ഗ്ലാമര്‍: രണ്ടും കല്‍പ്പിച്ച് സ്‌നേഹ

By Ajith Babu

| Published: Friday, April 22, 2011, 16:10 [IST]

സുന്ദരമായ ചിരിയാണ് സൗന്ദര്യയെ മറ്റുള്ള താരങ്ങളില്‍ നിന്നും വ്യത്യസ്തമാക്കുന്നത്. അധികം ഗ്ലാമറിനൊന്നും പോകാതെ അഭിനയശേഷി കൊണ്ട് തമിഴില്‍ ഏറെക്കാലമായി പിടിച്ചുനില്‍ക്കുന്നവരില്‍ സ്‌നേഹയും ഉള്‍പ്പെടും. പുതിയ ചിത്രമായ ഭവാനി ഐപിഎസിന് വന്‍തിരിച്ചടിയാണ് ബോക്‌സ് ഓഫീസില്‍ നേരിട്ടതെങ്കിലും അതൊന്നും നടിയെ ബാധിയ്ക്കുന്നില്ല.

ഇപ്പോള്‍ തമിഴിന് പുറമെ തെലുങ്കിലും കരുത്ത് തെളിയിക്കാനുള്ള ഒരുക്കത്തിലാണ് സ്‌നേഹ. ഇതിനായി തന്റെ ഗേള്‍ നെക്‌സ്റ്റ് ഡോര്‍ ഇമേജ് വരെ മാറ്റിമറിയ്ക്കാന്‍ സ്‌നേഹ ആലോചിയ്ക്കുന്നുണ്ടത്രേ.

ശാലീന സുന്ദരി വേഷത്തില്‍ നിന്നും ഗ്ലാമര്‍ റോളിലേക്കുള്ള ചുവടുമാറ്റം തെലുങ്കില്‍ മുന്നേറാന്‍ സഹായിക്കുമെന്നാണ് സ്‌നഹേയുടെ കണ്ടെത്തല്‍. ഗ്ലാമറിന് മുഖം തിരിയ്ക്കില്ലെന്നും വേണ്ടിവന്നാല്‍ ബിക്കിനിയിടാന്‍ വരെ തയാറാണെന്നും സ്‌നേഹ അടുത്തിടെ പറഞ്ഞിരുന്നു. എന്നാല്‍ കഥയും കഥാപാത്രവും മികച്ചതാകണമെന്ന ഡിമാന്റ് ഉപേക്ഷിയ്ക്കാന്‍ താരം അപ്പോഴും തയ്യാറല്ല.