പ്രകാശ് രാജ് പോണി വര്‍മ്മയെ വേട്ടു?

തമിഴിലെ പ്രശസ്തനായ തെന്നിന്ത്യന്‍ നടന്‍ പ്രകാശ് രാജ് വീണ്ടും വിവാഹം കഴിച്ചതായി വാര്‍ത്തകള്‍. ആദ്യ ഭാര്യ ലളിതാകുമാരിയുമായുള്ള ബന്ധം പ്രകാശ് 2009 നവംബറില്‍ ഒഴിഞ്ഞിരുന്നു.

നൃത്ത സംവിധായികയായ പോണി വര്‍മ്മയുമായി പ്രകാശ് രാജിന് അടുത്ത ബന്ധമുണ്ടെന്ന് നേരത്തേ വാര്‍ത്തകളുണ്ടായിരുന്നു. എന്നാല്‍ ഈ വാര്‍ത്ത ഇരുവരും നിഷേധിച്ചിരുന്നു. വിവാഹം കഴിഞ്ഞിട്ടില്ല, വൈകാതെ ഉണ്ടാവുമെന്നാണ് ചലച്ചിത്രലോകത്തോട് അടുപ്പമുള്ള ചിലര്‍ പറയുന്നത്. കന്നടയില്‍ പ്രകാശ് രാജ് സംവിധാനം ചെയ്യുന്ന 'നാനു നന്ന കനസു' എന്ന ചിത്രം പൂര്‍ത്തിയായ ശേഷം വിവാഹം നടത്തുമെന്നാണ് ഇവര്‍ പറയുന്നത്.

പ്രകാശ് രാജ്-ലളിതാ കുമാരി ദമ്പതിമാര്‍ക്ക് രണ്ട് പെണ്‍മക്കളാണുള്ളത്.

ഇതിനിടെ പ്രകാശ് രാജും ആന്ധ്രയിലെ പ്രജാരാജ്യം പാര്‍ട്ടിയുടെ നേതാവായ ശോഭാറാണിയുമായി വിവാഹം നടന്നതായുള്ള വാര്‍ത്തകള്‍ പ്രചരിച്ചിരുന്നു. എന്നാല്‍ ഇത് ഇരുവരും നിഷേധിച്ചിരുന്നു.