ജയ് യുമായുള്ള പ്രണയത്തെക്കുറിച്ച് ഒന്നും മിണ്ടാതെ അഞ്ജലി, ഇവരും അടിച്ചു പിരിഞ്ഞോ ???

ജീവിത പങ്കാളിയെ കണ്ടെത്തി

വിവാഹം കഴിക്കേണ്ട ആളെ കണ്ടെത്തിയെന്ന് പ്രമുഖ തമിഴ് മാസികയ്ക്ക് നല്‍കിയ അഭിമുഖത്തില്‍ അഞ്ജലി വെളിപ്പെടുത്തി. എന്നാല്‍ വിവാഹം ഉടനുണ്ടാവുകയില്ല. ആളെ കണ്ടെത്തിയെന്നു മാത്രമാണ് അഞ്ജലി അറിയിച്ചിട്ടുള്ളത്. നന്നായി ചിന്തിക്കുന്ന ആളാണ് തന്‍റെ ഭാവിവരന്‍.

പ്രണയത്തെക്കുറിച്ച് പ്രതികരിക്കാന്‍ തയ്യാറായില്ല

വിവാഹത്തെക്കുറിച്ചും ജീവിത പങ്കാളിയെക്കുറിച്ചും സംസാരിക്കുന്നതിനിടയില്‍ യുവനടന്‍ വിജയ് യുമായുള്ള പ്രണയത്തെക്കുറിച്ച് ചോദിച്ചപ്പോള്‍ മൗനമായിരുന്നു അഞ്ജലിയുടെ മറുപടി. ജയ് യുടെ പിറന്നാള്‍ ദിനത്തില്‍ ഷൂട്ടിങ്ങ് ലൊക്കേഷനിലെത്തി അഞ്ജലിയും ആഘോഷത്തില്‍ പങ്കെടുത്തിരുന്നു. ഇരുവരും ഒന്നിച്ചുള്ള ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു.

വീട്ടിലെ പ്രശ്‌നങ്ങള്‍ക്കിടയില്‍ ആശ്വാസമായത് ജയ്

ഇളയമ്മയുമായുള്ള പ്രശ്‌നത്തെ തുടര്‍ന്ന് വീടടുകാരില്‍ നിന്നും അകന്ന് നിന്നപ്പോള്‍ പിന്തുണയുമായെത്തിയത് ജയ് ആണെന്ന തരത്തിലുള്ള റിപ്പോര്‍ട്ടുകള്‍ നേരത്തെ പ്രചരിച്ചിരുന്നു. എന്നാല്‍ അങ്ങനെ പ്രത്യേകിച്ച് ആരുമായും തനിക്ക് അടുപ്പമില്ലെന്നാണ് അഭിമുഖത്തില്‍ താരം വ്യക്തമാക്കിയത്.

കാര്‍ വാങ്ങിച്ചതിനെക്കുറിച്ച് പ്രചരിച്ച വാര്‍ത്ത

അടുത്ത കാലത്ത് താനുമായി ബന്ധപ്പെട്ട് പ്രചരിച്ചിരുന്ന ഒരു വാര്‍ത്ത തനിക്ക് ഒരു കാര്‍ സമ്മാനമായി ലഭിച്ചുവെന്നുള്ളതാണ്. എന്നാല്‍ അല്ലു അര്‍ജുന്റെ സിനിമയില്‍ 24 മണിക്കൂര്‍ നൃത്തം ചെയ്തതിന് കിട്ടിയ പ്രതിഫലം കൊണ്ടാണ് കാര്‍ വാങ്ങിയത്. വളരെ റിസ്‌കെടുത്താണ് ചിത്രത്തിലെ രംഗങ്ങള്‍ പൂര്‍ത്തിയാക്കിയതെന്നും അഞ്ജലി വ്യക്തമാക്കി.

പഴയ കാര്യങ്ങളെക്കുറിച്ച് ഓര്‍ക്കാറില്ല

പഴയ കാര്യങ്ങള്‍ ഓര്‍ത്ത് മനസ്സു വിഷമിപ്പിക്കാറില്ലെന്ന് താരം പറഞ്ഞു. തുടക്ക കാലത്ത് സിനിമയില്‍ പിടിച്ചു നില്‍ക്കാന്‍ കഴിയുമെന്ന് കരുതിയിരുന്നില്ലെന്നും അഞ്ജലി വ്യക്തമാക്കി. അധ്വാനം കൊണ്ടാണ് ഇത്രയും കാലം സിനിമയില്‍ പിടിച്ചു നിന്നത്. സിനിമകള്‍ പരാജയപ്പെട്ടാല്‍ സ്വര്‍ണ്ണ വ്യാപാരം, റിയല്‍ എസ്റ്റേറ്റ് തുടങ്ങിയ കാര്യങ്ങളില്‍ ശ്രദ്ധ കേന്ദ്രീകരിക്കുമെന്നും അഞ്ജലി പറഞ്ഞു.

പ്രേക്ഷകരുടെ ഇഷ്ട ജോഡികള്‍ പ്രണയത്തിലാണെന്ന റിപ്പോര്‍ട്ടുകള്‍

എങ്കേയും എപ്പോതും സിനിമയിലൂടെ ലഭിച്ച സ്വീകാര്യത
പ്രണയതീവ്രതയുമായെത്തിയ എങ്കേയും എപ്പോതുമിലൂടെയാണ് ജയ് അഞ്ജലി കൂട്ടുകെട്ടിനെ തമിഴകം സ്വീകരിച്ചത്. അങ്ങാടിത്തെരുവിലൂടെ അഭിനയരംഗത്തെത്തിയ താരമാണ് അഞ്ജലി. ഒരുമിച്ച് അഭിനയിച്ചപ്പോള്‍ മുതല്‍ ഇരുവരും തമ്മില്‍ നല്ല സൗഹൃദത്തിലായിരുന്നു.