Click it and Unblock the Notifications
Don't Miss!
-
ലോക്സഭ തിരഞ്ഞെടുപ്പ്; കേരളം ഇന്ന് വിധിയെഴുതും..വോട്ടെടുപ്പ് രാവിലെ 7 മുതൽ -
IPL 2024: ഡുപ്ലെസിയുടെ മാരക പ്ലാന്‍! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില്‍ എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മകനെ ഓര്‍ത്ത് വിഷമിച്ചിരിക്കുന്ന വിജയിനെ അജിത്ത് വിളിച്ചിരുന്നോ? യാഥാര്‍ത്ഥ്യം ഇങ്ങനെയാണ്!
കൊവിഡ് 19 പടര്‍ന്നുപിടിക്കാന്‍ തുടങ്ങിയപ്പോഴായിരുന്നു രാജ്യമൊട്ടുക്കും ലോക് ഡൗണ്‍ പ്രഖ്യാപിച്ചത്. റിലീസുകളും ഷൂട്ടിംഗുകളെല്ലാം മാറ്റിവെച്ചതോടെ സിനിമാലോകവും നിശബ്ദമാവുകയായിരുന്നു. താരങ്ങളെല്ലാം വീട്ടില്‍ കഴിയുകയാണ്. കുടുംബത്തിനോടൊപ്പം സമയം ചെലവഴിക്കാന്‍ കിട്ടിയതിന്റെ സന്തോഷത്തിലാണ് ചിലര്‍. മറ്റ് ചിലരാവട്ടെ പഴയ ഹോബി പൊടിതട്ടിയെടുത്തും പാചക പരീക്ഷണങ്ങള്‍ നടത്തിയുമൊക്കെ സജീവമാണ്. സോഷ്യല്‍ മീഡിയയിലൂടെയാണ് പല താരങ്ങളും വിശേഷങ്ങള്‍ പങ്കുവെക്കുന്നത്.
തമിഴകത്തിന്റെ സ്വന്തം താരമായ ഇളയദളപതി മകനെക്കുറിച്ചുള്ള ആശങ്കയിലാണെന്നുള്ള വിവരങ്ങള്‍ നേരത്തെ തന്നെ പുറത്തുവന്നിരുന്നു. കാനഡയിലാണ് ജെയ്‌സണ്‍ സഞ്ജയ്. ദിവ്യയ്ക്കും സംഗീതയ്ക്കുമൊപ്പം വിജയ് ചെന്നൈയിലെ വീട്ടിലുണ്ട്. സിനിമാപഠനത്തിന് വേണ്ടിയാണ് മകന്‍ കാനഡയിലേക്ക് പോയത്. മുത്തച്ഛനും അച്ഛനും പിന്നാലെയായി സിനിമയില്‍ അരങ്ങേറാനാണ് സഞ്ജയും പ്ലാന്‍ ചെയ്യുന്നത്. ഹ്രസ്വചിത്രങ്ങളൊരുക്കി നേരത്തെ താരപുത്രന്‍ ശ്രദ്ധിക്കപ്പെട്ടിരുന്നു. ധ്രുവ് വിക്രമിനൊപ്പം ജയ്‌സണും എത്തുന്നുവെന്നുള്ള വിവരങ്ങളായിരുന്നു ഇടയ്ക്ക് പുറത്തുവന്നത്.
മകനെക്കുറിച്ച് ആശങ്കപ്പെട്ട് കഴിയുന്ന വിജയ് യെ ആശ്വസിപ്പിക്കാനായി അജിത്ത് ഫോണില്‍ വിളിച്ചുവെന്നുള്ള റിപ്പോര്‍ട്ടുകളായിരുന്നു സോഷ്യല്‍ മീഡിയയിലൂടെ പ്രചരിച്ചത്. ക്ഷണനേരം കൊണ്ടായിരുന്നു ഈ വാര്‍ത്ത വൈറലായി മാറിയത്. എന്നാല്‍ അത്തരത്തിലൊരു സംഭവം നടന്നിട്ടില്ലെന്നാണ് ഇവരുമായി അടുത്ത വൃത്തങ്ങള്‍ പറയുന്നത്. സ്‌ക്രീനില്‍ സിനിമകളുമായി പോരാട്ടം നടത്താറുണ്ടെങ്കിലും വ്യക്തി ജീവിതത്തില്‍ അടുത്ത സുഹൃത്തുക്കളാണ് ഇരുവരും.
വിജയ് യെ അജിത്ത് വിളിച്ചുവെന്ന് പറയുന്ന വാര്‍ത്ത വ്യാജമാണ്. അത്തരത്തിലൊരു സംഭവം നടന്നിട്ടുണ്ടെങ്കില്‍ അത് പബ്ലിക്കായി, സമൂഹ മാധ്യമങ്ങളില്‍ ചര്‍ച്ചയാവില്ലെന്നും ബന്ധപ്പെട്ടവര്‍ പറയുന്നു. ലോകേഷ് കനകരാജ് സംവിധാനം ചെയ്യുന്ന മാസ്റ്ററാണ് വിജയുടേതായി തിയേറ്ററുകളിലേക്കെത്തുന്ന അടുത്ത ചിത്രം. എച്ച് വിനോദിന്റെ വാലിമൈയിലാണ് അജിത്ത് അഭിനയിച്ചുകൊണ്ടിരുന്നത്. അതിനിടയിലാണ് ലോക് ഡൗണ്‍ പ്രഖ്യാപിച്ചത്.
റിലീസുകളുമായി ബന്ധപ്പെട്ട് ആരാധകര്‍ പോരാടാറുണ്ടെങ്കിലും താരങ്ങള്‍ തമ്മില്‍ അടുത്ത സൗഹൃദമാണ്. പലപ്പോഴും ഫാന്‍സ് പ്രവര്‍ത്തകര്‍ ഇതേക്കുറിച്ച് മനസ്സിലാക്കാറില്ല. തങ്ങളുടെ സൗഹൃദത്തെക്കുറിച്ചോ, അടുപ്പത്തെക്കുറിച്ചോ താരങ്ങളും സംസാരിക്കാറില്ല.
