വിവാഹമോചനം കഴിഞ്ഞിട്ട് മാസങ്ങളായി; ധനുഷും മുന്‍ഭാര്യ ഐശ്വര്യയും രഹസ്യമായി കാണാനെത്തി! കാരണമിത്

അടുത്തിടെ ഐശ്വര്യ രജനികാന്ത് 'പയനി' എന്നൊരു ആല്‍ബം പുറത്തിറക്കിയിരുന്നു. ഇത് കണ്ട ധനുഷ് മുന്‍ഭാര്യയ്ക്ക് ആശംസകള്‍ അറിയിക്കുകയും അവള്‍ തന്റെ നല്ല സുഹൃത്താണെന്ന് പറഞ്ഞ് സോഷ്യല്‍ മീഡിയിയല്‍ പോസ്റ്റ് ചെയ്യുകയും ചെയ്തു.

എന്നാല്‍ ഐശ്വര്യ ആല്‍ബം സംവിധാനം ചെയ്യുന്നതിനും ധനഷ് വാതി എന്ന സിനിമയിലും അഭിനയിക്കാന്‍ ഹൈദരബാദില്‍ ഒരുമിച്ച് എത്തിയിരുന്നു. പക്ഷേ രണ്ടാളും തമ്മില്‍ കാണാനോ സംസാരിക്കാനോ നിന്നിട്ടില്ലെന്നാണ് റിപ്പോര്‍ട്ടുകള്‍. എന്നാലിപ്പോള്‍ ഇരുവരും രഹസ്യമായി കണ്ടുമുട്ടിയെന്നാണ് പുതിയ അഭ്യൂഹം.

വിവാഹമോചനത്തിന് മുന്‍പ് ആര്യാപുരത്ത് ഉള്ള ഫ്‌ളാറ്റിലായിരുന്നു ധനുഷും ഐശ്വര്യയും താമസിച്ചിരുന്നത്. ബന്ധം വേര്‍പ്പെടുത്തിയതോടെ താമസം രണ്ടിടങ്ങളിലേക്ക് മാറ്റി. എന്നാല്‍ അടുത്തിടെയായി താരങ്ങള്‍ ഫ്‌ളാറ്റിലേക്ക് വരുന്നതായിട്ടാണ് പറയപ്പെടുന്നത്.

ഈ വാര്‍ത്ത കാട്ടുതീ പോലെ പടര്‍ന്നുയ ഇതോടെ വീണ്ടും ഒന്നിക്കാനാണോ എന്ന ചോദ്യവും വന്നു. എന്നാല്‍ മക്കളുടെ ആവശ്യങ്ങള്‍ക്ക് വേണ്ടി താരങ്ങള്‍ എത്തിയത് ആയിരിക്കുമെന്നാണ് ആരാധകരുടെ അഭിപ്രായം.

അച്ഛനും അമ്മയും രണ്ടിടങ്ങളിലാണ് താമസമെങ്കിലും മക്കളുടെ ഒരു കാര്യത്തിലും വീഴ്ച വരുത്തില്ലെന്ന് വിവാഹമോചന സമയത്ത് താരങ്ങള്‍ പറഞ്ഞിരുന്നു. അതിന് വേണ്ടി പരസ്പരം ഒരുമിച്ച് എത്തുമെന്നും ധനുഷും ഐശ്വര്യയും സൂചിപ്പിച്ചു. ഇപ്പോള്‍ പ്രചരിക്കുന്നത് പോലെ രണ്ടാളും ഫ്‌ളാറ്റിലേക്ക് വരുന്നതൊക്കെ മക്കളുടെ കാര്യങ്ങള്‍ക്ക് വേണ്ടിയാവുമെന്നും ചിലര്‍ പറയുന്നു. എന്തായാലും മാനസികമായി വലിയ അകല്‍ച്ച രണ്ടാള്‍ക്കിടയിലും ഇല്ലെന്നാണ് ആരാധകരുടെ നിഗമനം.

Recommended Video

Dhanush, Wife Aishwaryaa Separate After 18 Years Of Togetherness | FilmiBeat Malayalam

മുന്‍പ് പല താരങ്ങളും വേര്‍പിരിയുന്നതോടെ ശത്രുക്കളെ പോലെയാവാറുണ്ട്. മക്കളുടെ കാര്യം പോലും തിരിഞ്ഞ് നോക്കാത്തതാണ് പതിവ്. എന്നാല്‍ ഐശ്വര്യയുടെ അസാന്നിധ്യത്തില്‍ ധനുഷും ധനുഷ് ഇല്ലാത്തപ്പോള്‍ ഐശ്വര്യയും മക്കളുടെ കൂടെയുണ്ടാവും. പിരിയുന്നതിന് മുന്‍പേ എടുത്ത തീരുമാനങ്ങളില്‍ പ്രധാനപ്പെട്ടത് ഇതാണെന്നാണ് താരങ്ങള്‍ മുന്‍പ് പറഞ്ഞിട്ടുള്ളത്.