അന്ന് ശരീരത്തിന്റെ പല ഭാഗങ്ങളും മറച്ചത് മുടി കൊണ്ട്!! നീളമുള്ള തലമുടി മുറിച്ചതിനെ കുറിച്ച് അമല

ഉപേക്ഷിച്ച ആ ശീലങ്ങൾ വീണ്ടും തുടങ്ങി

കഴിഞ്ഞ കുറെക്കാലമായി യോഗ പരിശീലിക്കുന്ന ആളാണ് ഞാൻ. അതിന്റേതായ എല്ലാ ശാന്തതയും താൻ അനുഭവിക്കുന്നുണ്ട്. എന്നാൽ കാമിനി അതിൽ നിന്ന് വിപരീതമാണ്. എക്സെൻട്രിക് ഹൈപ്പറാണ്. 19-20 വയസ്സിലൊക്കെ ഞാൻ അങ്ങനെയായിരുന്നു. കാമിനിയാകാൻ കുറെക്കാലത്തിന് ശേഷം യോഗയ്ക്ക് പകരം ജിമ്മിൽ പോയി തുടങ്ങി. താൻ കാപ്പി കുടിയ്ക്കാത്ത ആളാണ്. ആയുര്‍വേദ വിധിയനുസരിച്ച് ത്രിദോഷങ്ങളില്‍ പിത്തപ്രധാനിയാണ് ഞാന്‍. അങ്ങനെയുള്ളവര്‍ കാപ്പി കുടിയ്ക്കരുതെന്നാണ് വിധി.' എന്നാൽ കാമിനിയ്ക്ക് വേണ്ടി കാപ്പി കുടക്കാൻ തുടങ്ങി.

ദേഷ്യം കൂടി

ഉറക്കം നഷ്ടപ്പെട്ടു , ദേഷ്യം കൂടിത്തുടങ്ങി എന്നിവയായിരുന്നു ഈ ശീലങ്ങളിൽ നിന്ന് കിട്ടിയത്. പ്രിയപ്പെട്ടവരൊക്കെ എന്നോട് ചൂടാവാൻ തുടങ്ങുന്നത് ശ്രദ്ധിച്ചിരുന്നു . പക്ഷെ കഥാപാത്രമാകാനുളള തയ്യാറെടുപ്പായതു കൊണ്ട് ഇതൊന്നും മാറ്റാൻ ശ്രദ്ധിച്ചിരുന്നുമില്ല.ഇരുപതുകളുടെ തുടക്കത്തിലുള്ള ആളാണ് 'കാമിനി'. തലമുറയുടെ സ്റ്റൈലും ഭാഷയുമൊക്കെ കഥാപാത്രത്തിലേക്ക് എത്തിക്കണമായിരുന്നു. അതിനുവേണ്ടിയും ശ്രമങ്ങള്‍ ഉണ്ടായിരുന്നു. ഇവയെല്ലാം.

മുടിവെട്ടി

സിനിമയുടെ ചിത്രീകരണത്തിനു ശേഷവും കഥാപാത്രം തന്നിൽ നിന്ന് വിട്ട് പോയിരുന്നില്ല. അതു കൊണ്ട് ഷൂട്ടിംഗ് കഴിഞ്ഞതിന് ശേഷം മുടി വെട്ടി. കാരണം കണ്ണാടിയില്‍ നോക്കുമ്പോഴെല്ലാം ഞാന്‍ 'കാമിനി'യെ ആയിരുന്നു കണ്ടിരുന്നത്. സിനിമയില്‍ ചില രംഗങ്ങളിലൊക്കെ ശരീരം മറയ്ക്കാൻ തലമുടി ഉപയോഗിച്ചിരുന്നു. കൂടാതെ ഷൂട്ടിംഗിന്റെ സമയത്ത് ഉപയോഗിച്ചിരുന്ന ഒരു മോയ്‌സ്ചുറൈസിംഗ് ക്രീം ഉണ്ടായിരുന്നു. അത് ഇനി ഞാന്‍ ഉപയോഗിക്കില്ല. കാരണം അതിന്റെ മണം കിട്ടുമ്പോഴേ 'ആടൈ'യാണ് മനസിലേക്ക് എത്തുന്നത്.

ചിത്രത്തിനു വേണ്ടിയുളള കാത്തിരിപ്പ്

പ്രഖ്യാപനം മുതലെ വാര്‍ത്തകളില്‍ നിറഞ്ഞുനിന്ന സിനിമയാണ് ആടൈ. ത്രില്ലര്‍ വിഭാഗത്തിൽപ്പെടുന്ന ചിത്രമാണിത്, അമല പോളിനെ കൂടാതെ രമ്യ സുബ്രഹ്മണ്യം, വിവേക് പ്രസന്ന തുടങ്ങിയ താരങ്ങളും ചിത്രത്തിൽ പ്രധാനകഥാപാത്രങ്ങളെ അവതരിപ്പിക്കുന്നുണ്ട്. ടീസറും ഫസ്റ്റ് ലുക്ക് പോസ്റ്ററുമെല്ലാം പ്രേക്ഷകരുടെ ഇടയിൽ ആകാംക്ഷ സൃഷ്ടിച്ചിരുന്നു. ജൂലൈ 19 നാണ് ചിത്രം റിലീസിനായി എത്തുന്നത്.