നിശ്ചയം കഴിഞ്ഞിട്ടും മുടങ്ങിയ നടന്‍ വിശാലിന്റെ വിവാഹം; താന്‍ വീണ്ടും പ്രണയത്തിലാണെന്ന് വെളിപ്പെടുത്തി വിശാല്‍

അനീഷ അല്ല റെഡ്ഡിയും വിശാലും 2018 ലാണ് വിവാഹനിശ്ചയം നടത്തുന്നത്. ഹൈദരാബാദില്‍ ബിസിനസുകാരനായ വിജയ് റെഡ്ഡിയുടെയും പത്മജയുടെയും മകളായ അനീഷ ചില സിനിമകളില്‍ അഭിനയിച്ചിട്ടുണ്ട്. വിശാലിന്റെ വിവാഹനിശ്ചയ ചിത്രങ്ങള്‍ സോഷ്യല്‍ മീഡിയയിലൂടെ പ്രചരിച്ചതോടെയാണ് ഇരുവരുടെയും പ്രണയകഥ ചര്‍ച്ചയായത്. എന്നാല്‍ നിശ്ചയം കഴിഞ്ഞ് ആറ് മാസത്തിനുള്ളില്‍ താരങ്ങള്‍ ബന്ധം ഉപേക്ഷിച്ചു. ഇന്നും അതിന്റെ കാരണം വ്യക്തമല്ല.

ഇതിനെ പറ്റി പല കഥകളും പ്രചരിച്ചിരുന്നു. അതില്‍ പ്രധാനം നടി വരലക്ഷ്മി ശരത് കുമാറും വിശാലും ഇഷ്ടത്തിലാണെന്നുള്ള കഥയാണ്. അതും സത്യമല്ലെന്ന് മനസിലായി. ഇതിനിടെ മറ്റൊരു പ്ര്ശ്‌നം കൂടി ഉയര്‍ന്ന് വന്നു. തമിഴിലെ നടന്മാര്‍ക്ക് വേണ്ടിയുള്ള നടികര്‍ സംഘത്തിന്റെ സെക്രട്ടറിയാണ് വിശാല്‍.

മാത്രമല്ല നടികര്‍ സംഘത്തിന് വേണ്ടിയുള്ള കെട്ടിടത്തിന്റെ പണി പൂര്‍ത്തിയായ ശേഷമേ വിവാഹം കഴിക്കൂ എന്നൊരു പ്രതിജ്ഞ കൂടി താരം എടുത്തിരുന്നു. സാമ്പത്തിക പ്രശ്‌നവും കോടതി കേസുകളും കൊറോണ വൈറസ് വന്നതും കൂടി ആയതോടെ കെട്ടിടത്തിന്റെ നിര്‍മാണം സ്തംഭിച്ചിരിക്കുകയാണ്.

എന്തായാലും അറേഞ്ച്ഡ് മ്യാരേജ് തനിക്ക് ശരിയാവില്ലെന്നാണ് അടുത്തിടെ ഒരു അഭിമുഖത്തില്‍ വിശാല്‍ അറിയിച്ചിരിക്കുന്നത്. 'വീട്ടുകാര്‍ തീരുമാനിച്ച് ഉറപ്പിക്കുന്ന വിവാഹം എനിക്ക് ഗുണം ചെയ്യുമെന്ന് വിശ്വസിക്കുന്നില്ല. മാത്രമല്ല താനൊരു പെണ്‍കുട്ടിയുമായി പ്രണയത്തിലാണ്. വൈകാതെ അവളാരാണെന്നുള്ള കാര്യം താന്‍ വെളിപ്പെടുത്താമെന്നും' വിശാല്‍ വ്യക്തമാക്കി. ഇതോടെ അതാരാണെന്ന് കണ്ടെത്താനുള്ള ശ്രമത്തിലാണ് ആരാധകര്‍.

Recommended Video

Bigg Boss Interview | യഥാർത്ഥ ബിഗ്‌ബോസ് ഇവിടുണ്ട്.. ഇഷ്ടം റോബിനെയോ ജാസ്മിനെയോ? | *BiggBoss

വീരമേ വാഗൈ സൂടും എന്ന സിനിമയാണ് വിശാലിന്റേതായി ഈ വര്‍ഷം റിലീസിനെത്തിയത്. ഇനി ലാത്തി എന്നൊരു സിനിമ റിലീസിനൊരുങ്ങുകയാണ്. ഈ ചിത്രത്തില്‍ പോലീസ് ഓഫീസറുടെ വേഷത്തിലാണ് വിശാല്‍ അഭിനയിക്കുന്നത്. അതിന് പിന്നാലെ വിശാല്‍ നിര്‍മ്മിച്ച് സംവിധാനം ചെയ്യുന്ന തുപ്പരിവാളന്‍ 2 എന്ന സിനിമയുടെ ചിത്രീകരണം പുരോഗമിച്ച് കൊണ്ടിരിക്കുകയാണ്. മാര്‍ക്ക് ആന്റണിയാണ് നടന്റെ മറ്റൊരു സിനിമ.