാതെ പോകുന്നു. അടുത്തിടെ പുറത്തിറങ്ങിയ വേദി, വെല്ലൂര്‍ മാവട്ടം, മുരന്‍, ആയിരം വിളക്ക് എന്നീ ചിത്രങ്ങളിലെ ഐറ്റം നമ്പറുകള്‍ക്ക് തീയേറ്ററുകളില്‍ തണുത്ത പ്രതികരണമായിരുന്നു.

എന്നാല്‍ ബോളിവുഡില്‍ ഐറ്റം നമ്പര്‍ ചിത്രങ്ങളുടെ വിജയത്തിനെ സഹായിക്കുന്നുണ്ടു താനും. കോളിവുഡ് പ്രേക്ഷകര്‍ക്ക് ഐറ്റം നമ്പര്‍ മടുത്തു കഴിഞ്ഞു എന്നതിന്റെ സൂചനയല്ല ഈ തണുത്ത പ്രതികരണമെന്ന് തമിഴിലെ ഒരു പ്രശസ്ത സംവിധായകന്‍ പറയുന്നു.വേണ്ട വിധത്തില്‍ പ്ലാന്‍ ചെയ്യാതെ തട്ടിക്കൂട്ട് ഐറ്റം നമ്പര്‍ ഉണ്ടാക്കാന്‍ തുനിയുന്നതാണ് പരാജയത്തിന് കാരണമെന്നും ഇദ്ദേഹം പറയുന്നു.

വേദി എന്ന ചിത്രത്തില്‍ ക്ലൈമാക്‌സിന് തൊട്ടുമുന്‍പാണ് സോഫിയുടെ ഐറ്റം നമ്പര്‍ വരുന്നത്. ചിത്രത്തിലെ സിറ്റുവേഷനുമായി ഒരു തരത്തിലും യോജിക്കാത്ത ഐറ്റം നമ്പര്‍ പ്രേക്ഷകരില്‍ തണുത്ത പ്രതികരണമുണര്‍ത്തിയതില്‍ അത്ഭുതപ്പെടാനില്ല. അതുപോലെ വെല്ലൂര്‍ മാവട്ടം എന്ന ചിത്രത്തിലെ മേഘ്‌നയുടെ ഐറ്റം നമ്പറും സമാനമായ രീതിയിലാണ് ഒരുക്കിയിരിക്കുന്നത്. ഇത്തരം രംഗങ്ങള്‍ വരുമ്പോള്‍ തീയേറ്ററില്‍ നിന്ന് പ്രേക്ഷകര്‍ ഇറങ്ങിപ്പോയാല്‍ അവരെ കുറ്റം പറയാനാകില്ലെന്നും ഈ സംവിധാകന്‍ പറയുന്നു.

അടുത്ത പേജില്‍