ത്രിഷ-വിക്രം ജോഡികള്‍ വീണ്ടും

ത്രിഷ-വിക്രം ഹിറ്റ് ജോഡികള്‍ വീണ്ടും ഒന്നിക്കുന്നു. മെഗാഹിറ്റ് ചിത്രമായ സാമിയിലും പിന്നീട് ഭീമയിലും ഒന്നിച്ച ഈ ജോഡികള്‍ മൂന്ന വര്‍ഷത്തിന് ശേഷം 3 റോസസ് ടീയുടെ പരസ്യത്തിലും പ്രത്യക്ഷപ്പെട്ടിരുന്നു.

കോളിവുഡില്‍ ഏറെ ചര്‍ച്ച ചെയ്യപ്പെട്ട വിക്രം-ത്രിഷ രസതന്ത്രം ഇപ്പോള്‍ ഒരിയ്ക്കല്‍ കൂടി ആവര്‍ത്തിയ്ക്കുകയാണ്. എന്നാലിത്തവണയും സിനിമയ്ക്ക് പകരം ഒരു പരസ്യത്തിന് വേണ്ടിയാണ് ഈ ജോഡികളുടെ സമാഗമം.

മുംബൈയില്‍ നിന്നുള്ള സംവിധായകനാണ് ഇരുവരുമൊന്നിച്ചുള്ള പരസ്യം ചിത്രീകരിച്ചത്. ചെന്നൈയില്‍ മൂന്ന് ദിവസം നീണ്ടുന്ന ഷൂട്ടിങ് വന്‍ ബജറ്റിലാണ് പൂര്‍ത്തിയാക്കിയതെന്നും സൂചനകളുണ്ട്.