Don't Miss!
- Lifestyle മുടി കൊഴിച്ചിലും മുടിയുടെ കട്ടി കുറയുന്നതും തടയാം; ഇതാ ചില പരിഹാരമാര്ഗ്ഗങ്ങള്
- Automobiles 40 കിട്ടിയില്ലെങ്കിലും 30 കിലോമീറ്ററിനടുത്തുണ്ട്! യുകെയില് വില്ക്കുന്ന സ്വിഫ്റ്റിന്റെ മൈലേജ് അറിയാം
- News ആലത്തൂര് രമ്യക്കൊപ്പം തന്നെ? മന്ത്രി വന്നിട്ടും കാര്യമില്ല, ആ തന്ത്രം നടക്കില്ല; വോട്ടര്മാരുടെ അഭിപ്രായം
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
'ഗജിനി ചെയ്യേണ്ടിരുന്നത് ഞാൻ, പക്ഷെ ആ ഭാഗം ഇഷ്ടപ്പെട്ടില്ല'; സൂര്യയോട് മാധവൻ
തമിഴ് സിനിമയിലെ എവർഗ്രീൻ വിഭാഗത്തിലുൾപ്പെടുത്താവുന്ന ഹിറ്റ് ചിത്രമാണ് ഗജിനി. റിലീസ് ചെയ്ത വർഷങ്ങൾക്കിപ്പുറം സിനിമ ഇന്നും പ്രേക്ഷക മനസ്സിൽ നിലനിൽക്കുകയാണ്. നടൻ സൂര്യ, അസിൻ, നയൻതാര തുടങ്ങിയ താരങ്ങൾ മികച്ച പ്രകടനം കാഴ്ച വെച്ച ചിത്രം മൂവരുടെയും കരിയറിലെ വഴിത്തിരിവുമായി.
ചിത്രം ബോളിവുഡിൽ ആമിർഖാൻെ നായകനായി റീമേക്ക് ചെയ്യപ്പെടുകയും അതും വമ്പൻ ഹിറ്റാവുകയും ചെയ്തു. തമിഴ് പതിപ്പിലെ നായിക അസിൻ തന്നെയായിരുന്നു ഹിന്ദി പതിപ്പിലെയും നായിക. അസിൻ ചിത്രത്തിലൂടെ ബോളിവുഡിൽ ചുവടുറപ്പിക്കുകയും പിന്നീട് നിരവധി ഹിറ്റ് ബോളിവുഡ് ചിത്രങ്ങളിലെ നായികയാവുകയും ചെയ്തു.
തമിഴിൽ നായക കഥാപാത്രത്തെ അവതരിപ്പിച്ച സൂര്യക്കാവാട്ടെ തെന്നിന്ത്യയിൽ താരമൂല്യം കുത്തനെ കൂടി. എന്നാൽ യഥാർത്ഥത്തിൽ സൂര്യയെയായിരുന്നില്ല ഗജിനിയിലെ വേഷം അവതരിപ്പിക്കാൻ സംവിധായകൻ എആർ മുരുഗദോസ് ആദ്യം പരിഗണിച്ചത്. നടൻ മാധവനെയായിരുന്നു. മാധവൻ തന്നെയാണ് ഇക്കാര്യം തുറന്നു പറഞ്ഞത്. അതും സൂര്യയോടൊപ്പം ഇൻസ്റ്റഗ്രാം ലൈവ് സംഭാഷണത്തിനിടെ.
തിരക്കഥയിലെ രണ്ടാം പകുതി ഇഷ്ടപ്പെടാത്തത് മൂലമാണ് ഗജിനി വേണ്ടെന്ന് വെച്ചതെന്നാണ് മാധവൻ പറയുന്നത്.
'എനിക്ക് സിനിമയുടെ കഥ ഇഷ്ടപ്പെടാത്തത് മൂലമാണ് നിരസിച്ചത്. കഥയുടെ രണ്ടാം പകുതി തനിക്ക് കണക്ട് ചെയ്യാൻ പറ്റുന്നില്ലെന്ന് എആർ മുരുഗദോസ് സാറോട് പറഞ്ഞിരുന്നു. ആ കഥ പിന്നീട് നിങ്ങളിലേക്ക് (സൂര്യ) എത്തുകയും നിങ്ങളെ സിനിമയിൽ കണ്ടപ്പോൾ ഞാൻ വളരെ സന്തോഷിക്കുകയും ചെയ്തു. നേരത്തെ കാഖ കാഖയിൽ നിങ്ങളുടെ പ്രകടനം ഞാൻ കണ്ടിരുന്നു'
'ഗജിനിയിലെ കഥാപാത്രം അനുയോജ്യനായ ആളിലേക്കാണ് എത്തിയതെന്ന് എനിക്ക് തോന്നിയിരുന്നു. അത് നിങ്ങൾ തെളിയിക്കുകയും ചെയ്തു. ഗജിനിയുടെ വിജയം വലിയ കാര്യമായിരുന്നു. ആ കഥാപാത്രത്തിന് വേണ്ടിയും സിക്സ് പാക്ക് ആബ്സിന് വേണ്ടിയും നിങ്ങളെടുത്ത അധ്വാനം ഞാൻ കണ്ടു. എനിക്കിത് പോലെ ചെയ്യാൻ കഴിയുമായിരുന്നോയെന്ന് അന്ന് ഞാൻ അത്ഭുതപ്പെട്ടിരുന്നു,' മാധവൻ സൂര്യയോട് പറഞ്ഞു.
ഗജിനിക്ക് വേണ്ടി സൂര്യ നടത്തിയ തയ്യാറെടുപ്പുകളെയും മാധവൻ പ്രശംസിച്ചു. ഗജിനിയിൽ വേണ്ട ശരീര വടിവിന് വേണ്ടി സൂര്യ ഒരാഴ്ച ഉപ്പു കഴിക്കാതിരുന്നത് മാധവൻ ചൂണ്ടിക്കാട്ടി. സൂര്യയുടെ ഇത്ര വലിയ ആത്മാർത്ഥത ഞാൻ നല്ല ആക്ടറല്ലെന്ന തോന്നൽ തനിക്കുണ്ടാക്കിയെന്നും മാധവൻ തുറന്നു പറഞ്ഞു.
'ചെയ്യുന്ന ജോലിയെക്കുറിച്ച് ഞാൻ സ്വയം ചോദിക്കാൻ തുടങ്ങി. നിങ്ങൾ റോളിനായി എത്ര മാത്രം പരിശ്രമവും കഠിനാധ്വാനവും ചെയ്യുന്നു എന്നത് എന്നെ ബാധിച്ചു. കരിയറിനോടും സിനിമയോടും വേണ്ടത്ര നീതി പുലർത്തുന്നില്ലെന്ന് എനിക്ക് ശരിക്കും തോന്നി. അതിന് ശേഷമാണ് ഞാൻ നിങ്ങൾക്ക് നൽകിയ ഉപദേശം സ്വയം പ്രയോഗിക്കാൻ തുടങ്ങിയത്. ഞാൻ നിങ്ങളെ ഉദാഹരണമായി ഉപയോഗിച്ചു,' മാധവൻ പറഞ്ഞു.
റോക്കട്രി ആണ് മാധവന്റെ ഏറ്റവും പുതിയ സിനിമ. ചിത്രത്തിന്റെ സംവിധാനവും നടൻ തന്നെയായിരുന്നു. ഐഎസ്ആർഒ ശാസ്ത്രഞ്ജനായിരുന്ന നമ്പി നാരായണന്റെ കഥയാണ് ചിത്രത്തിന്റെ പ്രമേയം. മാധവൻ ആദ്യമായി സംവിധാനം ചെയ്യുന്ന ചിത്രമാണിത്.
Recommended Video
ചിത്രത്തിൽ നമ്പി നാരായണന്റെ വേഷം അവതരിപ്പിച്ചതും മാധവനാണ്. അതേസമയം ജയ് ഭീം, സുരൈരെ പോട്ര് എന്നീ ചിത്രങ്ങളുടെ വിജയത്തിളക്കത്തിന് ശേഷം പുതിയൊരു നേട്ടത്തിൽ നിൽക്കുകയാണ് നടൻ സൂര്യ. ഓസ്കാർ കമ്മിറ്റിയിലേക്ക് ഇന്ത്യയിൽ നിന്നും ക്ഷണിക്കപ്പെട്ടവരുടെ പട്ടികയിൽ സൂര്യയും ഉൾപ്പെട്ടിട്ടുണ്ട്. ക്ഷണം സൂര്യ സ്വീകരിച്ചിട്ടുമുണ്ട്.
-
കുടുംബിനിയായത് കരിയറിനെ ബാധിക്കുന്നു?; പ്രതിഫലത്തിൽ നയൻതാരയെ പിന്തള്ളാൻ തൃഷ; റിപ്പോർട്ട്
-
'അവരുടെ ഭർത്താവ് പറഞ്ഞപ്പോഴാണ് മകനുണ്ടെന്ന് അറിഞ്ഞത്; വിവാഹം കഴിക്കാനിരുന്ന പെൺകുട്ടിയോട് സൂചിപ്പിച്ചിരുന്നു'
-
'ജാൻമണി ഞാനുമായി ലവ് ട്രാക്ക് പിടിക്കുകയാണെന്ന് കരുതി, ആരും തിരിച്ച് വിളിച്ചില്ല, അവർ എന്ത് കാണിച്ചാലും ഉണ്ട'