ധനുഷിനെതിരായ പരാമര്‍ശം പിന്‍വലിച്ച് ഗായിക സുചിത്ര, പിന്‍മാറ്റത്തിന് പിന്നിലെ കാരണം?

അക്കൗണ്ട് ഹാക്ക് ചെയ്യപ്പെട്ടു

തന്‍റെ ഭാര്യയുടെ ട്വിറ്റര്‍ അക്കൗണ്ട് ഹാക്ക് ചെയ്യപ്പെട്ടിരുന്നതിനാലാണ് ധനുഷിനെ അപമാനിക്കുന്ന തരത്തിലുള്ള ട്വീറ്റുകള്‍ പ്രത്യക്ഷപ്പെട്ടതെന്നും കാര്‍ത്തിക്ക് അറിയിച്ചു.

ഗുരുതര ആരോപണവുമായി ഗായിക

തമിഴകത്തെ മുന്‍നിര താരങ്ങളിലൊരാളായ ധനുഷിനെതിരെ രൂക്ഷമായ ആരോപണമാണ് ഗായിക സുചിത്ര ഉന്നയിച്ചിരുന്നത്. ഒരു പാര്‍ട്ടിയില്‍ പങ്കെടുക്കാനെത്തിയ തന്റെ കൈ ധനുഷിന്റെ സംഘത്തിലെ ആരോ പിടിച്ച് തിരിച്ചുവെന്ന് ആരോപിച്ച് ഗായിക രംഗത്തെത്തിയിരുന്നു.

ട്വിറ്ററില്‍ വന്‍ചര്‍ച്ച

ധനുഷിന്റെ പേര് ചേര്‍ത്ത ഹാഷ് ടാഗടക്കമാണ് സുചിത്ര കാര്യങ്ങള്‍ ട്വീറ്റ് ചെയ്തിട്ടുള്ളത്. ധനുഷിന്റെ സംഘത്തിലുണ്ടായിരുന്നവര്‍ തന്നെ ഉപദ്രവിച്ചുവെന്നത് വാസ്തവമാണെന്നാണ് ഗായിക പ്രതികരിച്ചത്.

ഉത്തരവാദിത്തത്തോടു കൂടി പെരുമാറണം

സുചിത്രയുടെ ട്വീറ്റുകള്‍ക്കുള്ള വിശദീകരണവുമായാണ് കാര്‍ത്തിക്ക് രംഗത്തുവന്നിട്ടുള്ളത്. ഗായിക പ്രചരിപ്പിക്കുന്ന കാര്യങ്ങളില്‍ യാതൊരുവിധ വാസ്തവവുമില്ലെന്ന് വ്യക്തമാക്കുന്ന ട്വീറ്റിന് താഴെ നിരവധി കമന്റുകളാണ് പ്രത്യക്ഷപ്പെട്ടിട്ടുള്ളത്