എന്നാലും നയന്‍താരയോട് ഇത് വേണമായിരുന്നോ? നയന്‍സിന്റെ പുതിയ സിനിമയ്ക്ക് സംഭവിച്ചതെന്താണെന്ന് അറിയാമോ?

നയന്‍സിന്റെ സിനിമയും ലീക്കായി

ഗ്ലാമറസ് വേഷങ്ങളില്‍ നിന്നും നയന്‍താര വ്യത്യസ്ത സിനിമകളിലേക്ക് മാറി കൊണ്ടിരിക്കുകയാണ്. അതിനിടെ ശക്തമായ സ്ത്രീ കഥാപാത്രമായി അഭിനയിച്ച സിനിമയായിരുന്നു അരം. ചിത്രം റിലീസ് ചെയ്ത് 12 മണിക്കൂറിനുള്ളിലാണ് വ്യാജന്‍ ഇന്റര്‍നെറ്റിലും പ്രത്യക്ഷപ്പെട്ടത്.

ടോറന്റ് സൈറ്റുകളില്‍

തമിഴിലും മലയാളത്തിലും നിര്‍മ്മിക്കുന്ന പുതിയ സിനിമകളുടെ വ്യാജന്‍ ഇറക്കുന്ന തമിഴ് റോക്കേഴ്‌സാണ് നയന്‍സിന്റെ സിനിമയും ലീക്കാക്കിയത്. ടോറന്റ് സൈറ്റുകളിലൂടെയാണ് സിനിമയുടെ വ്യാജന്‍ പ്രചരിച്ചിരുന്നത്. തിയറ്ററുകളില്‍ നിന്നും പകര്‍ത്തിയതല്ലെന്നും മികച്ച രീതിയിലുള്ള പ്രിന്റാണ് പുറത്ത് വന്നിരിക്കുന്നത്.

നയന്‍സ് ഞെട്ടിച്ചു

ഗോപി നൈനാര്‍ സംവിധാനം ചെയ്ത് സിനിമയില്‍ നയന്‍താര തന്റെ മികച്ച പ്രകടനം തന്നെ കാഴ്ചവെച്ചിരിക്കുകയാണ്. മാത്രമല്ല സിനിമയെ കുറിച്ചും നല്ല അഭിപ്രായം വരുന്നതിനിടൊണ് ചിത്രം പുറത്ത് വന്നിരിക്കുന്നത്.

സിനിമയുടെ ഇതിവൃത്തം

ഒരേ സമയം സോഷ്യോ പെളിറ്റിക്കല്‍ ത്രില്ലറായും ഇമോഷണല്‍ ഡ്രാമയുമായിട്ടാണ് സിനിമ ഒരുക്കിയിരിക്കുന്നത്. ഇന്നത്തെ തമിഴ്‌നാട്ടില്‍ നടക്കുന്ന രാഷ്ട്രീയ സംഭവങ്ങളാണ് സിനിമയിലൂടെ പറയുന്നത്.

തലൈവിയായി നയന്‍സ്

സിനിമയുടെ പ്രമോഷന് താന്‍ പങ്കെടുക്കില്ലെന്ന് പറഞ്ഞിരുന്ന നയന്‍താര ഈ സിനിമയുടെ പ്രമോഷനെത്തിയത് ചര്‍ച്ച ചെയ്തിരുന്നു. മാത്രമല്ല എല്ലാവരും എങ്കള്‍ തലൈവി എന്ന് വിളിച്ചായിരുന്നു നടിയെ വരവേറ്റിരുന്നത്.