അമല പോള്‍ ആടൈയ്ക്കായി ചില്ലറ കഷ്ടപ്പാടല്ല സഹിച്ചത്! വിക്രമിനൊപ്പമുള്ള വരവാണ്! വിജയിക്കില്ലേ? കാണൂ!

ട്രെയിലര്‍ എത്തുന്നു

കരണ്‍ ജോഹറായിരുന്നു ചിത്രത്തിന്റെ ടീസര്‍ പുറത്തുവിട്ടത്. ട്രെയിലര്‍ പുറത്തുവിടുന്നത് ആരായിരിക്കുമെന്ന തരത്തിലുള്ള ചര്‍ച്ചകള്‍ സോഷ്യല്‍ മീഡിയയിലൂടെ അരങ്ങേറിയിരുന്നു. ഇന്ത്യന്‍ സിനിമയുടെ തന്നെ എക്കാലത്തേയും മികച്ച സംവിധായകരിലൊരാളായ അനുരാഗ് കശ്യപാണ് ചിത്രത്തിന്റെ ട്രെയിലര്‍ പുറത്തുവിടുന്നതെന്നുള്ള വാര്‍ത്ത പങ്കുവെച്ചത് സംവിധായകന്‍ തന്നെയാണ്. ട്വിറ്ററിലൂടെയാണ് രത്‌നകുമാര്‍ ഇക്കാര്യത്തെക്കുറിച്ച് വ്യക്തമാക്കിയത്. ജൂലെ 6നാണ് ചിത്രത്തിന്റെ ട്രെയിലര്‍ പുറത്തുവിടുന്നത്. ജൂലൈ 19നാണ് ചിത്രം റിലീസ് ചെയ്യുന്നത്.

വിപ്ലവമായി മാറിയേക്കും

രത്‌നകുമാര്‍ ചിത്രമായ ആടൈയ്ക്കായി നിരവധി അവസരങ്ങളാണ് അമല പോള്‍ വേണ്ടെന്ന് വെച്ചത്. കരിയറിലെ പ്രധാന ചിത്രങ്ങളിലൊന്നായി ഇത് മാറുമെന്ന് താരത്തിന് നേരത്തെ മനസ്സിലായിരുന്നു. താരത്തിന്‍റെ ധീര തീരുമാനത്തിന് കൈയ്യടിയുമായി ആരാധകര്‍ മാത്രമല്ല സിനിമാലോകവും എത്തിയിരുന്നു. തമിഴ് സിനിമയില്‍ വലിയൊരു വിപ്ലവം തന്നെയായിരിക്കും ഈ ചിത്രം സൃഷ്ടിക്കുകയെന്ന അനുമാനത്തിലാണ് ആരാധകലോകം. നിരവധി താരങ്ങളാണ് ഈ ചിത്രത്തിലെ വേഷം നിരസിച്ചത്. എന്നാല്‍ സിനിമയുമായി മുന്നേറനായിരുന്നു താരം തീരുമാനിച്ചത്. ആ തീരുമാനം ശരിയാണെന്ന് ആരാധകര്‍ ഇതിനോടകം തന്നെ ശരിവെച്ചിരുന്നു.

കരിയര്‍ ബ്രേക്കായി മാറും

പതിവില്‍ നിന്നും വ്യത്യസ്തമായ കഥാപാത്രം തന്നെയാണ് ആടൈയിലേത്. അസാധാരണമായ തിരക്കഥയുമായാണ് അണിയറപ്രവര്‍ത്തകര്‍ തന്നെ സമീപിച്ചതെന്ന് താരം വ്യക്തമാക്കിയിരുന്നു. അഭിനേതാവ് എന്ന നിലയില്‍ കരിയറിലെ തന്നെ വലിയൊരു വഴിത്തിരിവായിരിക്കും ഈ ചിത്രമെന്നും. രത്‌നകുമാറിന്റെ മേയാതമാന്‍ കണ്ടിരുന്നു. ഏറെ ഇഷ്ടപ്പെട്ടിരുന്നു ആ സിനിമ. അദ്ദേഹത്തിന്റെ അവതരണ രീതിയും പ്രമേയവും ആവിഷ്‌ക്കാര ശൈലിയുമൊക്കെ തന്നെയും സ്വാധീനിച്ചിരുന്നു. അദ്ദേഹത്തിലുള്ള വിശ്വാസമാണ് തന്നെ ഈ സിനിമയിലേക്ക് എത്തിച്ചതെന്നും താരം പറഞ്ഞിരുന്നു. താരത്തിന്‍റെ പ്രതീക്ഷ ശരിയായിരിക്കുമോയെന്നറിയാനായി ഇനിയും കാത്തിരിക്കണം.

വിക്രമിനൊപ്പമുള്ള മത്സരം

ജൂലൈ 19നാണ് ആടൈ റിലീസ് ചെയ്യുന്നത്. ഇതേ ദിവസം തന്നെയാണ് വിക്രമിന്‍റെ പുതിയ ചിത്രമായ കടാരം കൊണ്ടേനും തിയേറ്ററുകളിലേക്കെത്തുന്നത്. നീണ്ട നാളത്തെ ഇടവേളയ്ക്ക് ശേഷം ശക്തമായ തിരിച്ചുവരവ് നടത്താനുള്ള തയ്യാറെടുപ്പിലാണ് താരം. രാജേഷ്‌ എം സെൽവ സംവിധാനം ചെയ്ത സിനിമയുടെ ട്രെയിലര്‍ കഴിഞ്ഞ ദിവസമാണഅ പുറത്തുവന്നത്. ഞെട്ടിപ്പിക്കുന്ന മേക്കോവറുമായാണ് വിക്രം എത്തുന്നത്. വിക്രമിന്‍റെ 56ാമത്തെ ചിത്രമാണ് ഇത്. അമല പോളും വിക്രമും ഏറ്റുമുട്ടിയാല്‍ ആര്‍ക്കായിരിക്കും നേട്ടമെന്ന തരത്തിലുള്ള ചര്‍ച്ചകളും അരങ്ങേറുന്നുണ്ട്.