ധനുഷും ഐശ്വര്യയും ചുംബിക്കുകയോ ഒരുമിക്കുകയോ ചെയ്തില്ല; വേര്‍പിരിഞ്ഞവര്‍ ഒന്നിച്ചെന്ന വാര്‍ത്തയിലെ സത്യമിങ്ങനെ

വിവാഹബന്ധം വേര്‍പ്പെടുത്തിയിട്ട് ഒന്‍പത് മാസത്തോളമായി. ഇതിന് പിന്നാലെയാണ് ധനുഷും ഐശ്വര്യയും ഒന്നിക്കുകയാണെന്ന തരത്തില്‍ പ്രചരണം ഉണ്ടാവുന്നത്. മക്കള്‍ക്ക് വേണ്ടി വീണ്ടും ഒരുമിക്കാന്‍ താരങ്ങള്‍ തീരുമാനിച്ചതാണെന്നും അതുകൊണ്ട് ഡിവോഴ്‌സ് പിന്‍വലിച്ചെന്നുമൊക്കെയാണ് പ്രചരിച്ചത്. കേട്ടവരെല്ലാം എന്ത് വിഡ്ഢിത്തമാണ് താരങ്ങള്‍ നടത്തിയതെന്ന് പറഞ്ഞ് തുടങ്ങി. ഇത്തരം വാര്‍ത്തകള്‍ വലിയ ചര്‍ച്ചയായി തുടങ്ങിയതോടെയാണ് സത്യത്തില്‍ എന്താണ് നടക്കുന്നതെന്ന് പരിശോധിക്കപ്പെടുന്നത്.

Also Read: ഷാരൂഖിൻ്റെ വീട്ടിലെ രാത്രി പാര്‍ട്ടിയിൽ പുലർച്ചെ മൂന്നിന് ഭക്ഷണം കിട്ടും; നടൻ്റെ പെരുമാറ്റത്തെ കുറിച്ച് റിതേഷ്

ധനുഷും ഐശ്വര്യയും അനുരഞ്ജനപ്പെട്ട് പഴയത് പോലെ ജീവിക്കാന്‍ തീരുമാനിച്ചിട്ടില്ല. രണ്ടാളും വേര്‍പിരിഞ്ഞ് തന്നെയാണ് കഴിയുന്നത്. വേര്‍പിരിയുകയാണെന്ന തീരുമാനത്തില്‍ ഇപ്പോഴും അവര്‍ ഉറച്ച് നില്‍ക്കുകയാണ്. ഓദ്യോഗികമായിട്ടുള്ള വിവാഹമോചനം നടന്നോ അതോ ഇനി എന്നാണ് നടക്കുന്നത് എന്ന് മാത്രമേ അറിയാനുള്ളു. എന്തായാലും താരങ്ങളുടെ ബന്ധം കൂടിചേര്‍ന്നെന്ന വാര്‍ത്തയിലൊരു വസ്തുതയും ഇല്ലെന്ന് തന്നെയാണ് ഇടൈംസ് പുറത്ത് വിട്ട റിപ്പോര്‍ട്ടില്‍ പറയുന്നത്.

Also Read: മോഹന്‍ലാലിനെയും കൂട്ടുകാരെയും സെറ്റില്‍ നിന്നും ഇറക്കി വിട്ടു; ആ വാശിയ്ക്ക് അവരൊരു സിനിമ ചെയ്‌തെന്ന് സംവിധായകൻ

മക്കളുടെ കാര്യത്തില്‍ മാത്രമാണ് ഇരുവരും വിട്ടുവീഴ്ചയ്ക്ക് തയ്യാറായിരിക്കുന്നത്. മക്കള്‍ക്ക് രക്ഷിതാക്കളെ ഒരുമിച്ച് വേണമെന്നുള്ള ആവശ്യത്തില്‍ നിന്നും ധനുഷോ ഐശ്വര്യയോ പിന്നോട്ട് മാറിയിട്ടില്ല. നിലവില്‍ താരങ്ങളുടെ ജോലിയുടെ ഷെഡ്യൂള്‍ അനുസരിച്ച് ഇരുവരും മക്കളെ നോക്കുന്നത് ക്രമീകരിക്കുകയാണ് ചെയ്യുന്നത്. മക്കളെ അസ്വസ്ഥരാക്കാതെ കാര്യങ്ങള്‍ കൃത്യമായി ചെയ്യുന്നതിന് എല്ലാ തയ്യാറെടുപ്പുകളും നടത്തി കഴിഞ്ഞു.

Also Read: അത് കാളിദാസിന്റെ പെണ്ണ് തന്നെയായിരുന്നോ? തരിണിയുടെ കൂടെ ഹോളിഡേ ആഘോഷിക്കുന്ന താരപുത്രന്റെ ചിത്രം വൈറല്‍

എന്നാല്‍ ഫാന്‍സ് ഗ്രൂപ്പുകളിലൂടെ ധനുഷ് ഐശ്വര്യയെ ചുംബിച്ചുവെന്നും അവര്‍ ജീവിതം മുന്നോട്ട് കൊണ്ട് പോവാന്‍ തയ്യാറായെന്നും തരത്തില്‍ റിപ്പോര്‍ട്ടുകളാണ് വന്നത്. എന്നാല്‍ ആരാധകരെ പോലും നിരാശപ്പെടുത്തുന്ന പുത്തന്‍ വിവരമാണ് ഇപ്പോള്‍ ലഭിച്ചിരിക്കുന്നത്. എന്തായാലും രണ്ടാളും ഒരുപോലെ സന്തോഷത്തോടെ മുന്നോട്ട് പോവുകയാണ് വേണ്ടതെന്ന് നിഗമനത്തിലാണ് ആരാധകരും.

2004 ലാണ് രജനികാന്തിന്റെ മകളായ ഐശ്വര്യയെ ധനുഷ് വിവാഹം കഴിക്കുന്നത്. അവിടുന്നിങ്ങോട്ട് പതിനെട്ട് വര്‍ഷത്തോളം ഒത്തൊരുമിച്ചുള്ള ദാമ്പത്യമായിരുന്നു. ഈ ബന്ധത്തില്‍ രണ്ട് ആണ്‍മക്കളും ജനിച്ചു. എന്നാല്‍ ഈ വര്‍ഷം ജനുവരിയിലാണ് പരസ്പര സമ്മതത്തോടെ വിവാഹമോചിതരാവാന്‍ തീരുമാനിച്ചെന്ന കാര്യം ധനുഷും ഐശ്വര്യയും വെളുപ്പെടുത്തുന്നത്. അന്ന് മുതലിങ്ങോട്ട് താരങ്ങള്‍ ഗോസിപ്പ് കോളങ്ങളില്‍ നിറഞ്ഞ് നില്‍ക്കുകയായിരുന്നു.