തനിക്ക് ഇഷ്ടമുള്ള ആൺകുട്ടികൾ...വിവാഹ വാർത്തകൾക്ക് മറുപടിയുമായി തൃഷ, ചിത്രം വൈറലാകുന്നു

ഏറ്റവും കൂടുതൽ ഫോളോവേഴ്സുള്ള താരമാണ് തൃഷ കൃഷ്ണ. ലോക്ക് ഡൗണിന് ശേഷമാണ് നടി സമൂഹമാധ്യമങ്ങളിൽ സജീവമാകാൻ തുടങ്ങിയത്. ഇൻസ്റ്റഗ്രാമിൽ 2.8 മില്യൺ ഫോളോവേഴ്സുണ്ട്. ഇപ്പോൾ സോഷ്യൽ മീഡിയയിൽ വൈറലാകുന്നത് നടി പങ്കുവെച്ച ഇൻസ്റ്റഗ്രാം സ്റ്റോറിയാണ്. വിവാഹ ഗോസിപ്പുകൾക്ക് നടി നൽകുന്ന മറുപടിയാണ് ഇതെന്നാണ് ആരാധകരുടെ ഭാഷ്യ.

വളർത്തു നായയുടെ ചിത്രമാണ് നടി ഇൻസ്റ്റഗ്രാം സ്റ്റോറിയായി പങ്കുവവെച്ചിരിക്കുന്നത്. ''വൈകാരികമായ അടുപ്പമുള്ളതും നാല് കാലുള്ളതുമായ ആണ്‍കുട്ടികളെയാണ് തനിക്ക് ഇഷ്ടമെന്ന് കുറിച്ച് കൊണ്ടാണ് ചിത്രം പങ്കുവെച്ചിരിക്കുന്നത്. നടിയുടെ ചിത്രവും കുറിപ്പും സോഷ്യൽ മീഡിയയിൽ വൈറലായിട്ടുണ്ട്. ഇതിനും മുൻപും തൃഷയുടെ ഇൻസ്റ്റഗ്രാമിൽ വളർത്തു നായയുടെ ഇടം പിടിച്ചിട്ടുണ്ട്.

ഗോസിപ്പ് കോളങ്ങളിൽ സജീവ സാന്നിധ്യമാണ് തൃഷ. നടിയുടെ വിവാഹത്തെ കുറിച്ചുള്ള നിരവധി വാർത്തകളാണ് സമൂഹമാധ്യമങ്ങളിൽ ദിനംപ്രതി പ്രചരിക്കുന്നത്. എന്നാൽ ഇത്തരത്തിലുളള വാർത്തകൾക്കൊന്നും തൃഷ അധികം ചെവി നൽകാറില്ല. 2015 ൽ വിവാഹ നിശ്ചയം വരെ കഴിഞ്ഞിരുന്നു. എന്നാൽ അത് പിന്നീട് ഉപേക്ഷിക്കുകയായിരുന്നു. മുൻപ് ഒരിക്കൽ ഒരു മാധ്യമത്തിന് നൽകിയ അഭിമുഖത്തിൽ നടി വിവാഹത്തെ കുറിച്ചുള്ള കാഴ്ചപ്പാട് പങ്കുവെച്ചിരുന്നു. ''എന്നെ പ്രത്യേകമായി മനസിലാക്കുന്നൊരാള്‍ക്ക് വേണ്ടിയാണ് ഞാന്‍ കാത്തിരിക്കുന്നത്. അതൊരു പ്രണയ വിവാഹമായിരിക്കും. എന്റെ സ്വപ്‌നത്തിലുള്ള ആളെ കണ്ടുമുട്ടുന്നില്ലെങ്കില്‍ അതുവരെ അവിവാഹിതയായി തുടരുന്നതിനും തനിക്ക് പ്രശ്‌നമൊന്നുമില്ലെന്നാണ് തൃഷ പറഞ്ഞത്''. തെന്നിന്ത്യൻ താരം റാണയുമായി തൃഷ പ്രണയത്തിലായിരുന്നു. എന്നാൽ പിന്നീട് ഇരുവരും ബ്രേക്കപ്പ് ആകുകയായിരുന്നു.

Recommended Video

ആരാധകര്‍ കാത്തിരുന്ന മറുപടിയുമായി തൃഷ | Filmibeat Malayalam

ഒരു ചെറിയ ഇടവളയ്ക്ക് ശേഷം തൃഷ വീണ്ടും സിനിമയിൽ സജീവമായിരിക്കുകയാണ്. 2016 ന് ശേഷം ഒരു വർഷക്കാലം നടി സിനിമയിൽ നിന്ന് മാറി നിന്നിരുന്നു. ഇടവേളയ്ക്ക് ശേഷം പുറത്ത് ഇറങ്ങിയ നടിയുടെ ചിത്രം 96 വൻ വിജയമായിരുന്നു. 2018 ൽ പുറത്ത് ഇറങ്ങിയ വിജയ് സേതുപതി തൃഷ കൂട്ട്കെട്ടിൽ പിറന്ന ചിത്രം ഇന്നും പ്രേക്ഷകരുടെ ഇടയിൽ ചർച്ചാ വിഷയമാണ്. പരമപതം വിളയാട്ടാണ് നടിയുടെ ഏറ്റവും ഒടുവിൽ പുറത്ത് വന്ന ചിത്രം. ഹോട്ട്സ്റ്റാറിലായിരുന്നു സിനിമ റിലീസ് ചെയ്തത്. പൊന്നിയിന്‍ സെല്‍വന്‍, ഗര്‍ജ്ജനൈ, സതുരംഗ വേട്ടൈ 2, രാണ്‍ഗി എന്നിവയാണ് തൃഷയുടേതായ അണിയറയിൽ ഒരുങ്ങുന്ന ചിത്രം.