സംഗീത അഭിസാരികയാകുന്ന ധനം

By Staff

| Published: Monday, June 16, 2008, 15:37 [IST]

രസികയെ ഓര്‍മ്മയില്ലേ. സമ്മര്‍ ഇന്‍ ബെത്‍ലഹേം, ദീപസ്തംഭം മഹാശ്ചര്യം, ഇംഗ്ലീഷ് മീഡിയം എന്നീ ചിത്രങ്ങളിലൊക്കെ അഭിനയിച്ച നായികയാണ് രസിക. വേണ്ടത്ര ശ്രദ്ധിക്കപ്പെടാത്തതു കൊണ്ടാവാം, പിന്നീട് സംഗീതയെന്ന പേരു മാറ്റിയാണ് ഇവര്‍ തമിഴില്‍ ഇപ്പോള്‍ അഭിനയിക്കുന്നത്.

അതിസുന്ദരിയായ ഒരു അഭിസാരികയുടെ വേഷത്തില്‍ സംഗീത അഭിനയിക്കുന്ന ചിത്രമാണ് ധനം. ജി ശിവ സംവിധാനം ചെയ്യുന്ന ഈ ചിത്രം സംഗീതയുടെ അഭിനയ ജീവിതത്തിലെ ഏറ്റവും ശ്രദ്ധേയമായ വേഷമായിരിക്കുമെന്ന് ഉറപ്പാണ്.

ധനലക്ഷ്മി അതിസുന്ദരിയായ ഒരു ദേവദാസിയാണ്. അമ്പലങ്ങളില്‍ നൃത്തമാടലും പുംമാനസങ്ങളെ നൃത്തമാടിക്കലും കുലത്തൊഴിലായി സ്വീകരിച്ചവരാണ് ദേവദാസിമാര്‍. ആ പരമ്പരയിലെ അവസാന കണ്ണിയാണ് ധനലക്ഷ്മി.

അതിസുന്ദരമായ ഗ്ലാമര്‍ രംഗങ്ങളാണ് ഈ ചിത്രത്തിന്റെ സവിശേഷത. മാദകത്വം വഴിഞ്ഞൊഴുകുന്ന വശ്യഭാവങ്ങളില്‍ സംഗീത പ്രത്യക്ഷപ്പെടുന്നത് പക്ഷേ, കഥയ്ക്ക് തികച്ചും അനുയോജ്യമായ രീതിയിലാണ്.

ദേവദാസീ സമ്പ്രദായത്തിന്റെ സങ്കീര്‍ണതകളും ധനലക്ഷ്മിയുടെ വ്യക്തിജീവിതത്തില്‍ ഈ പാരമ്പര്യമേല്‍പ്പിക്കുന്ന ആഘാതങ്ങളുമാണ് ധനത്തിന്റെ പ്രതിപാദ്യവിഷയം.

ആശിഷ് വിദ്യാര്‍ത്ഥി, ഗിരീഷ് കര്‍ണാട് എന്നീ പ്രമുഖ നടന്മാര്‍ വേഷമിടുന്ന ഈ ചിത്രത്തിന്റെ കഥയും തിരക്കഥയും സംവിധായകന്‍ ജീവയുടെ വകയാണ്. വാലിയുടെ വരികള്‍ക്ക് ഈണം പകരുന്നത് ഇളയരാജ.

സംഗീതയുടെ ഗ്ലാമര്‍ ചിത്രങ്ങള്‍