തന്റെ കടമ ഇതല്ല, വനിതയോട് പരസ്യമായി മാപ്പ് പറഞ്ഞ് ലക്ഷ്മി രാമകൃഷ്ണൻ , പിന്നീട് താരം ചെയ്തത്

താരങ്ങളായ വനിതയും ലക്ഷ്മി രാമകൃഷ്ണനും തമ്മിലുള്ള ട്വീറ്റ് സോഷ്യൽ മീഡിയയിൽ മാത്രമല്ല കോളിവുഡിലും വലിയ ചർച്ച വിഷയമായിരുന്നു. അടുത്ത ബന്ധമുള്ള ഇവർ സോഷ്യൽ മീഡിയയിലൂടെ പരസ്പരം പോരടിച്ചത് പ്രേക്ഷകരെ അക്ഷരം പ്രതി ഞെട്ടിക്കുകയായിരുന്നു. ഇപ്പോഴിത വനിതയോട് മാപ്പ് പറഞ്ഞ് ലക്ഷമി രംഗത്തെത്തിയിരിക്കുകയാണ്. കൂടാതെ ട്വീറ്റുകളും ഡിലീറ്റ് ചെയ്തതായി താരം അറിയിച്ചു. ''വനിതയുടെ വിഷയത്തി ഞാൻ ഇടപെടാൻ പാടില്ലായിരുന്നു. നിങ്ങളുടെ അനുവാദത്തോടെ ഇതുമായി ബന്ധപ്പെട്ട എല്ലാ ട്വീറ്റും ഞാൻ ഡിലീറ്റ് ചെയ്തു. നിങ്ങൾ പറഞ്ഞതുപോലെ, പാവപ്പെട്ട കുട്ടികൾക്കായി ശബ്ദമുയർത്തുന്നതാണ് എന്റെ കടമ. അത് ഞാൻ ചെയ്യുമെന്നും ലക്ഷ്മി സോഷ്യൽ മീഡിയയിൽ കുറിച്ചു''.

Recommended Video

CBI 5 will be Mammootty’s first film after lockdown: SN Swamy | FilmiBeat Malayalam

വിവാഹ വാർത്ത അറിഞ്ഞതിന് ശേഷമുളള ലക്ഷ്മിയുടെ ആദ്യ പ്രതികരണം വൈറലായിരുന്നു. ഞാൻ വിവാഹ വാർത്ത കണ്ടു. ഇയാൾ വിവാഹിതനും രണ്ട് കുട്ടികളുടെ പിതാവുമാണ്. കൂടാതെ ഇതുവരെ വിവാഹ മോചനവും നേടിയിട്ടില്ല. വിദ്യാഭ്യാസവും എക്സ്പോഷറുമുള്ള ഒരാൾക്ക് എങ്ങനെ ഇത്തരം മണ്ടത്തരം ചെയ്യാൻ കഴിയും? ശരിക്കും ഞാൻ ഞെട്ടിപ്പോയി ലക്ഷ്മി ട്വീറ്റ് ചെയ്തു. ഇവരുടെ വിവാഹം കഴിയുന്നത് വരെ പീറ്ററിന്റെ ഭാര്യ എന്തുകൊണ്ട് കാത്തിരുന്നു. എന്ത് കൊണ്ടാണ് ഇത് നിർത്താതിരുന്നതെന്നും ലക്ഷ്മി ചോദിക്കുന്നുണ്ട്.

നിരവധി ദുഷ്കരമായ അവസ്ഥയിലൂടെയാണ് അവൾ കടന്ന് വന്നത്. ഈ ബന്ധത്തിലെങ്കിലും എല്ലാം ശരിയാകുമെന്ന് ഞാൻ പ്രതീക്ഷിച്ചിരുന്നു. എല്ലാവരും അവളുടെ സന്തോഷമാണ് ആഗ്രഹിച്ചത്. എന്നാൽ അവൾ മാത്രം അങ്ങനെ ആഗ്രഹിച്ചിരുന്നില്ല. ലക്ഷ്മിയുടെ ട്വീറ്റ് പ്രത്യക്ഷപ്പെട്ടതിന് പിന്നാലെ മറുപടിയുമായി വനിത എത്തുകയായിരുന്നു. ലക്ഷ്മിയ്ക്കും നടിയുടെ ഷോയ്ക്കും എതിരെ രൂക്ഷ വിമർശനമായിരുന്നു വനിത ഉന്നയിച്ചത്.

തന്റെ ജീവിതത്തിലെ പ്രശ്നങ്ങൾ പരിഹരിക്കാൻ അറിയാമെന്നും ആരുടേയും സാഹായം ആവശ്യമില്ലെന്നുമായിരുന്നു വനിത പറഞ്ഞു .. ഇത് ഒരു പൊതുപ്രശ്നമല്ല. ദയവ് ചെയ്ത് ഇക്കാര്യത്തിൽ നിങ്ങൾ നിശബ്ദത പാലിക്കണം. ഇത് നിങ്ങളുടെ ഷോയല്ല. ഇപ്പോഴത്തെ സാഹചര്യം നിങ്ങളുടെ ഷോയുടെ പ്രചരണത്തിനായി ഉപയോഗിക്കരുതെന്നും വനിത ട്വീറ്റ് ചെയ്തു. ഇതിന് പിന്നാലെയാണ് മാപ്പ് പറഞ്ഞ് താരം ട്വീറ്റ് ഡിലീറ്റ് ചെയ്തത്.