For Quick Alerts
    ALLOW NOTIFICATIONS  
    For Daily Alerts

    വിവാഹമോചനത്തിന് പിന്നാലെ മറ്റൊരു സന്തോഷം; 25 വര്‍ഷങ്ങള്‍ക്ക് ശേഷം നായികയാവാനൊരുങ്ങി വനിത

    |

    തമിഴിലെ മുതിര്‍ന്ന നടന്‍ വിജയ്കുമാറിന്റെ മകളായ വനിത വിജയ്കുമാറിന്റെ ദാമ്പത്യ ജീവിതവുമായി ബന്ധപ്പെട്ട വാര്‍ത്തകളായിരുന്നു ഈ കാലയളവില്‍ വൈറലായി മാറിയത്. സംവിധായകനായ പീറ്റര്‍ പോളിനെയാണ് നാലാമതും വനിത വിവാഹം കഴിച്ചത്. ഇത് വലിയ വിവാദങ്ങള്‍ സൃഷ്ടിച്ചെങ്കിലും മാസങ്ങള്‍ക്കുള്ളില്‍ ഇരുവരും വേര്‍പിരിഞ്ഞു. ഇപ്പോള്‍ രണ്ട് പെണ്‍മക്കള്‍ക്കൊപ്പം സന്തോഷത്തോടെ കഴിയുകയാണ് നടി.

    1995 ല്‍ കൗമാര പ്രായത്തില്‍ ദളപതി വിജയിയുടെ നായികയായിട്ടാണ് വനിത വെള്ളിത്തിരയിലെത്തുന്നത്. ചന്ദ്രലേഖ എന്ന ചിത്രത്തില്‍ നായികയായി അഭിനയിച്ചതിന് പിന്നാലെ നടന്‍ ആകാശുമായി വിവാഹിതയായി. വിവാഹശേഷം അഭിനയത്തില്‍ നിന്നും മാറി നിന്നെങ്കിലും മറ്റ് പല മേഖലകളിലായി വനിത നിറഞ്ഞ് നിന്നിരുന്നു.

    vanitha-peter

    ഇപ്പോള്‍ പുറത്ത് വരുന്ന റിപ്പോര്‍ട്ടുകള്‍ പ്രകാരം 25 വര്‍ഷങ്ങള്‍ക്ക് ശേഷം വനിത വീണ്ടും നായികയാവുന്നു എന്നാണ് അറിയുന്നത്. സ്ത്രീ കേന്ദ്രീകൃതമായി ഒരുക്കുന്ന ചിത്രത്തിലാണ് പ്രധാനപ്പെട്ടൊരു വേഷത്തിതല്‍ വനിതയും അഭിനയിക്കുന്നതെന്നാണ് അറിയുന്നത്. ആദം ദസന്‍ ആണ് സംവിധാനം ചെയ്യുന്നത്. പാമ്പു സട്ടൈ എന്ന ചിത്രമൊരുക്കിയാണ് ആദം ശ്രദ്ധേയനാവുന്നത്. വനിതയ്‌ക്കൊപ്പമുള്ള പുതിയ ചിത്രത്തെ കുറിച്ചുള്ള കൂടുതല്‍ വിവരങ്ങള്‍ വൈകാതെ പുറത്ത് വരുമെന്നാണ് പ്രതീക്ഷിക്കുന്നത്.

    ഇക്കഴിഞ്ഞ ജൂണ്‍ 27 നായിരുന്നു വനിത വിജയ്കുമാറും പീറ്റര്‍ പോളും തമ്മിലുള്ള വിവാഹം ചെന്നൈയില്‍ വച്ച് നടക്കുന്നത്. ആദ്യഭാര്യയില്‍ നിന്നും വിവാഹമോചനം നേടാതെയുള്ള പീറ്ററിന്റെ രണ്ടാം വിവാഹം വലിയ പ്രശ്‌നങ്ങള്‍ക്ക് കാരണമായി. എന്നാല്‍ നാല് മാസം പോലും പൂര്‍ത്തിയാവുന്നതിന് മുന്‍പ് വനിതയുമായുള്ള ബന്ധം അവസാനിപ്പിച്ച് പീറ്റര്‍ ആദ്യ ഭാര്യയുടെ അടുത്തേക്ക് തന്നെ പോവുകയായിരുന്നു.

    Read more about: vanitha വനിത
    English summary
    After Break-up With Husband Peter Paul Vanitha Vijayakumar Is Returning To Movies As Heroine
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X