»   »  ജ്യോതിക വീണ്ടും വെള്ളിത്തിരയിലേക്ക്

ജ്യോതിക വീണ്ടും വെള്ളിത്തിരയിലേക്ക്

Posted By:
Subscribe to Filmibeat Malayalam
Jyothika
വിവാഹശേഷം വീട്ടമ്മയായി ഒതുങ്ങിയ നടി ജ്യോതികയ്ക്ക് വീണ്ടും സിനിമാമോഹങ്ങള്‍. നല്ലൊരു തിരക്കഥ കിട്ടിയാല്‍ ജ്യോതിക തിരിച്ചെത്തുമെന്നാണ് കോടമ്പാക്കത്തു നിന്നുള്ള വര്‍ത്തമാനം. ഭര്‍ത്താവും സൂപ്പര്‍താരവുമായ സൂര്യയുടെ പിന്തുണയോടെയാണ് ജ്യോതിക മടങ്ങിവരവിന് ഒരുങ്ങുന്നതെന്നും അറിയുന്നു. അടുത്തിടെ നെസ്‌കഫേയുടെ പരസ്യത്തില്‍ സൂര്യയും ജ്യോതികയും ഒന്നിച്ച് പ്രത്യക്ഷപ്പെട്ടിരുന്നു.

തങ്ങള്‍ക്കിണങ്ങുന്ന നല്ലതിരക്കഥ കിട്ടിയാല്‍ ഇരുവരും ഒരുമിച്ചൊരു സിനിമയില്‍ അഭിനയിക്കാനാണ് തീരുമാനം. ചില സംവിധായകര്‍ ഇവരെ ഇതിനായി സമീപിച്ചുവെന്നും സൂചനകളുണ്ട്. ഇതോടെ കാജലിനെയും ഐശ്വര്യയെയും പോലെ ആദ്യം വീട്ടമ്മയായിരിക്കാനാണ് താല്‍പര്യമെന്നറിയിക്കുകയും പിന്നീട് അത് മാറ്റുകയുമാണ് ജ്യോതികയും.

നെസ്‌കഫേയുടെ പരസ്യത്തിന് വേണ്ടി 16 കിലോ ജ്യോതിക കുറച്ചതായി തമിഴ് മാധ്യമങ്ങള്‍ റിപ്പോര്‍ട്ട് ചെയ്തിരുന്നു. 2009ല്‍ ജയറാം നായകനായ സീതാകല്യാണമാണ് ജ്യോതികയുടെ അവസാനമായി പുറത്തുവന്ന ചിത്രം. 2007ല്‍ റിലീസ് ചെയ്ത മണികണ്ഠയാണ് ജ്യോതികയുടെ അവസാന തമിഴ് ചിത്രം.

English summary
There is a good news in store for Jyothika's fans. Yes, the actress is set to make her comeback to acting and she is waiting for right script to don the grease paint again
Please Wait while comments are loading...

Malayalam Photos

Go to : More Photos