പ്രണയത്തിലാണെന്ന് അമല പോള്‍! അദ്ദേഹം സിനിമാക്കാരനല്ല! വിവാഹം ഉടനില്ലെന്നും താരം!

പ്രണയത്തിലാണ്

പ്രണയിച്ച് വിവാഹിതരായവരില്‍ പലരും ഇടയ്ക്ക് വേര്‍പിരിഞ്ഞിരുന്നു. പക്വതയില്ലാത്ത സമയത്തായിരുന്നു തന്റെ വിവാഹമെന്നും ആ തീരുമാനം തെറ്റായിരുന്നുവെന്ന് പിന്നീടാണ് മനസ്സിലാക്കിയതെന്നും അമല പോള്‍ പറഞ്ഞിരുന്നു. സിനിമയില്‍ തിളങ്ങി നില്‍ക്കുന്ന സമയത്തായിരുന്നു അമല പോള്‍ വിവാഹജീവിതത്തിലേക്ക് പ്രവേശിച്ചത്. വിവാഹമോചനത്തിന് ശേഷവും താരം സിനിമയില്‍ സജീവമാണ്. താന്‍ ഒരാളുമായി പ്രണയത്തിലാണെന്നും അദ്ദേഹം സിനിമയുമായി ബന്ധപ്പെട്ട് പ്രവര്‍ത്തിക്കുന്നയാളല്ലെന്നുമാണ് അടുത്തിടെ അമല പോള്‍ വെളിപ്പെടുത്തിയത്. ആടൈയുടെ പ്രമോഷനിടയിലായിരുന്നു ഇക്കാര്യത്തെക്കുറിച്ച് സംസാരിച്ചത്. പ്രണയത്തിലാണെന്ന് പറഞ്ഞിരുന്നുവെങ്കിലും കൂടുതല്‍ വിവരങ്ങളൊന്നും പുറത്തുവിട്ടിരുന്നില്ല. ആരാണ് അദ്ദേഹമെന്ന ചോദ്യവുമായി ആരാധകരെത്തിയിരുന്നു.

വിവാഹം ഉടനില്ല

പ്രണയത്തിലാണെന്ന് വ്യക്തമാക്കിയെങ്കിലും അടുത്ത് തന്നെ വിവാഹമുണ്ടാവില്ലെന്നും താരം വ്യക്തമാക്കിയിട്ടുണ്ട്. കരിയറിലെ പ്രധാനപ്പെട്ട വഴിത്തിരിവില്‍ നില്‍ക്കുന്നതിനിടയില്‍ വ്യക്തി ജീവിതത്തിലെ പ്രധാന കാര്യവും കൂടി നടത്തുമോയെന്നാണ് ആരാധകര്‍ ചോദിക്കുന്നത്. ഇതേക്കുറിച്ച് വ്യക്തമായ ധാരണ താരത്തിനുണ്ട്. ഇപ്പോഴത്തെ ജീവിതത്തില്‍ സന്തോഷവതിയാണെന്നും സിനിമയെക്കുറിച്ചാണ് പ്രധാനമായും ശ്രദ്ധിക്കുന്നതെന്നും താരം പറഞ്ഞിരുന്നു. ആരാധകപിന്തുണയുടെ കാര്യത്തില്‍ ഏറെ മുന്നിലാണ് താരം. അതിനാല്‍ത്തന്നെ ഇത്തരത്തിലുള്ള കാര്യങ്ങളെല്ലാം നിമിഷനേരം കൊണ്ടാണ് വൈറലായി മാറുന്നത്.

സംവിധായകന്റെ വിവാഹം

അമല പോളിന്റെ മുന്‍ഭര്‍ത്താവും സംവിധായകനുമായ എഎല്‍ വിജയ് യുടെ വിവാഹം അടുത്തിടെയാണ് കഴിഞ്ഞത്. 2014ലായിരുന്നു അമലയും വിജയ് യും വിവാഹിതരായത്. 2017 ല്‍ ഇരുവരും വേര്‍പിരിയുകയായിരുന്നു. വിവാഹമോചനവുമായി ബന്ധപ്പെട്ട് പല തരത്തിലുള്ള കഥകള്‍ പ്രചരിക്കുന്നുണ്ടെങ്കിലും യഥാര്‍ത്ഥ കാരണം എന്താണെന്നത് ഇന്നും അഞ്ജാതമായി തുടരുകയാണ്. സംവിധായകന്റെ രണ്ടാം വിവാഹം കഴിഞ്ഞതിന് പിന്നാലെയായാണ് ആരാധകര്‍ അമല പോളിനോടും ഇതേക്കുറിച്ച് ചോദിച്ച് തുടങ്ങിയത്.

ആടൈയ്ക്കായി കാത്തിരിക്കുന്നു

പ്രഖ്യാപനവേള മുതല്‍ത്തന്നെ വാര്‍ത്തകളില്‍ നിറഞ്ഞുനിന്ന സിനിമയാണ് ആടൈ. ത്രില്ലര്‍ ചിത്രത്തില്‍ അഭിനയിക്കുന്നതിനായി പല താരങ്ങളും വിസമ്മതിച്ചിരുന്നു. കാത്തിരുന്ന് ലഭിച്ച അവസരത്തെ ഇരുകൈയ്യും നീട്ടി സ്വീകരിക്കുകയായിരുന്നു അമല പോള്‍. രമ്യ സുബ്രഹ്മണ്യം, വിവേക് പ്രസന്ന തുടങ്ങിയ താരങ്ങളും ചിത്രത്തിനായി അണിനിരക്കുന്നുണ്ട്. രത്‌നകുമാറിന്റെ സിനിമ നേരത്തെ കണ്ടിട്ടുണ്ടെന്നും അദ്ദേഹത്തിനോടൊപ്പം പ്രവര്‍ത്തിക്കാന്‍ ആഗ്രഹമുണ്ടെന്നും താരം പറഞ്ഞിരുന്നു. പൃഥ്വിരാജിനൊപ്പമുള്ള ആടുജീവിതമാണ് താരത്തിന്റേതായി ഒരുങ്ങുന്ന മലയാള സിനിമ.ഡേറ്റിംഗിന് തയ്യാറാണോ?